ISAIAH 16:4 - Cho Bible Common Language 2016

⁴ Nami khaw ung na om tu sak gui vä. Keimi na m’di gui hlük ciah kut ung na shung vong gui vä.” (Shedam nak la m’dishum nak cu ng’pyi ci, khopäng m’cin ciah chang gui maih ci gui nei.

ISAIAH 16:4 Referans Kwoze

ISAIAH 14:4

Cun ah ani naw abi law ung, ngami naw Babilonia ghang pughang cu m’kpse une ami pyen cu: “A i ghämce ciah ghangpughang cu kyu ng’tääk pyi ci nei! Ani naw a u kä shedam na ba khai nei!

MALAKHI 4:3

Cun ah hnüüp ung kei ka hnün thawh law ung, changshe gui cu nami näng gui khai, ngami cu nami khopha kaa ah m’vut ah mäih ah kyak khai gui.

ISAIAH 51:13

Nangmi ning pyang gui ci, khan khaw k’phiäh ci, khomdek ah angnei pyang ciah Bawipa cu nami m’hnih ne ma? Na’ng yawshe na gui ciah m’lungshe nak la ning m’di ge vai ci gui cu, a i ah kyasei ang däih ah nami kyih gui ang? Ngami ah m’lungshe nak naw kä ning tawn ba gui hlawt khai nei.

ISAIAH 9:4

A I ah kyasei ci ung ngami ung gih ciah kawh nak la Ngami ami k’phleing ung thah nak ah htung cu, Nang naw na cheiuh pyi ah kyakci. Nang naw cau pui Midian gakap gui na hnim gui ah mäih ah, Na Chang gui shedam na ne lei ei gai awk ciah pakhui cu, nang naw na hnim ci nei.

THU PHLAAN 11:2

Cun ung phi pum im ah ak pung lam cu kä na nüt vai, a i ah kia sei ci ung, cun cu changpakhui hei gui-am ap gui ah kyak ci. Ngami naw Manggaw Theing cu cha phlikip lei-goi ung ami khaw awn leh m’hnep khai gui nei.

LUKA 21:24

Chang amshah cu chim awn sik khai gui, amshah cu pha ne, khlei htein nah ne, a kho päng ung hteh püi khai gui. Chang khui hei gui naw ami uknak kä ang pyi pha ah chuih Jerusalem cu ami kho awn kai nak khai gui.

ZEKHARIAH 10:5

Judah chang gui cu lam ng’nai hmu ah ami ga gui leh dep dep ciah gakap gui ah mäih ah m’gäi khai gui nei. Ngami cu Bawipa naw om püi gui ci kyasei, ng’tuk bik khai gui, ngami naw ng’se ng’cuum ciah ga gui phi hnim khai gui nei.

JEREMIAH 48:18

Dibon ung om ciah nang mi, m’taam nak ah hmun nami om nak ungka kyum law ne, m’dek ung m’vut ung ngo vä; Moab m’di ciah chang cu shin ung om ne, acun ah mang gaw k’pang gui cu m’di pyi ci nei.

JEREMIAH 48:8

Gaw nu tumat phi kä di ci kä om khai; khong nawi, khodo avan di khai. Kei, Bawipa naw ka pyen ci.

ISAIAH 33:1

Kami ga gui cu ng’ziin ci gui nei! Ngami cu guttep u ne kä bekhüt ci gui, cun ung phi ngami guttep gui ne, ngami ung kä bekhüt ci a u kä om ci. Cung phi ami guttep nak la kä ami bekhüt nak cu ng’pyi lawk khai nei, cun kawn ah ngami cu chang naw a guttep gui, chang naw kä abekhüt nak gui ah baawi ah kyak khai gui nei.

ISAIAH 25:10

Bawipa naw Zion m’htung cu shungvong khai, cun ung phi Moab chang gui cu eek-shin ung htang gongchawng leh m’hnep ah mäih ah the m’hnep gui khai.

ISAIAH 15:6

Nimrim tuilawng cu ket ci, a pei yun ah khumghaw gui cu chawng yawp ci, a i phi khu ching kä om ba ci.

THULÄÄN NAK 24:14

Dukhaih ne gein vai ciah ng’vah changshäm cu kä nami she nak vai, nami Israel chang paw ah a kyak ung phi, nami gawnu tumat mat ung om tuk ciah khaw hei chang ah a kyak ung phi.

ROMAN 16:20

Mi dinggei nak ah ng’yung ah kyak ciah Khanpughi naw Satan cu ang ghit ah m’hnoi ne nami khophaa k’ka ah gawk sak khai nei. Mi Bawipa Jesuh ah m’geinsei nak cu nang mi ah khan ah om sä. (Am shah naw shin ah ca kyawng cu nawng shüt ci.)

ZEKHARIAH 9:8

Kei naw ka khaw cu ka ngäng khai. Gakap gui naw kä kaan khai gui ah ka k’pang khai. Chang shedam na man ci naw phi kä shedam naba gui khai. Ka chang gui A i hlawk ah ami khüikha cu ka hmu pyi ci nei.”

ISAIAH 49:26

Nangmi ning zawshe na gui ci cu, ami mät ng’ngawn tuk khai gui ah ka ci gui khai nei; Ngami naw ami mät ah si cu zu ah mäih ah awk tat khai gui nei. Hnicim chang avan naw kei cu, ning hun gui ne, ning m’hlawt gui ciah Bawipa ah hmat khai nei. Ngami naw, kei cu Israel gui ah huham ah ciah khanpughi ah na hmat khai gui nei.”

ISAIAH 54:14

Taga nak la düng nak naw nang cu ning khüi ghaat sak khai. Shedam nak la kyihkyawk nak ung nang cu na phyawng khai.

ISAIAH 58:7

Ei cawi ciam nami ei nami k’pai tu vai, a i m kä om sei dukhaih ci am, nami im kawt nami hmawn pek vai. A sui vai kä om ci am suisak nami pek vai, nami mätyah m’htei htang vai ah kä nami ma en vai.

JEREMIAH 40:11

Cun sang ung, Israel gui ami van, moab, Ammon, Edom la ahei khopäng gui ung om ci gui naw, Babilonian ghangpughang naw Israel om shah gui cu Judah khaw ung om sak gui ne, ami uk tu ah Kedaliah cu tha ci, cicu ng’yak ci gui.

OBADIAH 1:14

Phyawng khai ah k’thanak ciah chang cu lam ung mah ne kä nami pha vai. Ami geinvai hnüüp ung ngami cu ga gui am kä nami ap gui vai,