ISAIAH 17:6 - Cho Bible Common Language 2016

⁶ Chang apihta bang k’pawih ba khai gui, Israel gui cu am theih avan kbih yawp kawn ah a pam ah pum goi thum hta om ba ciah dise kä cung aka ng’ban ung apihta am theih k’pawih ba ciah mäih ah kyak khai gui. Kei, Bawipa Israel khanpughi naw ka pyen nei.”

ISAIAH 17:6 Referans Kwoze

ISAIAH 24:13

Khomdek khan avan khopäng pang ung awnah kyak khai nei. Cun cu geitkhäm ang pyi ah mäih ah kyak khai, Olive sing a ghing päng ung ka aktheih ak hnu ah k’bih yawp ah mäih ah kyak khai.

THULÄÄN NAK 4:27

Bawipa naw nangmi cu changpakhui hei gui ah ng’lung ah ning püi sak gui khai. Acu ah nangmi api nami pawih ba khai.

ROMAN 9:27

Israel chang gui ah mawng cu Isaiah naw, “Israel chang gui cu, tuinu kem ah laigin k’chü ah ami da ung phi, ngami ung kaa chang api naw vah hun nak cu gah khai gui.

OBADIAH 1:5

“Khomü ah m’guk ei gui ami law ung ami ng’yak hlü bäng hteh püi ci gui. Chang gui naw sing theih ami k’bih law ung api k’pawih na kheng geng ci gui. Cun ung phi nami ga naw akbe ah ning tu gui ci nei.

SUKI GUI 8:2

Cun ung phi ani naw, “Kei naw ka bi hning cu nang mi ah bi awn m’tumtäng vai kä kyak ci nei. Nangmi Epraim chang gui ah bi a pihta cu kei ah pahta avan naw kami bi ah mä bä tu ba ci nei.

ROMAN 11:26

Cun kawn ah Israel chang avan cu hun nak gah khai gui nei, cun ah mawng cu cacim theing ung: “Hun Bawipa cu Zion khomhtung ah kaa kyum law ne, Jakob ah hta ng’shon gui ah shetkat nak avan cu nawt heng yawp khai nei.

MIKHAH 7:1

Ngaih u vai kä om ci. Kei cu sing ung am theih kä hmu ne, sapyit ung am theih kä hmu ne, ei ah cawi ciah mäih ah ka kyak ci. Am theih avan, sing theih avan bih yawp ah kyak ci.

EZEKIEL 39:29

Kei naw Israel chang gui ah khan ah ka mümcha cu ka yuk chah khai, kä ka ng’hlah ta ba gui phung khai. Kei uktu Bawipa naw ka pyen nei.

ISAIAH 27:12

Cun ah hnüüp ung, chang tumat naw htang ang shii ng’tak am chaa ah mäih ah, Euphratis tuinu ung ka naw Egypt khogii ung khüt khai ah Bawipa naw a chang gui cu tumat täi ah m’cut gui khai.

ISAIAH 10:22

Cun ung phi tuhbäi, Israel chang gui cu tuinu kem ah laigin ah mäih ah da ci gui nei, cun ungka apihta bäng nei law ba khai, Dishum nak cu chang gui ah phäh ah m’küm ci nei, cun cu akbe tucang ah kyak ci nei.

ISAIAH 1:9

M’gäi ciah Bawipa naw chang amshah kä ak pawih nak vai sü ung, Sodom la komorrah ah mäih ah Jerusalem cu avan ah m’di khai süte.

1 GHANGPUGHANG GUI 19:18

Cun ung phi kei naw Israel ung chang phia chih kip cu ka ghin sak gui khai — ngami ami van cu kei ung bekhüt u ne, Baala ma ung kä kawp ci gui, ani ah a gup kä ng’ui hnam ci gui ah kyak ci.”

JEREMIAH 4:27

(Bawipa naw pyen ci, khomdek khan avan cu loung khonggau ah kyak khai, cun ung phi ani naw avan kä m’di yawp hnga khai.)