ISAIAH 18:1 - Cho Bible Common Language 2016

¹ Sudan tuinu gui ah a hnu tang un gang phia khäp ah k’aw ng’yak ah khaw tumat om ci.

ISAIAH 18:1 Referans Kwoze

ZEPHANIAH 3:10

Ashou nak Sudan khaw ah püi ne om ci ka chang gui naw phi pek vai law püi ne na pe lawk khai gui.

2 GHANGPUGHANG GUI 19:9

Assirian gui ah gawk lawk ciah ng’thu cu, Sudan ghangpughang Tirhakah Lama ciah Egypt gakap gui cu ngami tu gui khai ah lawk ci gui, ciah kyak ci. Cun cu uktubawi naw ng’ya neta, ani naw ca tumat gu ne Judah ghangpughang Hezekiah am pe ne,

ZEPHANIAH 2:12

Bawipa naw Sudan chang gui phi m’sih gui khai.

MATTHE 23:37

“Aw Jerusalem! nang naw profet gui cu ngawn ne Khanpughi ah ng’shä tüih gui cu lung awn na vawi ci nei, ainu naw ang phiaa awn aihta gui ak boop gui ah mäih ah nak chang gui kei naw ka kut ng’hnim ung ka koi nak gui cu sho law aih ci nei, cun ung phi nang naw kei cu kä na na dou ci.

EZEKIEL 30:9

“Cun ah hnüüp gawk law sei, Egypt adi law ah a kyak ung, Sudan ung a i kä ngaih-tüh ah om ciah chang gui m’tholet gui khai ah kei naw chang gui htinpaw awn ka tüi gui khai, ngami cu kyikyawk khai gui. Cun ah hnüüp cu gawk lawk ci nei.

ISAIAH 31:1

Egypt khaw ah ami m’htei htang vai ah hteit ci gui cu ng’ziin ci gui! Ngami cu Egypt ah dämduh aih ciah ga k’tha mah nak-ng’sela gui, yatha gui, la gakap gui ung ng’khüng ci gui. Cun ung phi ngami cu Bawipa, Theingcim ciah Israel khanpughi ung kä ng’khüng ci gui, am htei htang gui vai ah kä k’thäh ci gui.

SAM 91:4

Ani naw ang phiaa awn ning küm gui sei, ani ah m’htei nak ung, nangmi cu nami phyawng khai; Ani ah bekhüt nak naw ning shung ne ning vong gui khai.

SAM 63:7

a i ah kyasei ci ung nang naw angtäi sei, na na m’htei ci. Na ng’phia hnim ka ah yei ne, ng’äi ka m’cu ci.

SAM 61:4

Ka ghin ah chuih na phung ung na om sak ä, na ng’phia ka ah phyawng ne na ng’yii sak ä.

SAM 57:1

Kei cu na m’gein ä, Khanpughi, na m’gein ä, phyawn nak gah vai ah ka lawk ci nei. Pui khokhi kä a ng’düm pha ah chuih na ng’phya hnim ka ah ka ng’yii ci nei.

SAM 36:7

O Khanpughi, nam hni nak cu küikyang aih ci nei! Chang ah hta naw na ng’phia hnim cu yii ci gui nei.

SAM 17:8

Na mik cang awn na tengkhen ä; na ng’phia hniim ung na thup ä,

RUT 2:12

Na bi lawh ah phäh ah na Bawipa naw ning m’cümhnah sä. Israel Bawipa Khanpughi naw be ciah m’cümhnah ning pe sä, ani ung ng’yii vai ah nang cu na lawk ci nei” cik ci.

ISAIAH 37:9

Sudan Ghangpughang Tirhakah matawn ciah Egypt gakap cu ngami tu gui khai ah lawk ci gui nei, ciah ng’thu cu Assirian gui ung gawk lawk ci. Ghangpughang naw cun cu ng’ya net, ani naw Judah Ghangpughang Hezekiah am co gu ne pe ne,

ISAIAH 45:14

Bawipa naw Israel gui pyen ah gui ci, “Egypt la Sudan gui ah ami khawh cu, nangmi ah kaa ah kyak khai nei, däm ng’sau ciah Seba gui cu nami Khleiktein ah kyak khai gui nei; ngami naw m’sigui awi ne ning läk gui khai gui nei. Ngami naw nami ma ah m’khukdong u neta, ng’kiaa ne pyen khai gui, khanpughi cu nangmi awn atäng ah om ci, ani bäng nei khanpughi.