ISAIAH 15:3 - Cho Bible Common Language 2016

³ Lan yung ung chang gui au thüisui sui u ne; mang gaw ng’lung gui la um m’cung gui ung chang gui cu thüi ne kyap ci gui.

ISAIAH 15:3 Referans Kwoze

MATTHE 11:21

“Aw Khorayin gawnu, nang cu thüisei nak om ci. Aw Bethsaidah gawnu, nang phi thüisei nak om ci. Nangmi ung kamdang ah cäi aih gui vai cu, Tire la Sidon ung kamdang vai sü ung, ngami cu cau pui, katnak ungka ng’yu nak ah sui sui ne, m’vut awn ng’hluk ne ami katnak ungka ng’yu ba khai sü gui te.

JEREMIAH 19:13

Jerusalem ung im gui, Judah ghangpughang gui ah im gui, akcih khan ah aisi gui am ang ui gui m’khih pek nak ah im gui la ahei khanpughi gui sapyit tui kei ne douthak nak gui — cun gui avan cu Topheth mäih ah kä theingthap khai gui.”

ISAIAH 22:4

Sik ciah ka chang gui avanah phäh ah ak tung ah ka thüikyap khai ah tuhbäi ka mät bang na nawng vä. Kei na k’bäi vai ah kä nami tha nak vai nei.

ISAIAH 22:1

Shin cu muimang khaw ng’nawi ah mawng thum khäh ah kyak ci. A i ang a kiak? A i ah kya sei, mang gaw ung chang gui ami van nau im gui ah akcih khan ung pawi ami bi ang?

ISAIAH 15:2

Dibon chang gui cu agup ah pei ah kyap khai gui ah khawgui ah hang kai ci gui. Moab chang gui cu Nebo la Medeba mang gaw gui ah phah ah thüi aih u neta; ami lumu k’tei u ne m’khamu cu m’sei ci gui.

2 GHANGPUGHANG GUI 6:30

Ghangpughang naw cun ah ng’ya neta, thüi aih ne a sui cu k’teek ci. A cun ah paang pei ah om ciah chang gui naw ani cu htu ah kyong täng sui k’she sui sei hmuk ci gui.

2 SAMUEL 3:31

Cun kawn ah David naw Joab la achang gui cu, ami sui k’teek ne, ng’yu nak sui sui ne, Abner ah phäh ah ami thüi kyah vai ah k’bäi gui ci. Gook ami htüm nak ung David amät phi gook tom nak pei ah hteit shüi ci.

THULÄÄN NAK 22:8

“Im thai na cawh ah a kyak ung khan khuih nak ak pei avan ung ng’hteicha khai ah shung ne na pyan vai. Cun ung chang ng’kya ne a sih ung phi nang ah om ah kä kyak khai.

JAMES 5:1

Bühmang ciah chang gui kei ah thu cu na ngai vä! Nami khan ah gawk lawk khai ah geinvai nak vai ah hmawk ah thüi ne kyap vä!

1 SAMUEL 5:12

Kä sik ciah chang gui phi ami sa ang khe nu law püi sei, chang gui cu, ami Khanpughi naw am htei gui vai ah kyap ne ng’pa ci gui.

ISAIAH 3:24

Tui ng’ui ami mang nak vaisü ung ngami cu thuk khai gui; kheipat ak kyom nak vaisü ung gui k’ghat awn ng’pat khai gui; ak kyom ami lusam nak vaisü ung ami lu ng’plut khai; sui k’ni ami sui nak vaisü ung suishe sui khai gui; Ami kyom nak cu ng’aa nak vai ah ng’lat khai!

JEREMIAH 48:37

Ngami ami van naw ami lu k’teiu u ne ami m’khamu phi k’teiu ci gui. Ngami ami van naw ami kut aat u ne, chang nü naw suishe sui ci gui.

NG’ÄI KYAH 2:10

Jerusalem ung aghi ng’vai gui m’dek ung adüm ah ngok ci gui, Ami lu cu m’vut bäng ah kyak ci. Ami pum ung suishe sui ci gui. Hnumi nong gui naw ami lu awn m’dek ung kawp ci gui.

EZEKIEL 7:18

Ngami cu suishe sui u ne ami van ng’hhlet khai gui. Ami lu cu k’teim pe gui khai gui, ngami cu lüngaa khai gui.

AMOS 8:10

Nami yungkawi cu sih htüm ah ka lat khai, nami yei nak ng’äi cu kyah m’lau ah ka lat khai. Nami lu ning ah sak gui ne, thüisei suinu ka ning sui sak gui khai. Nangmi cu a hta tumat bäng ah phäh ah thüikyap ciah nupa gui ah mäih nami kyap khai. Cun ah hnüüp cu akha ah ng’pyi khai.