ISAIAH 15:1 - Cho Bible Common Language 2016

¹ Shinah ng’thuwmoab ah mawng ah kya ci. Ara la kira mang gaw cu mü ät ung m’di u sei Moab khaw cu ding kyip ci.

ISAIAH 15:1 Referans Kwoze

ISAIAH 11:14

Ngami naw atäng ah akhei tang ung Philistin gui cu tu gui u ne, ak kyang tang ung om ciah chang gui cu guttep gui khai gui, Ngami naw Edom la Moab chang gui cu tu ne naing khai gui, Ammon chang gui naw ngami cu läk gui khai gui.

KHEI NAK 21:28

Shin ah mang gaw Heshbon ungka naw Sihon ah gakap cu, mei ah mäih ah tho ne, Moab khaw ah Ara mang gaw cu m’di ci nei. Arnon alu täng khaw-gui gui cu han ui ci nei.

ISAIAH 25:10

Bawipa naw Zion m’htung cu shungvong khai, cun ung phi Moab chang gui cu eek-shin ung htang gongchawng leh m’hnep ah mäih ah the m’hnep gui khai.

ISAIAH 16:11

Kei cu Moab ah phäh thüi ne ka ngüük ci nei, Kira Heres ah phäh ah ka thüi ci nei.

ISAIAH 16:7

Moab chang gui cu khüikha nak ung ami yaica ah phäh ah thüikyap khai gui. Ngami naw Kir Heres mang gaw ung ami ei man ah ei k’ni ami shüm law ba ung, ngami cu ami van kyap khai gui. Ngami cu ang ngaih u ka ah kyak khai gui.

ISAIAH 14:28

Shin cu Ghangpughang Ahaz asih kum ung ami ng’shäu ah ng’thu ah kyak ci.

ISAIAH 13:1

Shin cu Babilon ah amawng thu ah kyak ci, Cun cu Amoz ah hta Isaiah naw khanpughi ung ka a gah ah kyak ci.

2 GHANGPUGHANG GUI 3:25

ami mang gaw gui cu m’di ci gui. Ngami naw nik ciah ami lolai gui ami kan law ung Israel chang päng naw lung kaw ne lai ung abe güt ah ghawt ci gui, ngami naw ami tuihta gui cu ket sak u ne, m’theih ciah ami sing gui phi chu yawp ci gui. Ak hnu ah Kir Heres mang gaw bäng k’pawih ba sei yaili kawt ci gui naw khaai ne tuk ci gui.

THULÄÄN NAK 2:18

tuhngawi nangmi cu Ara mang gaw lam ung hteit ne Moab khopäng cu nami kaan khai nei.

THULÄÄN NAK 2:9

Bawipa naw ana pyen nak cu Lot ah htangshon gui, Moab chang gui kä nami yaica sak gui vai. Ma ne kä nami tuk en gui vai. Kei naw Ara mang gaw ka pe gui ci. Ngami ah khaw api phi kei naw nangmi am kä ka ning pe gui khai.”

ISAIAH 25:12

Ani naw Moab gui ah ami vongpang gui cu hlüng ciah vongpang gui awn atäng ah m’di gui ne, m’vut ung yung kyak sak gui khai.

THULÄÄN NAK 2:19

Nangmi cu Lot ah htangshon gui Ammonit chang gui ah khaw awn nami ng’et khai. Kä nami yaica sak gui vai, ma ne kä nami ng’tuk püi gui vai, A i ah kyasei ci ung ngami am ka pek gui pyi ah khaw api phi nangmi am kä ka ning pe gui khai.”

ISAIAH 16:6

Judah chang gui naw pyen u ne, “Moab chang gui a i hlawk ah chang ah ami ng’shei cu mikmi naw mi ng’yak ci nei. Ngami cu m’ghämee, chang k’om u sei mi hmat gui ci, cun ung phi ngami ah khähghah nak cu akholä ah kyak ci.”