ISAIAH 17:1 - Cho Bible Common Language 2016

¹ Bawipa naw pyen ci, “Damaskas cu mang gaw ah kä kya ba khai; cun cu ng’phyek ci gui k’bum ah kyak khai.

ISAIAH 17:1 Referans Kwoze

ZEKHARIAH 9:1

Shin cu Bawipa ah ng’thu ah kyak ci. Ani naw Hadrak khaw la Damaskas mang gaw cu m’kyuk ci. Bawipa naw Israel khaw bäng ah kä kyak ci, Siria mang gaw phi khäm ci.

ISAIAH 25:2

Nangmi naw mang gaw gui cu di khai ah nami m’hlat ci, ami vongpang gui cu nami m’di ci. Kami ga gui naw ami cawh ah mang im gui cu khaw ng’län ung om ci nei.

LAMKTU 9:2

Bawipa ah hnu läk ciah hnumi, pami avan a hmuh ung phah neh Jerusalem ah alaw püi nak hning vai ah ap nak ah ca cu, Damaskas ah pum im gui ah ami guk vai ah vah pyein ci.

MIKHAH 1:6

Cun ah kyasei Bawipa naw, “Samaria cu ng’leido ung m’dek ng’plum ah mäih ah shek khai, Sapyit geit nak ah khomdek ah mäih ah ka kyak sak khai. Mang gaw im ng’ki gui cu khaw nawi ah ng’dawn sak gui ne, mang gaw lungtung cu ka auh sak khai nei.

JEREMIAH 49:2

Cun ung phi mang gaw tung Rabbah ung om ciah chang gui naw ng’tuk nak ah k’aw ami ng’yak vai ah kei naw bi nak vai ah akhin cu gawk lawk ci nei, cun cu m’di neta, pigaw hta gui cu mei awn m’khih m’deih vai nei. Cun kawn ah Israel gui naw lak pe gui te ciah chang gui ah ka ami khaw cu la ba khai gui nei.

ISAIAH 7:8

kä kya hlawt phung khai: A i ah kyasei ci ung Siria cu amät ah mang gaw tung ah kya ciah Damaskas ah kä khüi ghat pi ci, Damaskas cu Ghangpughang Rezin ah ta kä khüi ghat pi ci. Israel gui cu khokum chuk-kip lei hma ah kyong ung, aktä ah ng’phye ne ng’gäi u ne pakhui khaw tumat ah kä kya ba khai gui.

ATÜNNAK 14:15

Acu ah gawk u neta, a chang gui k’paai gui ne, mü ah ga gui cu tu ne m’khüt gui ne, Damaskas khaw siip Hobah gawnu ah khüt ne k’täm gui ci.

MIKHAH 3:12

Cun ah nangmi ah om ah, Zion cu lai ah mäih ah thawn khai gui, Jerusalem ci di nak ah m’dek ng’plum ah kyak khai. Taigüim m’htung cu bung ah ng’lat khai.

ISAIAH 37:26

“Caupui ge ung kei naw shin gui ka pawng püi ca kä na ng’ya man ne ma? Cun u tuhbäi ka bi law ah kyak ci khäng ciah mang gaw gui ng’awt bum ah ng’lat sak nak ah huham cu nang am kei naw ka ning pek ci nei.

ISAIAH 19:1

Shin cu Egypt ah mawng thum’khäh ah kyak ci. Bawipa cu khongmei akyäpah ng cun ne Egypt ah lawk ci nei. Egypt gui ah amiagup gui cu ama ah ng’hlet ci gui, Egypt chang gui ami thagui maih ci.

ISAIAH 15:1

Shinah ng’thuwmoab ah mawng ah kya ci. Ara la kira mang gaw cu mü ät ung m’di u sei Moab khaw cu ding kyip ci.

ISAIAH 13:1

Shin cu Babilon ah amawng thu ah kyak ci, Cun cu Amoz ah hta Isaiah naw khanpughi ung ka a gah ah kyak ci.

ISAIAH 10:9

Kei naw Kalno la Karchemish mang gaw gui, Hamath la Arpad mang gaw gui, ka näng ci nei. Kei naw Samaria la Damaskas cu ka näng ci nei.

ISAIAH 8:4

Ak hmaw cu “Nunu papa ah kä ang khü pha ung, Damaskas ung khawh gui avan la Samaria ung ami guh-gui avan cu Assiria ghangpughang naw hteh pui yawp khai nei” cikci. Assiria Ghangpughang lawk ci.”

2 SHONTÄP NAK 28:23

Ani naw amät hnim ci gui ah Sirian gui ah khanpughi gui cu khawihnah ne douthak ci. Ani naw, “Sirian khanpughi gui naw Sirian ghangpughang cu m’htei ci gui. Kei naw ka khawihnah gui ung kei phi na m’htei khai gui” cik ci. Acun naw amät la a pakhui ah khan ah leigai gawk law sak ci.

2 SHONTÄP NAK 28:5

Ghangpughang Ahaz ah a katnak ah phäh ah Bawipa a Khanpughi naw ani cu Siria ghangpughang am hnim sak ne, Judean chang gui akda cu pha ne Damaskas ah hteh püi ci gui. Bawipa naw, Israel ghangpughang Remaliah ah hta Pekah am phi Ahaz cu hnim sak ne, khaw hnüüp ät ung m’gäi ciah Judean gakap 120,000 cu ngawn sak gui ci. Bawipa ami pupa gui ah Khanpughi naw shin cu a kyak sak ah kyak ci, a i ah kyasei ci ung Judah chang gui naw ani ami nawng ah phäh ah kyak ci.

2 GHANGPUGHANG GUI 16:9

Tiklath Pileser naw Ahaz ah khü cu k’cang na ne, a gakap gui awn law ne, Damaskas cu tu ne khäm ne, Ghangpughang Rezin cu ngawn ne, chang gui cu Kir ah hteh püi gui ne thawng chum gui ci.

ATÜNNAK 15:2

Abram naw, “Uk ciah Bawipa, a i m’cümhnah ang, kei am na na pek kaw, kei cu ka hta kä om sei, Damaskas ah kaa Eliezer naw ka pakhui m’düng ci nei.

1 SHONTÄP NAK 18:5

Damaskas ungka Sirian gui naw gakap gui tüi law ne Ghangpughang Hadadezer cu bawm lawk ci gui, cun gui cu David naw tu gui ne chang 22,000 cu ngawn gui ci.

1 GHANGPUGHANG GUI 11:24

bung ah om ci gui ah ami ng’vai ah kya lawk ci. (Shin cu David naw Hadadezer cu hnim ne, ng’khawt ci gui ah Sirian gui a ngawn gui kawn ah kyak ci.) Rezon la a chang gui cu Damaskas ah hteit ne om ci gui, a cu ah ani cu Siria ghangpughang ah m’hmoh ci gui.

THULÄÄN NAK 13:16

Acun ung om ciah chang gui ah khawh avan cu atäng ah nami law püi vai, gawnu ang lung ung nami bum vai. Cun kawn ah gawnu cu nami m’khih vai, acun ungka a päng cu Bawipa nami Khanpughi am douthak ah kyak ci. Cun cu dishum khai ah ngawiyä nawng vai. Api ah phi kä cawh kyan ba vai.

ISAIAH 7:16

Cun ah khin kä a gawk law pha ung phi, nangmi naw nami kyih ah ghangpughang goi ah ami khaw cu shekak khai nei.