ISAIAH 15:2 - Cho Bible Common Language 2016

² Dibon chang gui cu agup ah pei ah kyap khai gui ah khawgui ah hang kai ci gui. Moab chang gui cu Nebo la Medeba mang gaw gui ah phah ah thüi aih u neta; ami lumu k’tei u ne m’khamu cu m’sei ci gui.

ISAIAH 15:2 Referans Kwoze

JEREMIAH 48:1

Shin cu Moab ah mawng m’gäi ciah Bawipa naw a pyen ah kyak ci: “Nebo chang gui cu m’gein gui vä — Ngami ah gaw nu cu di pyi ci nei! Kiriathaim cu tu ne khäm ci gui, m’gäi ciah amang pang cu gäi ci gui, achang gui cu lü ng’aa ci gui nei;

TAIGÜTHUM 21:5

“A u taigü naw phi a thüi am dang nak ah a lu kä ak teiu vai, am khamu kä ak teiu vai, a pumsa kä ak phleim vai.

JEREMIAH 48:18

Dibon ung om ciah nang mi, m’taam nak ah hmun nami om nak ungka kyum law ne, m’dek ung m’vut ung ngo vä; Moab m’di ciah chang cu shin ung om ne, acun ah mang gaw k’pang gui cu m’di pyi ci nei.

ISAIAH 3:24

Tui ng’ui ami mang nak vaisü ung ngami cu thuk khai gui; kheipat ak kyom nak vaisü ung gui k’ghat awn ng’pat khai gui; ak kyom ami lusam nak vaisü ung ami lu ng’plut khai; sui k’ni ami sui nak vaisü ung suishe sui khai gui; Ami kyom nak cu ng’aa nak vai ah ng’lat khai!

THULÄÄN NAK 34:1

Moses cu Moab khawdo ungka naw Nebo m’htung ah hteit ci. Cun ungka naw Jerikho ah hni kyak lam Piskah m’htunglai ung hteit ci. A cu ah Bawipa naw khaw avan m’hnuh ci. Cun cu Kilead khopäng, a siiptäng Dan gawnu ung khüt ci.

KHEI NAK 21:30

Cun ung phi ami htangshon gui cu di pyi ci gui, Heshbon ungka naw Dibon, Nashim ungka naw Nophah, Medeba pei ung lam avan ung di yawp pyi ci gui.”

EZEKIEL 7:18

Ngami cu suishe sui u ne ami van ng’hhlet khai gui. Ami lu cu k’teim pe gui khai gui, ngami cu lüngaa khai gui.

JEREMIAH 48:31

Jazer ung chang gui ah phäh ah ta Sibmah ung chang gui ah phäh ah kei ka kyap pi khai nei.

JEREMIAH 47:5

Kaza chang gui ah khan ah dämduh ciah azä nak gawk lawk ci, Ashkelon chang gui cu kä ship deep ci gui. Om ba ciah Philistia gui cu a i güt thüi kyap khai gui ang?

JEREMIAH 7:29

“Jerusalem chang gui thüi kyap vä; Nami lu k’tei u ne a hei ah ghawt vä, m’htung lai ah gook kyah ng’äi mi cu vä, a i ah kyasei ci ung kei, Bawipa cu m’lungshe ne, ka chang gui ka hnungtuk gui ci nei.

ISAIAH 22:12

Uktu m’gäi ciah Bawipa naw, thüisui sui ne, nami lu k’teiu ne, nami thüi kyah vai ah ning khü gui ci nei.

ISAIAH 16:12

Moab chang gui cu ami sui kheei sei, ami khomhtung agup gui ah hteit u ne, ami Taigüim gui ah taigü vai ah hteit cigui, cun ung phi acun naw kä akni ah kyak sak gui khai.

ISAIAH 16:7

Moab chang gui cu khüikha nak ung ami yaica ah phäh ah thüikyap khai gui. Ngami naw Kir Heres mang gaw ung ami ei man ah ei k’ni ami shüm law ba ung, ngami cu ami van kyap khai gui. Ngami cu ang ngaih u ka ah kyak khai gui.

ISAIAH 15:3

Lan yung ung chang gui au thüisui sui u ne; mang gaw ng’lung gui la um m’cung gui ung chang gui cu thüi ne kyap ci gui.

ISAIAH 14:31

Philistin mang gaw gui avan, ning m’hteihtang gui khai, kyap ne khü vä! Nami van kyikyawk vä! Khameiah thawk ciah m’vut cu a siiptäng ah ka lawk ci nei — Cun cu chang kyi kä ng’caw ciah gakap ma ät ah kyak ci nei.

