Biblia Todo Logo
Bib sou entènèt

- Piblisite -




ISAIAH 14:13 - Cho Bible Common Language 2016

13 Nang naw khankhaw ah hang kai ne, akhlüng pikbäih ah aisi gui ah khan ah na mangkiang k’süm vai ah nakbäi te ci. Khan pughi gui ah ami ng’bum nak a siiptäng khomhtung ung ghangpughang ah mäih ah ngoh vai ah nang naw na ngai te ci.

Gade chapit la Kopi




ISAIAH 14:13
23 Referans Kwoze  

Ani naw pyen ci, “Hnicim chang, kei uktu Bawipa naw ka pyen nak cu Taia uktu am m’thein ä: Nang cu chang ah ng’shei ne, namät cu Khanpughi ah na kyak ciah na pyen ci. Tuinu ah koi ah mang kiang ung Khanpughi ah mäih ah na ngok ciah na pyen ci. Nang naw Khanpughi ah na kyak ciah na pyen ung phi, nang cu hnicim ah na kyak ci, khanchang ah kä na kyak ci.


Acun ah akshekha säih naw “Khanpughi nei” cine chang gui naw ami khawihnah gui phung cu hnu ng’tuk püi gui ne, avan ah khan ah kei ka hlüngtai pi ci nei,’ cine, pyein khai nei. Ani cu Khanpughi ah pum im kyong pui ah hteit ne ngo netah, amät cu Khanpughi ah pyein ne ng’shäu khai nei.


Na pyen vai, shin cu uktu Bawipa naw Egypt ghangpughang am a pyen nak nei: Kei cu nangmi ah na ga nei, nangmi tuinu ung ng’zän ciah k’phyu k’saam gui. Nang naw Nile tuinu cu nang ah kaa, nang ah pyan ah na pyen ci.


Aw Kapernaum gawnu, nang cu khankho ah khüt khai ah, m’hlüngtai nak na gah khai ah na ngai ci ma? Nang cu m’hteikho ah khüt sei yuk buh nak na gah khai nei. Nang ung kamdang ah cäi aih gui vai cä, Sodom gawnu ung kamdang vai sü ung, cun ah gawnu cu tuhgüt om khai süte.


Shin cu amät ah huham awn khähghah ne, phyawn pyi nei cine, ngai ciah mang gaw ah khan ah kya lawk khai ah amawng gui ah kyak ci. A chang gui naw ami mang gaw cu khomdek khan ung dämduh pikbäih ciah ngai ci gui. A i hawkcha ah shiu ciah hmun ah kya lawk khai aw? Pya masa gui ah lum nak ah hmun ah kya lawk khai nei! Sunpah ciah chang pang naw kyih ne hteh tak khai gui nei.


cun ah mang gaw cu tuinu ah kem eep ung om ci, cun cu tuinu kem päng ung om ciah chang gui awn sumlei nak om ci. Uktu Bawipa naw a i a pyen cu ani am m’thein ä: Tire, nang cu bäi ciah na kyom nak awn na khäh ghah ci.


Ngawi ah lawk ciah khaw hnüüp ung Taigüim ah ng’düih nak ah khawmhtung cu avan ah hlüngtai pikbäih khai, khawgui gui avan hlüng ne hnim khai. Chang pakhui gui cu a cun ung long ne lawk khai gui,


Zion, Khanpughi ah khomhtung cu ng’tai ne kyom ci nei; küikyang ciah ghangpughang ah mang gaw naw m’dek khan avan ung yeikyai nak law püi ci nei.


Ngami naw nang ning ngawn khai gui ah ami law ung Khanpughi ah na kyak ciah na pyen ba khai ang? Nang cu ning ngawn ciah chang gui awn ami ng’awt law ung, nang cu hnicim ah na kyak khai, khanchang ah kä na kyak khai.


Aw Kapernaum gawnu! Nang cu khankho ah gawk khai ah m’hlüngtai vai na ng’ya hlük ci ang? nang cu m’htei kho ah ning yuk buh hlit vai nei” cik ci.


Ani cu khomik hanpha ne ng’shäi ne, a lu naw khong mei pha khai ah adämduh ung phi,


Chang aha nami ng’shei nak naw ning m’hleei hlak gui khai. Chang gui naw nangmi naw ami kyak vai nami ngaih hlawk ah kä ning kyih gui khai gui. Nangmi cu lung song gui ah khan, m’htung hlüng gui ah khan ung nami om khai; cun ung phi nangmi cu hmu ki ung ah mäih ah ah lüng nak ung nami om ung phi Bawipa naw ning yuk cha ba gui khai. Bawipa naw a pyen nei.”


“Cun kawn ah kei uktu Bawipa naw, khongmei hanpha ne ng’ng’shäi ciah cun ah sing ghing ung a i ah kya lawk khai cicu ka ning m’thein gui khai nei. Cun cu ng’ng’shäi law pi ne chang ah ng’shei law pi ci nei.


Cun ah muimang ung kei cu Khanpughi naw Israel khaw ah na hteh püi neta, khomhtung hlüng ah khan ah na chah ci. Kei naw ka ma ung mang gaw ah mäih ah im gui om cicu ka hmuk ci.


Cun ung phi ani cu chang ah ng’shei ne, am lung ling ne, m’ghämce law khäta, bawi mang kiang ungka m’hnawn u sei, m’tam nak ah hmun cu hteh tak ciah kyak ci.


“Siria ghangpughang naw amät ah m’hni ah bik khai. Ani cu khanpughi nü ah dämduh pi ne, hlüngtai ciah Khanpughi ah phi bämcam pi ciah pyen ne khähghah khai. Ani naw Khanpughi naw am kyuk ah khin ung khüt sei, a cun ah bik khai. Khanpughi naw a pawng püi ah mäih ah akcang ah bik khai.


Na khähghah naw ning m’hleei ci, Na mang gaw cu kheng lung ah m’liu ci; Na im cu khomhtung pha ne hlüng ci, cun ah kyasei na mät ng’htau ne, ‘A u naw kä na buh tawn hlawt khai ang?’ na cik ci.


Swiv nou:

Piblisite


Piblisite