Biblia Todo Logo
Bib sou entènèt

- Piblisite -




ISAIAH 17:10 - Cho Bible Common Language 2016

10 Israel, nang ning guang ne, lung k’pou nu ah mäih ah kya ne ning shungvong ciah khanpughi cu na m’hnih ci nei. Cun nak vaisü ung a khohei chang gui ah khanpughi khawihnah nak vai ah sing ghing theing na geit ci nei.

Gade chapit la Kopi




ISAIAH 17:10
48 Referans Kwoze  

Hnumi non gnaw a awi ah cümlung m’hnih man ne ang? Ceimah ci naw ng’chungla nak sui m’hnih man ne ang? Cun ung phi ka chang gui naw kä khei hlawt vai ah hnüüp gui ung kei na m’hnih ci gui nei.


Bawipa ung angtäi sei ngaih gep vä; ani naw angtäi sei na shungvong gui khai nei.


Ami Khanpughi, m’gäi ciah ami hunbawi, ami ghin nak pe gui ci cu, Ngami naw m’hnih ci gui.


M’gäi ne abi nak awn Egypt kho ah ka hun gui ciah Khanpughi cu m’hnih ci gui.


Bawipa cu m’gäi ciah nang shung nak ah kyak ci, a lam avan ung kümbe ne taga ci; Na Khanpughi cu bekhüt ne akcang ah kyak ci, ani naw hman ci la gei cu bik ci.


“Israel chang gui naw mang im gui co ci gui, cun ung phi ami mät tüi pyang gui cicu m’hnih ci gui. Judah chang gui naw vongpaang mang im co ci gui. Cun ung phi kei naw mei ka chah lawk khai, cun naw ami mang im gui la mang gaw gui cu ui yawp khai.”


Bawipa, nang cu Israel gui ah ngaih u ah na kyak ci; Nang ning nawng ciah chang avan cu lü ng’aa nak ung gawk khai. Ngami cu m’vut ung guk ah ming ah mäih ah maih khai gui. A i kyasei ci ung Tuici lawng ah na kyak ciah nang Bawipa ami ning nawng ah phäh ah kyak ci.


Ka chang gui naw htang phu ci gui, cun ung phi ng’hling khäm ba ci gui; ngami naw k’tha na ne bik ci gui, cun ung phi a i ah kä gah ci gui. Kei ah nui ciah ka m’lungshe ah phäh ah ami püm htang gui cu shum ci nei.”


Nangmi ning pyang gui ci, khan khaw k’phiäh ci, khomdek ah angnei pyang ciah Bawipa cu nami m’hnih ne ma? Na’ng yawshe na gui ciah m’lungshe nak la ning m’di ge vai ci gui cu, a i ah kyasei ang däih ah nami kyih gui ang? Ngami ah m’lungshe nak naw kä ning tawn ba gui hlawt khai nei.


Khanpughi cu kei ah hunbawi nei, kei naw ani ka ngaih u khai, kä ka kyik khai, Bawipa naw huham la k’thagui na pek ci; Ani cu kei ah hunbawi nei.


Cun ung phi a ni ah bi cu ngami naw ang ghit ah m’hnih ci gui, ani ah m’cäi m’ä nak kä ging ling ne bilo ci gui.


O Khanpughi, kami hunbawi, na ng’hlah law püi ba gui ä! Kami khan ah kä na yei nak cu düm sak ä!


Ami ga gui naw ami khanpughi gui cu aktha ken ciah hmat ci gui. Israel Khanpughi ah mäih ah kä m’gäi ci gui.


O Khanpughi, na m’htei gui ä, na hun gui ä, na mät ning m’taam vai ah hmawk ah na gung gui ne kami katnak na m’gein gui ä.


Ani cu pyen ah vä, “Na hun gui ä, Khanpughi kami Hunbawi; a täng ah nak bum gui ä, chang pakhui gui ung keimi cu na gung gui ä, Cun ung keimi naw ning yei na u ne nang ming theing kami m’tam khai nei.”


