ISAIAH 16:12 - Cho Bible Common Language 2016

¹² Moab chang gui cu ami sui kheei sei, ami khomhtung agup gui ah hteit u ne, ami Taigüim gui ah taigü vai ah hteit cigui, cun ung phi acun naw kä akni ah kyak sak gui khai.

ISAIAH 16:12 Referans Kwoze

ISAIAH 15:2

Dibon chang gui cu agup ah pei ah kyap khai gui ah khawgui ah hang kai ci gui. Moab chang gui cu Nebo la Medeba mang gaw gui ah phah ah thüi aih u neta; ami lumu k’tei u ne m’khamu cu m’sei ci gui.

JEREMIAH 48:35

Moab chang gui naw ami Khawihnak nak ung m’khin ne ani douthak nak la ami khanpughi gui am khawihnak ami douthak nak cu kei naw ka m’düm khai nei. Kei, Bawipa naw ka pyen nei.

1 GHANGPUGHANG GUI 18:29

Ngami cu khaw hnüüp lunglai güt m’lau ne ng’pyang ci gui; cun ung phi m’shan nak gui kä gawk lawk ci, a i k’aw phi kä ng’yak ci gui.

KHEI NAK 23:28

Cun ah kyasei ani naw, bungpuk hmuh nak ah Peor M’htung lai ah hteh püi ci.

KHEI NAK 23:14

Ani naw Balaam cu Zophim loma Piskah M’htung lai ung hteh püi ci. Acun ah ani naw sonkiang chih ah co neta, vantang tumat la htome m’ca tumat ci awn douthak ci.

KHEI NAK 22:39

Cun ah kyasei Balaam cu Balak awn a täng ah Huzoth gawnu ah hteit tuk ci.

JEREMIAH 48:46

Moab chang gui cu m’gein gui vä! Chemosh khawihnah ci gui cu m’di gui pyi ci gui nei, ami hta pami, hta hnumi gui cu pha ne hteh püi pyi ci gui nei.

JEREMIAH 48:13

Israel chang gui naw ami ngaih u ah khanpughi Bethela cu kä ami yum ngak ba ah mäih ah, Moab chang gui cu ami khanpughi chemosh ah khan ah ami yum ngak nak kä om ba khai nei.

JEREMIAH 48:7

“Moab, nang cu na thagui la na khawh cham na ngaih u ci, cun ung phi tuhbäi nang cu ning hnim khai gui; Nami khanpughi chemosh cu a manghta gui la a taigü gui mah ah omktu khaw ah hteit khai gui

JEREMIAH 10:5

Cun ah a gup gui cu pacüh lo ung biit hta m’kyih nak ah mäih ah kyak ci gui; kä ng’thu thei ci gui; Ngami cu kawh chan gui vai ah kyak ci gui, a i ah kyasei ci ung ngami cu kä hteit hton hlawt ci gui. Kä nami kyih gui vai; ngami naw akna ah kä ning bi hlawt khai gui, akni phi kä ning bi pe hlawt khai gui.”

ISAIAH 47:13

Nang cu ning m’cum’cäi khai om pang sei phi, na huham maih ci nei. Cecai ci gui na chang gui naw hmai ah law ne ning hun u sä. Ngami cu aisi ah mawng thei thang ci gui, khankhaw ung zone gui ah k’bou ne geei ci gui, ngami naw cha ät ung ka naw cha ät a i ah kya lawk khai ci cu, ning m’thein u sä.

ISAIAH 37:38

Hnüüp ät ung ani naw a khanpughi Nisrok cu a Taigüim ung a khawihnah sang ung a hta hnih ah kyak ciah Adrammelech la Sharezer naw ami cu ani khimsem awn ngawn ni neta Ararat kho ah phyawng ne om ci goi. Ahei a hta gui ung ka Esarhaddon cu ghangpughang ah ngo ba ci.

ISAIAH 26:16

Nang naw na chang gui cu na m’kyuk ci nei, BAWIPA, ngami cu cümbawng ne, nang ah taigü ci gui nei.

NG'THU K'THUUK~ 1:28

Cun ung nangmi naw cüivai nak cu nami khü khai, cun ung phi kä ka ning m’shang gui khai, nangmi naw khaw nü ung nami na shui khai, cun ung phi kä nami na hmuk khai.

2 GHANGPUGHANG GUI 19:12

Ka pupa gui naw Kazan, Haran la Rezeph mang gaw gui cu m’di ne, Telassar ung om ciah Betheden chang gui cu ngawn gui ci, a i ami khanpughi naw phi kä hun gui ci.

2 GHANGPUGHANG GUI 3:27

Cun ah kyasei ani naw a hnün ung ngo ba khai ah a hta ang vai pi cu la ne mang gaw k’paang khan ah taih neta, Moab Khanpughi cu khawihnah ci. Israel gui cu, kyikyawk u neta, mang gaw ungka ng’hlat ba u ne, ami khaw ah hteit ba ci gui.

1 GHANGPUGHANG GUI 11:7

Ani naw Jerusalem ah ak kyang khomhtung khan ah shemshai ciah Moab khanpughi Chemosh khawihnah nak vai la Ammon ah Shemshai ciah khanpughi Molek khawihnah nak vai ah hmun cu co ci.

KHEI NAK 24:17

Kei naw ngawi ah kaa vai ka teng ci, Israel pakhui cu ka hmuk ci. A cun ah pakhui ung ng’shü ciah aisi ah mäih ghangpughang tho lawk khai nei. Ani cu Israel chang ungka aisipa ah mäih lawk khai nei. Ani naw Moab ng’vaihta gui cu dep gui khai nei. Seth pakhui chang avan cu that gui khai nei.

KHEI NAK 22:41

A ngawi ung khaw ngawi Balak naw Balaam cu Israel chang amshah hmu nak hning ah Bamoth Baal k’päng ung hteh püi ci.

KHEI NAK 21:28

Shin ah mang gaw Heshbon ungka naw Sihon ah gakap cu, mei ah mäih ah tho ne, Moab khaw ah Ara mang gaw cu m’di ci nei. Arnon alu täng khaw-gui gui cu han ui ci nei.

ISAIAH 16:13

Cun cu Moab ah amawng Bawipa naw ng’dawt ne a pyen ah ng’thu ah kyak ci.