ISAIAH 14:23 - Cho Bible Common Language 2016

²³ Kei naw Babilon cu cüihnai ah ka lat khan, a cun ung pangpät gui om khai gui. Kei naw Babilon cu phaipheh awn ka pheik khai, cun naw avan phai yawp khai. Kei, m’gäi ciah Bawipa naw thu kä pyen nei.”

ISAIAH 14:23 Referans Kwoze

ZEPHANIAH 2:14

Cun ah hmun cu htawme gui, sei gui, khisa gui pang naw ng’baw nak khai gui. Pängpät kha gui cu a shet nak ung om u ne, khashe gui cu m’kawt ung m’lau khai gui. Cachit gui phi hlaak ung kai lawk khai gui. Im ami cawh nak ah k’peen gui phi hoce khai gui.

THU PHLAAN 14:8

Akhnih nak ah khankho chang naw a hnu ah läk law netah, “Babilon gawnu di pyi ci nei! Di pyi ci nei! Ani naw ng’yaw ng’pawm nak ah kyak ciah yu cu chang ah hta avan-am tu pyi ci nei!” cine pyen ci.

1 GHANGPUGHANG GUI 14:10

Acun ah phäh ah kei naw na mangshon ah khan ah leigai law püi ne, na hta ng’shon ak hmaw angvai pami avan ngawn khai nei. Nang ah kyongkhui cu kei naw ka nawt heng khai, ngami cu eek-pyaw ah mäih ah pheih phai gui vai.

THU PHLAAN 18:2

Ani naw m’lau ne Babilon mang gaw cu di pyi ci nei! Di pyi ci nei! Cun ah gawnu cu khawshe gui, mumchashe gui ah om nak, shemshai ciah khoshe gui ah ng’yi nak ah kyak ci nei.

2 GHANGPUGHANG GUI 21:13

Kei naw Jerusalem cu ka m’kyuk khai, Samaria la Israel ghangpughang Ahab la a htangshon ah khan ah ka bi ah mäih ah ka bik khai. Pakan tumat m’si ne lat ne mük ah mäih ah Jerusalem ung chang gui cu ka m’si khai.

ISAIAH 13:6

M’neh m’awk ne ng’hlo ei vü! Bawipa ah kho hnüüp cu ng’et ci nei, m’gäi ci naw m’di nak a law püi nak ah hnüüp nei.

ISAIAH 13:20

A cun ung angawi ah phi a u kä om ba khai, A u Arab chang ng’vak shüi ci naw phi acun ung phung kä tuk khai, a u htoshain naw phi cun ung htome kä chah khai.

ISAIAH 21:1

Shin cu Babilonia ah mawng thumkhäh ah kyak ci. Khawng gau khaw kan ne ng’pheet lawk ciah kuiphak ah mäih ah. Leigai cu kyih vai kyak ciah khaw ung ka gawk lawk khai nei.

JEREMIAH 50:3

Asiip täng ah ka pakhui cu law ne Babilonia cu tu lawk ci nei, ani naw cun cu bung ah pyang khai nei. Chang gui la khisa gui cu dawng khai gui, acu ah a i phi kä om ba khai” cik ci.

JEREMIAH 50:26

Akit päng ungka naw tu vä, htang ami tha nak ah khei gui cu a hmunah gäi vä! Nami gut tep gui cu htang pum ah mäih ah pum vä! khopäng cu m’di vä! A i phi kä nawng en shüt vä!

JEREMIAH 51:62

Cun kawn ah na taigü vai, ‘BAWIPA nang naw shin ah hmun na m’di khai ah na pyen ci, cun ah kyasei shin ah kyong ung a i ak ghingsei phi kä om ba sä, chang phi, khisa phi, cun cu ngawi yä bung ah kya sä.’