ISAIAH 15:5 - Cho Bible Common Language 2016

⁵ Kei ah kamlung cu Moab ah phäh ah kyap ci nei! Chang gui cu Zoara gawnu la Eklath Shelishiyah ung gawk ne dawng ci gui. Amshah ui luhith lam ung kai ci gui, ami hteh yah pum kyap ci gui; amshah cu m’lau ne kyap ne, Hero naim ah phyawng ne gawk ci gui.

ISAIAH 15:5 Referans Kwoze

JEREMIAH 48:5

Luhith ah hteh nak lam ung ami hngääk gui la Horonaim zu kyum nak lam ung thüi ne ami kyah cu ng’ya vä.

JEREMIAH 4:20

Leigai tumat naw tumat läk lawk ci; Khopäng avan dishum ci. Ang ghit ah ka mi phung gui cu di ci; zihdung gui cu tek ne ng’phyit ci.

JEREMIAH 17:16

Cun ung phi, Bawipa, nang naw ngami ah khan ah leigai na law püi vai ah kei naw kä ka ning bi sak phung ci nei; ngami ah khan ah khüikha nak agawk vai ah kei naw kä ka ng’ya hlük ci nei. Bawipa, nang naw shin cu na hmat ci.

JEREMIAH 13:17

Nangmi naw kä nami ngaih ah a kyak ung nangmi chang ah nami ng’shei ah phäh ah adüm ah ka kyap khai; Kei cu ak tung ah ka kyap khai, ka ng’phlitui cu long khai, a i ah kyasei ci ung Bawipa ah chang gui pha ne ami hteh püi gui ah phäh ah kyak ci.

JEREMIAH 9:10

Kei naw ka pyen ci, “Khomhtung gui ah phäh ah kei ka thui kyap khai, khulim gui ah phäh ah ka kyap m’lau khai, a i ah kyasei ci ung ngami cu chawng u sei, cun gui cu kan ne a u kä hteit ba khai. Khiksa gui ah ng’ging gui cu a u naw kä ng’yak ba ci; kha gui la khisa gui phi dawng yawp ci gui.”

ISAIAH 22:5

Shin ah khin cu muimang khaw ng’nawi ung düngkyong nak, tuk hnim nak, ng’gogan nak ah kyak ci nei, cun cu uk ciah m’gäi ciah Bawipa naw mikmiah khan ah a tüih law ah kyak ci nei. Mi mang gaw ah akpang gui cu ami phyet law ah kyak ci nei. Mi mang gaw ah akpang gui cu ami phyet pyi nei m’htei htang vaiah ami kyah m’lau gui cu kyawgui gui yung shalawng ci nei.

ISAIAH 16:14

Tuhbäi Bawipa naw pyen ci, “Kum thum ah akyong ung Moab ah büh-mang nak gui cu maih khai nei. A ni ah ak chang akda ungka, apihta bäng k’pawih ba khai, cun gui cu ami k’tha ken khai.

2 SAMUEL 15:30

David cu Olive M’htung ah hang kai ne, thüi kyap ne, a pha hnak sut ne, thüi m’dang nak ah a lu shung ci. Ani läk ciah chang ami van phi ami lu shung ne thüi kyap ci gui.

2 SAMUEL 15:23

David ah hnu läk gui naw hteh ta gui u sei, chang gui cu kyap m’lau ci gui. Ghangpughang naw Kidron tui lawng cu kat sei ak chang gui naw kat tuk ci gui, ngami cu a täng ah bung täng ah hteit ci gui.

ATÜNNAK 19:22

Akzaang ah dawng ä! A cu ah kä na gawk pha ah chuih kei naw a i kä ka bi cang khai nei” cine pyen ci. Lotah naw gawhta a ciah kyasei cun ah pigaw cu “Zoar” ah a ming sui ci gui.

ATÜNNAK 14:2

Ghangpughang hma ah kyak ciah Sodom ah kaa Bera, Komorrah ah kaa Birsha, Admah ah kaa Shinab, Zeboiim ah kaa Shemeber la Bela (Zoar ah phi ami pyen) ni gui awn ng’tuk ci gui.

ATÜNNAK 13:10

Lotah naw dan shüi neta, Jordan khaw ng’nawi avan cu hmuk ci. Cun cu Zoar gawnu ah hteh nak lam, tui ah da nak, Bawipa ah chaam ah mäih, Egypt khaw ah mäih ah kyak ci. (Cun cu Bawipa naw, Sodom la Komorrah kä a m’di pha ung ah kyak ci.)

KHEI NAK 21:29

Nangmi ah phäh ah a i hlawk ah kyih vai ang, Moab chang gui aw! Nangmi Chemosh nami khawihnah ci gui cu, di nak ung ning hteh püi gui ci nei! Nami khanpughi naw pami gui cu cümbawng chang ah kyak sak gui ci nei, Hnumi gui cu Amorit ghangpughang ah thawngkyum ah kyak sak gui ci.

ISAIAH 59:7

Nungmi cu ang däih ah akshe bi vai ah nami pawng m’thein ci, acun cu akghat ah bi vai ah nami naing ci. Nangmi cu changui nagawn vai ah nami kut kä ng’gin ci. Nangmi nami hteh nak päng ah dishum nak bäng k’pawih shüt ci ci,

JEREMIAH 4:19

Nat nak! Nat nak kä ka m’khüt hlawt ci! Ka m’lung m’sin! Ka m’lung m’sin ng’tum ci nei! Kei adüm ah kä ka om hlawt ci; Kei naw phyung heng k’aw gui la, ng’tuk nak gui ka ng’yak ci nei.

JEREMIAH 48:3

Horonaim chang gui cu, “Kiawi m’saa nak, m’dimshum nak!” cine m’lau khai gui nei.

JEREMIAH 50:46

Babilon ang kyak ah a kyak ung cun ah k’awna khomdek avan thüng sak khai, ami kyah ah k’aw shan gui cu ahei pakhui khaw gui naw ng’yak khai gui.”