JOB 1:20

Cun ung Joba cu ng’düi law ne a sui k’teek ci. Ani cu alu teiu ne m’dek ung a hmai gawk khai ah kyu ne ng’baup ci.

THULÄÄN NAK 14:1

“Nangmi cu Bawipa nami Khanpughi ah chang ah nami kyak ci. Cun ah kyasei aksi ah phäh ah nami thüi kyah ung nami mät kä nami plawh kheih en vai, chang hei gui ah mäih ah nami lu hmai kä nami k’teiu vai.

KHEI NAK 32:38

Nebo, Baal Meon (Shin ah ming cu ami m’thawng), la Sibmah ah kyak ci. Ngami naw akthai ah ami cawh ba ah gawnu gui cu ang ming akthai sui ba ci gui.

KHEI NAK 32:3

“Shin ah khaw Israel gui naw ami khäm vai ah Bawipa naw am hteihtang nak gui ung gawnu gui cu Ataroth, Dibon, Jazar, Nomrah, Heshbon, Elealeh, Sibmah, Nebo, la Beon, cun gui cu vuhchah nak vai ah nik ci, mikmi ung vuhchah akda om ci.

TAIGÜTHUM 13:40

Pami tumat cu a hnu täng ah phi kia, amca täng ah phi kia, alu mu a kiawi ah a kyak ung, cun naw kä theingthap khai ah kä kyak sak ci.

KHEI NAK 21:28

Shin ah mang gaw Heshbon ungka naw Sihon ah gakap cu, mei ah mäih ah tho ne, Moab khaw ah Ara mang gaw cu m’di ci nei. Arnon alu täng khaw-gui gui cu han ui ci nei.

2 SAMUEL 10:4

Hanun naw David ah ng’shä gui cu k’pang gui ne, ami m’gawng mu avang ci k’teiu pe gui ne, ami sui gui ami lengbe ung khüt khai ah ah pe gui neta k’täm ba gui ci.

JEREMIAH 3:21

Khomhtung khan ung k’aw tumat ng’yak nei; cun cu Israel chang gui ah ami kyah la ami ng’pa nak kyak ci, a i ah kyasei ci ung ngami cu katnak ung ghing om ne, Bawipa ami khanpughi ami m’hnih ah phäh ah kyak ci.

JEREMIAH 47:2

Ani naw pyen ci, “Teng vä! Tui gui cu a siiptäng ah ka tho lawk ci, a cun naw tuinu ah mäih ah ng’güt ne lin lawk khai. Cun naw khaw avan la acun ung om ci ng’nü, mang gaw gui la acun ung om ciah chang gui avan lin khai. Chang gui cu m’htei gui vai ah ng’khü khai gui; khomdek khan ah om ci chang ng’nü aknui ah kyap khai gui.

JEREMIAH 48:35

Moab chang gui naw ami Khawihnak nak ung m’khin ne ani douthak nak la ami khanpughi gui am khawihnak ami douthak nak cu kei naw ka m’düm khai nei. Kei, Bawipa naw ka pyen nei.

EZEKIEL 27:31

Ngami cu nang ah phäh ah ami lu k’teiu ci gui, sui kheei sui ci gui, Ngami ah m’lung cu kha ne kyap ci.

EZEKIEL 30:2

ani naw pyen ci, “Hnicim chang, kei, uktu Bawipa naw ka pyen cu ng’cäbang ne ng’shäu ä. Nang naw shin ah ng’thu gui cu m’lau ne na pyen vai nei: kyihkyawk vai ah hnüüp gawk lawk ci!

AMOS 8:10

Nami yungkawi cu sih htüm ah ka lat khai, nami yei nak ng’äi cu kyah m’lau ah ka lat khai. Nami lu ning ah sak gui ne, thüisei suinu ka ning sui sak gui khai. Nangmi cu a hta tumat bäng ah phäh ah thüikyap ciah nupa gui ah mäih nami kyap khai. Cun ah hnüüp cu akha ah ng’pyi khai.

1 SHONTÄP NAK 19:4

Hanun naw David ah ng’shächang gui cu pha gui ne, ami m’khamu k’teiu pe gui ne ami suisak ami khei hang ung khüt khai ah k’teih pe gui neta akthuk ah tüi ba gui ci.

JEREMIAH 49:3

Heshbon chang gui, kyap vä! a ih cu m’di pyi ci gui nei! Rabbah hnumi gui thüikyap vä! Sui she sui ne thüisei vä. Ng’gogan ne dawng vä. Nami khanpughi molek cu ak taigü gui la amang hta gui awn atäng ah om ktu ah hteh püi ci gui nei.