ISAIAH 17:8 - Cho Bible Common Language 2016

⁸ Ngami naw ami mät ah knt awn ami pyan ah sonkiang gui cu kä yum ba khai gui, ami mät ah hnthnün ah kyak ciah — khanpughi um Asherah ah müi la ang ui ami m’khih nak ah sunkiang gui cu kä ngaih u ba ci gui.

ISAIAH 17:8 Referans Kwoze

ISAIAH 30:22

Nangmi naw ngui awn pyan ah a gup gui la ghui awn vook ah a gup gui cu ng’awt ah mäih ah ghawt u ne, “Kei ung ka ahei ah hteit ä” cine nami m’lau khai nei.

ISAIAH 27:9

Khoshe ah lung sonkiang gui cu khak khai ah güüt ne, khanpughinu Asherah ah m’hnüt nak kä ung, tui ng’ui sonkiang kä ah om ba kawn ung, Israel gui ah katnak cu m’geinsei nak om khai nei.

ISAIAH 2:8

Ami khaw cu a gup gui awn be ci, ngami naw ami mät ah kut awn ami pyan cu khawihnah ci gui.

ZEKHARIAH 13:2

Cun ah khin ung kei naw khaw ung agup gui avan cu ka k’heng yawp khai, ngami cu a u naw phi kä shüm ba gui khai. Prophet ah kyak ciah pyen ci gui la agup khawihnah nak hlü gui cu kei naw ka k’täm khai.

ZEPHANIAH 1:3

chang gui, khisa gui, kha gui, nga gui avan, akshe gui avan ah di nak vai ka law püi khai. Chang pakhui avan ka m’di khai, a u kä k’pawih ba khai. Kei, Bawipa naw ka pyen ci nei.

HOSEA 14:8

Israel chang gui naw a i a gup phi kä bilo ba khai gui. Kei naw ami taigü m’shang gui ne ka m’hteihtang gui khai. Angtäi sei ching ciah sing ah mäih ah kei naw ka ng’hniim gui khai. Kei cu ngami phyuhtheh nak ah aphung ah ka kyak ci.”

EZEKIEL 36:25

Kei naw nami khan ah tuici awn ka ning k’peh gui khai, nami agup gui avan la nangmi ning lelawi sak gui ci nü ungka ka ning theing sak gui khai.

ISAIAH 44:15

Chang naw sing ghing ah am cawt cu singah mang ne, am cawt cu a gup ah pyang ci. Ani naw sing am cant cu mei ah awn vai la m’htut ang shai nak vai ah mei ah cik ne, am cawt cu khanpughi ah pyang ne khawihnah ci.

ISAIAH 1:29

Nangmi cu sing ging gui nami khawihnah ah phäh la khawihnah nak vai ah dum gui nami geitkaw ah phäh ah nami thüisei khai.

2 SHONTÄP NAK 34:4

Ani ah m’shümthein nak awn a chang gui naw Baala khawihnah nak ah sonkiang gui cu dep u neta a pei yung ah ka, tui ng’ui-sonkiang gui phi phyek ci gui. Ngami naw Asherah ah gup la ahei gup gui avan cu m’dek ung m’vutah ng’deng khai ah ci u neta ngami khawihnah ci gui ah chang gui ah phuh hmun ah khan ah m’vut cu phyang ci gui.

2 SHONTÄP NAK 14:5

Ani naw khaw ng’yo khawihnah nak ah hmun gui la tui ng’ui sonkiang gui cu Judah khaw mang gaw gui avan ung phye ne m’di yawp sei, ani ah uk yah a khin ung, ami uknak khaw cu ding gei ci.

PHYAWN NAK 34:13

Ami sonkiang gui nami gäi vai, ami lungtung a gup gui nami m’di vai, ami khanpughi ah mäih ah kyak ciah Asherah sing gui cu nami chuk vai.

THULÄÄN NAK 7:5

Cun ah kyasei ami sonkiang gui nami gäi vai, theing ciah ami lung tung gui cu khui khai ah nami shukden vai. Khanpughinu Asherah ah müi cu nami k’shawm vai, ami gup gui nami m’khih vai.

2 SAMUEL 22:42

Ngami naw m’hteihtang nak shui ci gui, cun ung phi a u naw kä hun gui ci. Ngami naw Bawipa khü ci gui, cun ung phi ani naw kä m’shang gui ci.

ISAIAH 10:20

K’pawih ba ciah Israel chang gui naw, ngami m’di gui ciah chang pakhui gui kä ami yii hnei nak ba vai ah a khin gawk law ci nei. Bawipa, Israel gui ah theingciim ciah Khanpughi cu akcang ah yum ne ngaih u khai gui nei.

ISAIAH 17:9

Cun ah hnüüp a gawk law ung, akni ah ami shungvong ah mang gaw gui cu khaw käu ah kya khasei nawng khai gui. Hivit gui la Amorit gui naw Israel chang gui ungka püipyang ah ne dawng u ne ami nawng shüt ah mang gaw gui ah mäih ah kyak khai gui.

ISAIAH 37:19

ami khanpughi gui cu m’khih gui ci-cun ah kya sei, ngami ung khanpughi kä om ba ci, hnicim chang naw a kut awn a pyan ah sing la lung a gup gui bäng om ci.

ISAIAH 41:29

Shinah khanpughi gui avan akholä nei; ngami naw a i phi kä bi hning ci gui nei. Shin ah a gup gui cu ami k’tha maih ne ami huham kä om ci nei.”

JEREMIAH 17:2

Na chang gui naw sonkiang gui ung khawihnah ci gui, khanpughi nu Ashenah ah müigup cu m’kim ciah sing ghing päng ung, khomhtung lai

2 SHONTÄP NAK 31:1

Pawi ang pyi kawn ah Israel chang gui ami van cu Judah kho mang gaw päng ung hteit ne, lungktung gui shui u ne Asherah khanpughinu ah a gup gui m’shet u ne, sonkiang gui la khogam khawihnah nak ah hmun gui cu m’di ci gui. Ngami naw pawih ba ciah Judah la Benjamin, Ephraim la Manasseh khopäng gui ung phi acun ah bik ci gui; cun kawn ah ami van hteit ba ci gui.

HOSEA 14:9

Shin ung guk cu cüvai ciah chang gui naw hmuhmat u sä, Ami m’lung kyong ung tha u sä. Bawipa ah lam cu düng sä, Düng ciah chang gui naw acun gui läk ne ghing ci gui. Cun ung phi kat nak bik ciah chang gui cu ng’vawn ne kyuk ci gui. A i ah kyasei ci ung cun gui cu a i ah kä ami sui ah phäh ah kyak ci.