ISAIAH 16:14 - Cho Bible Common Language 2016

¹⁴ Tuhbäi Bawipa naw pyen ci, “Kum thum ah akyong ung Moab ah büh-mang nak gui cu maih khai nei. A ni ah ak chang akda ungka, apihta bäng k’pawih ba khai, cun gui cu ami k’tha ken khai.

ISAIAH 16:14 Referans Kwoze

JEREMIAH 48:42

Moab cu m’di khai gui, pakhui tumat ah kä kya tu ba khai, a i ah kyasei ci ung kei ana hnungtuk püi ah phäh ah kyak ci.

ISAIAH 23:9

M’gäi ciah Bawipa naw a pawng püi nei. Shin ah a pawng püi cu ami bi lawh ah khan ah chang ah ami ng’shei nak aung pyi nak vai la a mi m’tamkhah ah chang gui yuk buh nak vai ah kyak ci nei.

ISAIAH 21:16

Cun kawn ah Bawipa naw ana pyen nak cu, “Khokum ät cang ah akyong ung kedara pakhui ah dämduh nak cu ng’pyi khai nei.

JEREMIAH 9:23

Bawipa naw pyen ci, “Cüivai ci gui naw ami cüivai nak awn kä ami khäh ghah vai, Gai gawng ci gui naw ami thagui awn kä ami khäh ghah vai, büh mang ci gui naw ami khawh awn kä ami khäh gha vai.

ISAIAH 25:10

Bawipa naw Zion m’htung cu shungvong khai, cun ung phi Moab chang gui cu eek-shin ung htang gongchawng leh m’hnep ah mäih ah the m’hnep gui khai.

ISAIAH 17:4

Bawipa naw pyen ci, “Israel gui ah däinduh nak ang pyi nak vai ah hnüüp cu gawk lawk ci nei. Ani ah bühmang nak ah hnün ung du khaih nak gawk lawk khai nei.

ISAIAH 15:5

Kei ah kamlung cu Moab ah phäh ah kyap ci nei! Chang gui cu Zoara gawnu la Eklath Shelishiyah ung gawk ne dawng ci gui. Amshah ui luhith lam ung kai ci gui, ami hteh yah pum kyap ci gui; amshah cu m’lau ne kyap ne, Hero naim ah phyawng ne gawk ci gui.

ISAIAH 7:16

Cun ah khin kä a gawk law pha ung phi, nangmi naw nami kyih ah ghangpughang goi ah ami khaw cu shekak khai nei.

ESTA 5:11

Ani naw ngami ah ma ah khähghah ne, a i hlawk ah ang bähmang, a i chü ah a hta, ghangpughang naw hlüng pi ciah bawi ah atha, ahei ghangpughang ah bawi gui ah ta, ani a i hlawk ah a küikyang tuba, gui cu pyen ci.

THULÄÄN NAK 15:8

Cun nak ung ng’khailang ne ang yak hlü chü nami k’pu tu vai.

ATÜNNAK 31:1

Laban ah hta gui ah ami ng’thu Jakob naw ang yak ba cu, “Mi pa ah khawh gui nü cu Jakob naw la yawp ci nei. Ani ah khawh chaam gui avan cu mi pa ah kaa ungka ah kyak ci nei” ciah kyak ci.

JOB 7:1

Hnicim chang ah ghin nak cu, gakap naw k’tut ne bii abi ah mäih, akghat ah bii bik ciah ghin nak ah mäih ah kyak ci,

JOB 14:6

Ani cu kä teng pang ne amät nawng shut ä. A k’thagui na sei bine a yeikyai ung a cun ah om sä.

ISAIAH 11:14

Ngami naw atäng ah akhei tang ung Philistin gui cu tu gui u ne, ak kyang tang ung om ciah chang gui cu guttep gui khai gui, Ngami naw Edom la Moab chang gui cu tu ne naing khai gui, Ammon chang gui naw ngami cu läk gui khai gui.

ISAIAH 16:13

Cun cu Moab ah amawng Bawipa naw ng’dawt ne a pyen ah ng’thu ah kyak ci.

ISAIAH 25:11

Ngami naw tui ng’väk vai ah k’tha nak ah mäih ah ami kut cu shäng khai gui, cun ung phi khanpughi naw ngami cu hnim gui sei, ngami ah kut cu am gein kaa ah kyein khai.