“Bawipa ah chang gui cu bühmang lawk ci gui, Cun ung phi kütnet ci gui. Ngami cu ei akni awn thau ne plan ci gui, Ngami naw Khanpughi tüisho gui cicu nawng ci M’gäi ciah ami Hunbawi cu hnungtuk püi ci gui.


“Nang naw htangla na be tuk khai. Cun ung phi a hei naw chu nak khai. Nang naw im na co khai, cun ung phi kä na om nak khai. Nang naw sapyit na geit khai, cun ung phi ak theih kä na ei khai.


Bawipa nami Khanpughi cu kä nami m’hnih vai, ahei khanpughi gui täng ah ng’hlat ne kä nami khawihnah tu vai, acun ah bii phi kä nami bi tu vai. Cun ah nami bi ah a kyak ung kei naw tuhngawi ka ning m’cäi gui cu, nangmi cu akcang ah nami di khai.


Chang ah kä nami ng’shei vai ah nami cimgang vai. Changshäm ah nami kyak nak ah Egypt khaw ungka ning gung gui ciah Bawipa nami Khanpughi kä nami m’hnih vai.


“Bawipa nami Khanpughi kä nami m’hnih vai ah ng’htei ne nami om vai. Tuhngawi kei naw ka ning pek gui ah ang thumkhän gui cu kä läk ne kä nami om en vai.


Egypt khaw ah changshäm ah nami kiakyah ung ning gung gui ciah Bawipa cu kä nami m’hnih vai ah nami ngaih nak vai.


K’tha na ne nami bi gui avan naw kä akni ah ning ci ba gui khai, a i ah kyasei ci ung nami khonglei naw geit kä m’thawk ba khai, sing ghing gui kä m’theih ba khai gui.


kei naw ka ning m’kyuk gui khai. Kei naw nami khan ah leigai ka law püi khai. Kä m’htei hlawt vai ah katnak, gawpai nak gui; a cun gui naw nami mik m’dauh sak khai, nami ghin nak kholä sak khai. Nangmi naw m’shi nami geit khai, cun ung phi cun naw kä ning ni sak gui khai, a i ah kyasei ci ung nami ga gui naw ning näng gui u ne, nami geit phi ei yawp khai gui.


Ami khawh phi maih yawp khai, ami im phi di yawp khai. Ngami cu ami cawh ah im ung kä om ba khai gui, ami geit ah sapyit ah a tui phi kä aw ba khai gui.”


Kei cu ka yeikyai lä khai nei, a i ah kyasei ci ung Bawipa Khanpughi cu ka Hunbawi ah kyak ci.


Nangmi naw dukhaih ci gui nami yawshe na gui ci, ami geit phi nami guh pe gui ci. Cun ah kyasei nangmi cu lung awn nami cawh ah im akni ung kä nami om khai. Nami geit ah sapyit akni ungka a tui phi kä nami awk khai.


Kei ah ka chang gui cu ng’yiin ci gui. A i ah kyasei ci ung ngami naw kei cu a i ah kü na ngai ci gui. Nami taigü gui naw kei ami na shüm vai ah na ngai ci gui, kei ah m’theithang cu hnungtuk ci gui, acun ah kya sei, kei naw ning hnungtuk gui ne, nami hta gui cu ka taigü gui ah kä ka ngai gui khai.


Nang naw näng nak na pe gui ne, na na m’shang gui ci, cäicat vai bi ne na na hun gui ci. M’dek khan ah om ciah chang avan la tui ah m’cha nak ah om ci gui naw phi ning ngaih u ci gui nei.


Na ngai ä! Tuhbäi na hun ä! Ka ng’yii nak awi na shung ä; ka shung nak awi na hun ä.


Bawipa cu kei ah lung, kei ah vongpang, Kei ah Hunbawi, kei ah Khanpughi, ani cu kei ah phyawn nak ah kyak ci. Ani naw shawi ah mäih ah na shung ci; Ani naw nang vong ne nak phyawn ci.


