ISAIAH 16:8 - Cho Bible Common Language 2016

⁸ Heshbon pei ah ami lo gui la Sibmah sapyitlo gui cu m’di ci gui — Cun ah sapyitlo ung sapyit tui naw chang pakhui uktu gui cu awktat sak gui man ci. Ayanä läi ung sapyitshun cu Jazer mang gaw ung gawk ne, ak kyang täng ah kiangkhi ung gawk ci, ak khei täng ah Tuisi Tuinu ah vangtäng kem ung khüt ci.

ISAIAH 16:8 Referans Kwoze

ISAIAH 15:4

Heshbon la Elealeh chang gui cu kyap m’lau ci gui, ami kyah cu Jahaz güt ah ka naw ng’yak ci ci gui. Gakap gui phi kyik ci gui, ami m’gäi nak maih yawp ci.

KHEI NAK 32:38

Nebo, Baal Meon (Shin ah ming cu ami m’thawng), la Sibmah ah kyak ci. Ngami naw akthai ah ami cawh ba ah gawnu gui cu ang ming akthai sui ba ci gui.

JEREMIAH 48:32

Sibmah many gaw, nang cu ang ban gui naw Tuiksi tuinu kan ne Jazer ah khüt ciah sapyit ah mäih ah na kyak ci. Cun ung phi tuhbäi khocha ah na m’thein la sapyit gui cu m’di pyi ci gui nei.

ISAIAH 24:7

Sapyit ng’shun gui ng’yai u sei, sapyit tui cu ken law pipi ci. Zeikiai man ciah chang nü cu tuhbäi thüisei ci,

ISAIAH 16:9

Tuhbäi kei cu, Jazer ah phüh ah ka thüi kyah ah mäih ah Sibmah ah sapyit ah phäh ah ka thüi kyap ci nei. Kei ah ka ng’phlitui cu Heshbon la Ekaleh ah phäh ah kya lawk ci nei. A i ah kyasei ci ung, acun ung chang gui yei sak khai ah khäm tawng vai a i kä om ci nei.

ISAIAH 10:7

Cun ung phi Assirian ghangpughang ung ak ghat ah bi vai ah am lung kyong ung a pawng püi om tu hnga ci. Ani naw chang pakhui akda m’di vai ah k’bäi pyi ci.

2 SAMUEL 1:21

Kilboa khaw m’htung gui ah khaw kä aa en sä, khlüitui kä baw en sä; ami lou ung angtäi ah khaw käu sä! A i ah kyasei ci ung chang m’gäi ah shawi gui cu acun ung thüi ne yung kyak ci; Saul ah shawi phih situi awn kä hluk ba nei.

JOSHUA 13:25

Ngami ah khopäng ung Jayer la Kilead mang gaw avan, Ammon khaw ateih Aroer ung khüt ci, cun cu Rabbah ah a kyangtäng ah kyak ci.

JOSHUA 13:19

Kiriathaim, Sibmah, Zereth shahar khaw nawi m’htung ung om ci.

KHEI NAK 32:3

“Shin ah khaw Israel gui naw ami khäm vai ah Bawipa naw am hteihtang nak gui ung gawnu gui cu Ataroth, Dibon, Jazar, Nomrah, Heshbon, Elealeh, Sibmah, Nebo, la Beon, cun gui cu vuhchah nak vai ah nik ci, mikmi ung vuhchah akda om ci.

KHEI NAK 21:32

Cun kawn ah Moses naw chang tüi ne Jazera mang gaw tuk nak vai lam akni pi shui sak ci. Israel gui naw cun cu khäm u ne, a pei yung ah gawnu gui phi khäm u neta, a cung om ciah Amorit gui cu k’täm gui ci gui.

KHEI NAK 32:35

Atroth Shophan, Jazer, Jokbehah,