ISAIAH 17:2 - Cho Bible Common Language 2016

² Siria mang gaw gui cu kho ng’län ung khokän ah kyak khai gui. Cun gui cu htome gui la seipat gui ah khu ei hmun ah kyak khai gui, cun gui cu a u naw kä k’täm gui hlawt khai.

ISAIAH 17:2 Referans Kwoze

EZEKIEL 25:5

Kei naw Rabbah mang gaw cu kalauk gui chah nak ah hmun ah ka ng’lat sak khai, Ammon khopäng avan cu, htome chah nak ah hmun ah ka ng’lat sak khai, cun ung nangmi naw kei, cu Bawipa ah nami na hmat khai.

JEREMIAH 7:33

Gook gui cu kha gui la khisa gui ah buh ei ah kyak ci, cun ung cun gui k’täm khai a u phi kä om ci.

ZEPHANIAH 2:6

Tuikem yung ah nami khaw cu khaw k’häu ah kya ne, htawshäm gui ah htaw cham, htaw phung ah kyak khai.

MIKHAH 4:4

Chang nü cu amät ah khaw, amät ah lo awn dimdeeih sei om khai, a u naw kä kyihkyawk sak gui khai. M’gäi ciah Bawipa naw shin ah shaitak ci nei.

THULÄÄN NAK 2:36

Bawipa kami Khanpughi naw Aroer ungka gawnu gui avan na näng sak gui ci. Cun cu Arnon khaw nawi ak cawi täng ah kyak ci. Cun ah khaw nawi anglung ung mang gaw la Kilead lam hteh nak ungka avan ah kyak ci. Keimi ah phäh ah khäng htek khai ah ami vongpang a i gawnu phi kä om ci.

KHEI NAK 32:34

Kad pakhui naw ami cawh ba ah gawnu gui cu: Dibon, Ataroth, Aroer,

JEREMIAH 48:19

Aroer un om ciah nangmi, lam ung düi ne nami ngäng vai; a u gui ami dawng cu nami ng’shi gui vai, ngami ung a i i ah a kyak cu nami k’tä vai nei.

THULÄÄN NAK 3:12

“Keimi naw cun khaw cu kami lak awn ah Reuben la Kad pakhui am Arnon tuinu pei ah Aroer gawnu ah asiip la Kilead khaw-gui ateih acun ung gawnu mah ah khopäng cu ka ap gui ci.

ISAIAH 7:21

Cun ah khin a gawk law ung, lo bik ciah chang tumat ung pat hta tumat la me k’hnih bäng a om ba ung phi,

ISAIAH 5:17

Di pyi ciah mang gaw gui ung htome hta gui naw khu ei u ne, me hta gui naw khu li nak cu hmuk khai gui.

JOSHUA 13:16

Ngami ah khopäng ami m’shawng cu Aroer (Arnon khaw nawi ah kit) la khaw nawi ah ang lung ung om ciah mang gaw, Msdeba khawsang gui avan ah kyak ci.

JOB 11:19

Nang naw nag a gui cu kä na kiih ba khai; Chang akda naw na m’htei tu vai ah ning k’thäh lawk khai.

ISAIAH 7:22

a cun gui naw ani ung hlü ciah suuktui phung avan pek khai gui nei. Ä, khaw ung api pawih ba ci gui naw ami ei vai ah suuktui la khoitui om khai nei.

ISAIAH 27:10

Vongpang ah mang gaw gui cu di pyi ci nei. Cun cu chang ah kä om nak ah khong gau ah kya ci nei. Cun cu sei gui ah ami ng’düm nak, khu ami ei nak lah khyüksei vuh nak kya lawk ci nei.

EZEKIEL 39:26

Ngami cu a u naw kä m’kyihkyawk gui sei ami khaw ung phyawng gai ne ami om law ba ah a kyak ung, kei kä ami na bekhüt nak ah phäh ah ami thui ng’aa cu ngami naw m’hnih hning khai gui nei.

JOSHUA 13:25

Ngami ah khopäng ung Jayer la Kilead mang gaw avan, Ammon khaw ateih Aroer ung khüt ci, cun cu Rabbah ah a kyangtäng ah kyak ci.