ISAIAH 16:10 - Cho Bible Common Language 2016

¹⁰ Ang lei k’ni kho ung a u phi tuhbäi kä yeikyai ci nei. Sapyitlo ung a u phi kä kääi ci, kä ngäi ci nei. Sapyit tui vai ah sapyit theih neen ci phi a u kä om ci nei; yeikyai ne m’lau nak cu ng’pyi ci nei.

ISAIAH 16:10 Referans Kwoze

JEREMIAH 48:33

Anglei nik ciah Moab ungka yeikyai nak la länlawi nak cu ahei ah hteh püi pyi ci gui nei. Neen nak ungka naw sapyit tui kä long law ba khai ah kei naw ka bik ci nei; sapyit tui pyang ne yei ne m’lau ci tumat phi kä om ba ci nei.

AMOS 5:17

Sapyit lo gui avan ung kyah m’lau nak om khai. Shin gui avan cu kia lawk khai, a i ah kyasei ci ung kei naw law ne ka ning m’kyuk gui khai” cine Bawipa naw pyen ci.

AMOS 5:11

Nangmi naw dukhaih ci gui nami yawshe na gui ci, ami geit phi nami guh pe gui ci. Cun ah kyasei nangmi cu lung awn nami cawh ah im akni ung kä nami om khai. Nami geit ah sapyit akni ungka a tui phi kä nami awk khai.

SUKI GUI 9:27

Ngami ami van ami sapyit lo ah hteit ci gui, sapyit theih bit u ne, sapyit tui pyang ci gui, cun kawn ah pawi bik ci gui. Ngami cu ami Khanpughi ah pum im ah hteit u ne, a cu ah ei aw u neta, Abimelek ah mawng pyen ne gaih ci gui.

ZEPHANIAH 1:13

Ami khawh phi maih yawp khai, ami im phi di yawp khai. Ngami cu ami cawh ah im ung kä om ba khai gui, ami geit ah sapyit ah a tui phi kä aw ba khai gui.”

ISAIAH 32:10

Nangmi tuhbäi nami ng’büh khei, cun ung phi hnengkum ashin ah akhin ung ang ngaih u kaa ah nami kyak khai, a i ah kyasei ci ung nangmi ah phäh ah nami khäm vai sapyit kä om khai.

JOB 24:11

Ngami naw oliv situi sui u ne sapyit tui phi sui ci gui, Cun ungphi amimät cu cawi gha ci gui.

ISAIAH 24:11

Sapyit tui kä om ba sei, chang gui lam yung ah m’lau ci gui. Zeikiai nak cu ng’pyi ne ng’khawn ci nei; cun cu khaw ung ka, ami maib sak nei.

JOEL 1:12

Sapyit ng’shun gui la thei ghing gui cu chawng ci gui; m’theih ciah aghing gui avan chawng ne sik ci gui. Chang gui ah yeikyai nak phi maih ci nei.

AMOS 9:13

“Akhin gui cu gawk lawk ci nei” cik ci Bawipa naw. “Htang cu khäm nak man ah akhin ah mä yaang pi ne hmin lawk khai, am theih gui cu atui sui nak man ah akhin ah yaang pi ne up khai gui. Khomhtung gui ung tuui ciah sing theih gui ng’soi ne, khaw gui gui lon shi khai.

EZEKIEL 7:7

Shin ah khaw ung nang mi chang gui ah phäh ah ang pyi nak cu gawk lawk ci nei. Khomhtung ah vawihpeh nak gui ung pawi kä bi ba nei, ang gogan bang nak ah akhin cu gawk lawk ci nei.