ISAIAH 17:11 - Cho Bible Common Language 2016

¹¹ Cun ung phi cun gui cu na geit nak ah kho ngawi hta ung lih pro ne vuipai ne a kyak ung phi, khäm vai ah kä kyak khai nei. Khüikha nak la m’tui ung kä khan ciah natnak bang om khai nei.

ISAIAH 17:11 Referans Kwoze

HOSEA 8:7

Ngami cu khokhi phu u ne kuiphak khäm ba khai gui nei. Lai ung htang kä a hmin ung ai m’htut phi kä pyan hlawt vai. Cun ung a hmin ung phi akhohei chang gui naw ei yawp khai gui.

JOB 4:8

Chang gui naw shekat nak ah lai thawn u ne, Cheishoh nak ah m’shi phu u sei ka hmuk ci nei; Tuhbäi ngami naw cheishoh nak la shetkat nak cu aat ba ci gui nei.

ROMAN 2:5

Cun ung phi nang cu lingkeng ciah nam lung om ci, Cun ah kya sei, Khanpughi ah m’lung she nak la düng ciah m’khoichaa nak a gawk law hnüüp ung, nang cu nuipai ciah shet m’kat nak na gah khai.

HOSEA 9:16

Israel chang gui cu a pya chawng sei kä m’thein ciah a ghing ah mäih ah kyak ci gui. Ngami cu ami hta nau kä om khai, A om ung phi ngami naw ami m’hni ah ami hta nau guu cu kei naw ka ngawn gui khai.”

JEREMIAH 5:31

Prophet gui naw a i kä pyen ci gui, hleei hlak ci gui; taigü gui naw prophpet gui ah thum khän ah mäih ah uk ci gui, kei ah ka chang gui naw phi kä maa na gui ci gui. Cun ung phi shin gui avan ak hnu hnüüp ung a gawk law ung ngami naw ai bik khai gui ang?”

SAM 90:6

Cun cu ng’ghaw ne, m’guh ne, pai ci, cun ung phi mühun lam ah chawng ne sik ci.

TAIGÜTHUM 26:20

K’tha na ne nami bi gui avan naw kä akni ah ning ci ba gui khai, a i ah kyasei ci ung nami khonglei naw geit kä m’thawk ba khai, sing ghing gui kä m’theih ba khai gui.

THULÄÄN NAK 28:39

Nangmi naw sapyit nami geit khai, nami m’hteiba khai, cun ung phi ak theih kä nami bit khai, a tui kä nami awk khai. A i ah kyasei ci ung sapyit gui cu m’kyiit gui naw ei yawp khai gui.

ISAIAH 17:5

Israel cu pümhta tu ne khäm nak pyi ah lo ah mäih ah kyak khai, geit khäm züm kawn ah shit ciah Rephaim khaw ng’nawi ung lo ah mäih ah kyak khai.

JOEL 1:17

Khomdek chawng sei geit m’shi gui sik ci. Khei ung thun vai htang kä om ci, khei gui ghawng ne ng’phye yawp ci nei.