ISAIAH 14:4 - Cho Bible Common Language 2016

⁴ Cun ah ani naw abi law ung, ngami naw Babilonia ghang pughang cu m’kpse une ami pyen cu: “A i ghämce ciah ghangpughang cu kyu ng’tääk pyi ci nei! Ani naw a u kä shedam na ba khai nei!

ISAIAH 14:4 Referans Kwoze

ISAIAH 49:26

Nangmi ning zawshe na gui ci cu, ami mät ng’ngawn tuk khai gui ah ka ci gui khai nei; Ngami naw ami mät ah si cu zu ah mäih ah awk tat khai gui nei. Hnicim chang avan naw kei cu, ning hun gui ne, ning m’hlawt gui ciah Bawipa ah hmat khai nei. Ngami naw, kei cu Israel gui ah huham ah ciah khanpughi ah na hmat khai gui nei.”

THU PHLAAN 18:20

Khankho chang gui cun ah mang gaw adi ah phäh ah yei vä, Khanpughi ah chang gui ang düihpüi gui, purofet gui yeikyai vä! Ani naw nangmi ah khan ah abi phung phung ah hmawk ah Khanpughi naw ani cu m’kat pyi ci nei.

THU PHLAAN 18:16

“Shin ah mang gaw ah hmawk ah cäi aih vai, thüi aih vai, kiak ci nei; Ani cu k’phla sui, ng’hlo sui, pää sui gui sui ne ghui, ng’mo la k’cünglung gui cu awi man ci nei.

THU PHLAAN 17:6

Cun ah hnumi nu naw Khanpughi ah chang gui ah si la Bawipa Jesuh ung bekhüt u sei, ami ngawn gui ah chang gui ah si cu aw ne, awktat sei ka hmuk ci. Ani hmu netah kei cu ang htei ah cäi ne ka tu ci.

HABAKKUK 2:17

Nangmi naw Lebanon khawbung nami k’paai ci, tuhbäi nangmi ning k’paai ba gui khai. Nangmi naw akhisa gui nami ngawn ci, tuhbäi khisa naw ning plawh ba gui khai. Shin gui cu kya lawk khai, a i ah kyasei ci ung nami ngawn ah phih la, m’dek khan chang gui la ami mang gaw gui akshe ah nami hnungtuk püi ah phäh ah kyak ci nei.

DANIEL 2:38

Ani naw nang cu m’dek khan avan uktu la khisa gui la kha gui uktu ah ning pyang ci, nang cu ghui lupum ah na kyak ci.

EZEKIEL 5:15

“Kei naw m’lungshe nei, m’lung sou sei, ka ning m’kyuk gui ung, name vein gung changpakhui gui ami van cu kyik khai gui nei. Ngami naw shemshai ne ning teng u ne, ning zü isha khai gui.

NG’ÄI KYAH 4:1

Keimi ah pyü ciah ghui cu siim ci nei; Taigüim ung lung gui cu lam gui ung ng’yaih ne ng’yän ci gui nei.

JEREMIAH 24:9

Khomdek khan ah changpakhui avan naw ami kyihkyawk vai ah leigai cu ngami ah khan ah kei naw ka law püi khai. Chang gui naw züi sha gui khai gui, k’she na gui khai gui, gaih m’gin gui khai gui, kei naw ka püi pyang sak nak gui päng ah ami ming cu plah taam nak ah mang khai gui.

ISAIAH 51:23

Kei naw a cun cu ning yawshe na gui ci am, lam ung nami ng’zän khai ah ning ci gui ci am, m’vut ah mäih ah ning kai na gui ci am, ka pe gui khai nei.

ISAIAH 47:5

Bawipa naw Babilon cu pyen nak ci, “Adüm ah a hmüp nak ung ngo ä; Ngami naw pakhui gui ah ghangpughang nu ah kä ning khü ba khai gui nei?

ISAIAH 14:17

Mang gaw gui m’di ne, khaw cu khaw ng’gau ah ng’lat. Sak ciah chang ah kä kya ne ang? Thawng kium ci gui kä m’hlawt ba gui phung ne, ami im ah kä hteh ba sak gui ciah chang ah kä kya ne ang?

ISAIAH 14:6

Cun gui naw chang gui cu m’lungshe ne shadam na u ne, ngami naw ami khäm ah pakhui gui cu kä ng’düm ne kdukdein nak ci gui nei.

ISAIAH 13:19

Babilonia cu khaw avan ung akiom pikbäih ah uknak khaw ah kiak; a cun ung chang gui awn ani cu khäghah ci. Cun ung phi kei, Bawipa naw Sodom la komorrah ah khan ah ka bi ah mäih ah Babilon cu ka m’di khai!

2 SHONTÄP NAK 36:18

Babilonia ghangpughang naw Taigüim, Taigüim ung khawhcham, ghangpughang la a yungbawi gui ah khawhcham gui cu gut gui neta a päng cu Babilon ah hteh püi ci.

ISAIAH 9:4

A I ah kyasei ci ung ngami ung gih ciah kawh nak la Ngami ami k’phleing ung thah nak ah htung cu, Nang naw na cheiuh pyi ah kyakci. Nang naw cau pui Midian gakap gui na hnim gui ah mäih ah, Na Chang gui shedam na ne lei ei gai awk ciah pakhui cu, nang naw na hnim ci nei.

ISAIAH 13:1

Shin cu Babilon ah amawng thu ah kyak ci, Cun cu Amoz ah hta Isaiah naw khanpughi ung ka a gah ah kyak ci.

ISAIAH 14:5

Akshe ah uk ci gui ah huham cu Bawipa naw ng’pyi sak pyi ci nei,

ISAIAH 16:4

Nami khaw ung na om tu sak gui vä. Keimi na m’di gui hlük ciah kut ung na shung vong gui vä.” (Shedam nak la m’dishum nak cu ng’pyi ci, khopäng m’cin ciah chang gui maih ci gui nei.

ISAIAH 51:13

Nangmi ning pyang gui ci, khan khaw k’phiäh ci, khomdek ah angnei pyang ciah Bawipa cu nami m’hnih ne ma? Na’ng yawshe na gui ciah m’lungshe nak la ning m’di ge vai ci gui cu, a i ah kyasei ang däih ah nami kyih gui ang? Ngami ah m’lungshe nak naw kä ning tawn ba gui hlawt khai nei.

ISAIAH 54:14

Taga nak la düng nak naw nang cu ning khüi ghaat sak khai. Shedam nak la kyihkyawk nak ung nang cu na phyawng khai.

ISAIAH 21:2

M’gäi cik nak gui, kä bekhüt nak gui la m’di m’shum nak gui cu kei naw ka muimang ung ka hmuk ci nei. Elam gakap gui, tuhnim vä! Media gakap gui, mang gaw gui cu khaai vä! Babilon naw a bi ah yaica nak cu khanpughi naw ng’pyi sak khai nei.

JEREMIAH 48:17

Acun ah pei ng’leng ung om ci gui, acun ah ming thang hmat ci gui avan, cun ah pakhui khaw ah phäh ah thui sei vä. Pyen vä; ‘Ani ah uknak huham cu she pyi ci nei; abämang nak la amgäi nak kä om ba ci nei’