ISAIAH 17:4 - Cho Bible Common Language 2016

⁴ Bawipa naw pyen ci, “Israel gui ah däinduh nak ang pyi nak vai ah hnüüp cu gawk lawk ci nei. Ani ah bühmang nak ah hnün ung du khaih nak gawk lawk khai nei.

ISAIAH 17:4 Referans Kwoze

ISAIAH 10:16

M’gäi ciah Bawipa naw tuhbäi phü khai ah ami m’bei gui ah khan ah m’kyuk nak vai ah gawpai nak gui tüi lawk ge khai nei. Ami pumsa kyong ah mei naw ui ne ui gui khai nei.

ZEPHANIAH 2:11

Ngami cu Bawipa naw kyih sak gui khai, ani naw khomdek khanpughi gui cu akholä ah kyak sak gui khai. Chang pakhui pang naw ami mät ah khaw phäh phäh ung Khanpughi cu khawihnah khai gui.

EZEKIEL 34:20

Cun ah kyasei tuhbäi, kei, uktu Bawipa naw ka ning m’thein cu, kei naw aktha ghat ciah htome gui la akthaken ciah htome gui cu ka ning ng’thumcha gui khai.

ISAIAH 24:16

Khomdek khan ak shou nak pi ung om ciah mikmi gui naw ng’düng ciah pakhui Israel gui m’tam nak ah ng’äi cu mi ng’yak khai gui nei. Cun ung phi kei ung ngaih u vai kä om ci! Kei cu a kholä nei! Kä bekhüt nak cu ka law pi ka law pi ci nei.

ISAIAH 24:13

Khomdek khan avan khopäng pang ung awnah kyak khai nei. Cun cu geitkhäm ang pyi ah mäih ah kyak khai, Olive sing a ghing päng ung ka aktheih ak hnu ah k’bih yawp ah mäih ah kyak khai.

ISAIAH 10:4

Nangmi cu ng’tuk nak ung ning ngawn gui khai gui, käcung thawngkyum ah pha ne ning kaih gui khai gui. Cun ung phi Bawipa m’lungshe nak cu kä ng’pyi khai, ani naw a kut cu m’kyuk nak vai ah shäng lä khai.

ISAIAH 9:21

Manasseh chang gui la Ephraim chang gui cu ami mät ng’tuk khai gui, cun kawn ah atäng ah Judah cu tuk khai gui. Cun ung phi Bawipa ah m’lungshe nak cu kä ng’pyi khai; ani naw a kut cu ngami m’kyuk nak gui vai ah shäng lä khai.

ISAIAH 9:8

Bawipa naw Israel ah uknak khaw Jakob ah hta ng’shon gui ah khan ah ng’thumcha nak cu ng’shäu pyi ci nei.

ATÜNNAK 41:3

Cun kawn ah kyung ne shek ciah vantang chih cu tuinu ungka lut lawk ci gui, ngami cu law htük ci gui ah pei ah tuikem ah ng’düi ci gui.

ISAIAH 10:3

Khanpughi naw aning m’kyuk law gui ung a i ah nami kyak khai ang? Ani naw a khawshou ah ka leigai gui nami khan ah a law püi ung a i ah nami kyak khai ang? M’hteihtang nak hmuh vai ah a hawi nami dawng khai ang? Nami khawh cham gui a hawi nami thup khai ang?

ISAIAH 17:3

Israel gui cu kä ng’shung vong hlawt khai gui, Damaskas naw ang päize nak cu shumshäuh sak khai. K’pawih ba ciah Sirian gui cu Israel gui ah mäih ah thangshe khai gui. Kei, m’gäi ciah Bawipa naw ka pyen nei.”

2 GHANGPUGHANG GUI 17:3

Assiria uktubawi Shalamanese naw ani cu ng’tuk püi ci, Shalamanese cu shung neta akum tä sei ani am k’phlam pek ci.

2 GHANGPUGHANG GUI 17:6

Hoshea ah uknak a kum kaw nak ung Assiria uktubawi naw Samaria cu khäm ne Israel gui cu pha gui ne Assiria ah hteh püi gui ci. Amshah Halah mang gaw ung, amshah cu Habor Tuinu pei, Kozan khopäng ung, la m’shah cu Media mang gaw gui ung tha gui ci.

AMOS 3:12

Bawipa naw, “Htoshäm naw phongkawng ah shai ungka, htome ah a khaw hnih, käcung a hnga vang, a guh ba ah mäih ah Samaria ah om ciah chang apihta pawih khai gui, ngami cu tuhbäi ih phak aknep ung om ci gui.