Sih nak cu changshe gui la Khanpughi hnu ng’tuk püi ci gui ah a phu ah kyak ci,


Cun ah hnüüp a gawk law ung, akni ah ami shungvong ah mang gaw gui cu khaw käu ah kya khasei nawng khai gui. Hivit gui la Amorit gui naw Israel chang gui ungka püipyang ah ne dawng u ne ami nawng shüt ah mang gaw gui ah mäih ah kyak khai gui.


Sapyit gui kä khäm pha ung, apai gui a van kiawi ne ang theih gui avan up khäta a ghing ungka ang ban gui cu khim awn a yäih hta ah tukpit ah mäih ah Sudan gui cu ga gui naw m’di khai gui nei!


Dukhaih ci la am geinka gui cu nang ung ng’yii ci gui nei, yaica nak ah akhin ung ngami cu phiawn nak gah ci gui nei. Pui khokhi ung ng’yii nak vai la mei k’cang ung ng’shung nak vai na pe gui ci nei. Chang m’ghämce naw sik khokhi ah mäih ah,


Cunung phi nangmi khanpughi ah chang gui cu yeikyai u ne, thingcim ciah pawi mü ung nami ng’äi ah mäih ah ng’äi nami m’cu khai. Israel gui shungvong gui ciah Bawipa ah Taigü un ah amihteh nak lam ung, puläi tum nak ung hteit ci gui ah mäih ah nangmi cu yei kiai nak om khai.


Bawipa, na chimgein gui ä. Keimi ah ngaih u nak nang ung om ci nei. A hnüüp tä na shungvong gui ä, khüi kha nak ah khin ung an hun gui ä.


Ka chang gui, kä kyi en vä! Nangmi naw nami hmat ci, cau pui tüi ne tuhbäi ung khüt khai ah, kya lawk khai ah amawng avan cu kei naw ka pyen ci, nang mi cu ka saksi ah nami kyak ci. Kei ah kawn ah khanpughi a hei om ba ne ang? Kei naw kä ka ng’yak man ah huham mah ciah khanpughi om ne ang?”


Bawipa naw bi a bi ah phäh ah Jerusalem cu yeikyai ci nei. Ani cu ceimah lawk khai ah ng’lami hta ng’sui ng’sak ciah mäih ah kyak ci nei. Khanpughi naw ani cu hun nak la näng nak suisak sak ci nei.


Bawipa naw khomdek khan avan ung ng’thu ng’shäu ci nei: “Bawipa naw ning hun gui khai ah lawk ci nei, cine Jerusalem chang gui am m’thein gui vä. Ani naw a gun ah chang gui cu, amät awn atäng ah law püi gui vä.”


Khomhtung khan ung k’aw tumat ng’yak nei; cun cu Israel chang gui ah ami kyah la ami ng’pa nak kyak ci, a i ah kyasei ci ung ngami cu katnak ung ghing om ne, Bawipa ami khanpughi ami m’hnih ah phäh ah kyak ci.


Tuhbäi shin cu uktu Bawipa naw a pyen nei: Nangmi naw kei na m’hnih ne nami na ng’hlah tak ah phäh ah, nami htuk htik la nami pawmzau ah phäh ah nami yaica khai.” Ng’pai nam goi Ani nik hnih ah khan ah khanpughi ah ng’thumcha nak


Khomdek chawng sei geit m’shi gui sik ci. Khei ung thun vai htang kä om ci, khei gui ghawng ne ng’phye yawp ci nei.


Amshah naw cheng dou ne chang ngawn ci gui. Amshah gui naw ami Israel paw gui am ngui ataw ah k’pu u ne, ngami ah khan ah ataw la ne ng’büh mang ci gui. Ngami naw kei cu na m’hnih ci gui.” Uktu Bawipa naw a pyen nei.


Swiv nou:

Piblisite


Piblisite