ISAIAH 14:25 - Cho Bible Common Language 2016

²⁵ Kei naw ka khaw Israel ung Assirian gui cu ka m’di gui khai, ka khomhtung gui ah khan ah ngamicu ka kai na gui khai. Kei naw ka chang gui cu phuih gih ah kyak ciah Assirian la phuih la phuih gih gui ung ka, ka k’phiawn gui khai.

ISAIAH 14:25 Referans Kwoze

ISAIAH 9:4

A I ah kyasei ci ung ngami ung gih ciah kawh nak la Ngami ami k’phleing ung thah nak ah htung cu, Nang naw na cheiuh pyi ah kyakci. Nang naw cau pui Midian gakap gui na hnim gui ah mäih ah, Na Chang gui shedam na ne lei ei gai awk ciah pakhui cu, nang naw na hnim ci nei.

NAHUM 1:13

Nangmi ah khan ah Assirian gui ah huham mah Nak cu, tuhbäi ka ng’pyi sak khai, Ning khit gui ciah gui phi ka pit sak khai.”

ISAIAH 14:5

Akshe ah uk ci gui ah huham cu Bawipa naw ng’pyi sak pyi ci nei,

EZEKIEL 39:4

Kok la a gakap gui, la ang khawt püi gui cu Israel khomhtung khan ah kyi ne sik khai gui, ngami ah pumsa gui cu kha gui avan la khisa gui ah ami ei vai ah kyak khai.

ISAIAH 10:12

Cun ung phi Bawipa naw a pyen cu, “Kei naw Zion M’htung la Jerusalem ah khan ah ka bi cu ang pyi ah a kyak ung, kei naw Assiria ghangpughang cu a khähghah nak avan la chang ah ang shei nak avan ah phäh ah ka m’kyuk khai nei” cik ci.

ISAIAH 33:1

Kami ga gui cu ng’ziin ci gui nei! Ngami cu guttep u ne kä bekhüt ci gui, cun ung phi ngami guttep gui ne, ngami ung kä bekhüt ci a u kä om ci. Cung phi ami guttep nak la kä ami bekhüt nak cu ng’pyi lawk khai nei, cun kawn ah ngami cu chang naw a guttep gui, chang naw kä abekhüt nak gui ah baawi ah kyak khai gui nei.

ISAIAH 52:2

Jerusalem, na phyawn vai ah ng’kia ä! M’vut ung ka tho ne na mang kiang ung ngo ä! Ami pha ah Zion chang gui, ning khit gui ciah m’si gui cu k’phian vä!

MIKHAH 5:6

Ami thagui thamah nak awn Assiria Nimrod khaw cu näng khai gui. Assirian gui naw kami khawpäng ami tuk law ung ngami naw na hun gui khai gui.

2 SHONTÄP NAK 32:21

Bawipa naw khanchang tüi law sei, acun naw gakap gui la Assirian gabawi gui cu ngawn gui ci gui. Cun ah kyasei uktubawi cu thüi aa ne Assiria ah htet ba ci. Hnüp ät ung ani cu a khanpughi ah Taigüim ung a om yah ung a hta gui amshah naw ami khim awn ngawn ci gui.

EZEKIEL 32:22

Assiria cu shin ung a gakap gui ah ng’phuh hmun gui naw avan ung koi gui sei om ci gui nei. Ngami ami van cu ng’tuk nak ung ngawn gui ci gui,

MIKHAH 5:5

Ani naw dimdeeih nak law püi khai. Assirian gui naw khaw ami tuk law ung, mi ng’vong chaam ami m’shet law ung, keimi naw gai pi ciah kami ng’vai gui tüi ne kami tuk sak khai.

ZEKHARIAH 10:11

Tuinu kat ne ami yaica yah ung, Kei Bawipa naw tui ng’hnawk cu ka k’shedam nak khai. Thuuk ciah Nile tuinu cu kawi ne ket khai. Chang ah ng’shei ciah Assiria gui cu, ami m’lung neim khai. M’gäi ciah Egypt cu a huham maih khai.