ISAIAH 18:2 - Cho Bible Common Language 2016

² Cun ah khaw ung ka shächang gui cu, phiphät gong awn pyan ah hleikaw gui awn Nile tuinu ung kyum lawk ci gui. Nami im ah hteit ba vä, zangkhai ciah shächang gui! Shin ah ng’thu cu, tuinu gui naw am cha ah nami khaw ah thamah ne, huham mah ciah nami pakhui ah, däm ng’shäi ne, kyom ciah nami chang gui, khomdek khun ung van naw akyih gui ah, hteh püi ba vä.

ISAIAH 18:2 Referans Kwoze

ISAIAH 18:7

Tuinu gui naw am cha ah khaw, shin ah gaigawng ne huham mah ciah pakhui, ng’sau ne ami vun ng’mi aiah chang gui, khomdek khan avan ung ami kyih kyawk gui ah douthak gui cu m’gäi ciah Bawipa naw a gah nak vai ah akhin gawk lawk ci nei. Ngami cu m’gäi ciah Bawipa khawihnah nak ah Zion M’htung ah lawk khai gui nei.

2 SHONTÄP NAK 16:8

Sudam gui la Lybian gui cu yatha gui la ng’se ng’cum ci akda awn dämduh ciah gakap ah kä kya u ne ang? Cun ung phi nang naw Bawipa cu ng’ge ng’pai püi ci sei, ngami ah khan ah näng nak ning pek ci nei.

2 SHONTÄP NAK 14:9

Ethiopian chang Zerah naw gakap hting gha la yatha 300 awn Judah cu tu law ne Mareshah gawnu ung gawk lawk ci.

EZEKIEL 30:9

“Cun ah hnüüp gawk law sei, Egypt adi law ah a kyak ung, Sudan ung a i kä ngaih-tüh ah om ciah chang gui m’tholet gui khai ah kei naw chang gui htinpaw awn ka tüi gui khai, ngami cu kyikyawk khai gui. Cun ah hnüüp cu gawk lawk ci nei.

PHYAWN NAK 2:3

Cun ung phi kä thup law ba hlawt neta, mui dawn la ne, tuipan la sing pli awn hluk ne, küm ne pyang neta, acun ung a hmaw hta m’khäp ne, tuikem phiphät hmu ah hmoh ci.

LUKA 10:19

Ngai vä, nangmi-am m’khüt näng nak ka ning pe gui pyi ci nei. Am äm-ah k’phyu m’khaw gui la Satan khoshe ga nüng nüng nami m’khüt näng khai nei.

JOB 9:26

Ka ghin kho hnüüp gui cu gai pi bäih ciah htinpaw ah mäih la, m’hmu naw vi a lawh law ung a yawng phäi law ah mäih ah dawng ci.

JEREMIAH 49:14

Kei naw ka pyen ci, “Edom, kei naw Bawipa ah ng’thu cu ka gah ci nei. Ani naw changpakhui gui am ng’thu m’khäh ne chang tüi ne, ami gakap gui ng’bum sak u ne, nangmi ning tuk gui ge vai ah ami om vai ah m’thein gui ci nei.

OBADIAH 1:1

Shin cu Obadiah ah ng’cäbang — Edom pakhui ah mawng, Uktu Bawipa ah ng’thu pyen ah kyak ci. Bawipa naw ang shächang cu pakhui nü ah tüi ci, cun kawn ah ang thu cu kami ng’ya pyi ci: “Pawng vä! Edom tuk vai ah mi hteit kaw!”

HABAKKUK 1:7

Ngami cu kyikyawk ne püigai u ne, chang ah ami ng’shei nak naw ami mät m’khoicha gui ci nei.