ISAIAH 14:11 - Cho Bible Common Language 2016

¹¹ Nang cu tingtäng tum ne m’hlüngtai nak na gah man ci, cun ung phi tuhbäi, shin ung sihnak ah khaw ung na om ci nei. Nang cu m’kyitzawp ah ih khan ah ng’zän ne, cakaw ah kyak ciah yih na khuih ci nei!

ISAIAH 14:11 Referans Kwoze

EZEKIEL 26:13

Kei naw nami ng’äi gui avn ng’pyi sak ne, nami tumkhawn ah tingtäng gui ka dip sak khai.

ISAIAH 66:24

Ngami ami hteh ba ung, kei na hnungtuk küknet püi ci gui ah ami gook gui cu hmuk khai gui. Cungui ei ciah m’kyiit gui cu kä ci phung khai gui, cun gui ui ciah mei phi kä phät phung khai. A cun gui hmuk ciah hnicim chang avan cu shemshai gui khai. Prophet Isaih ah caa gui ng’pyi ci.

ISAIAH 22:2

Mang gaw avan cu üng eang ne pamcai la cäicat nak awn be ci. Shin ah ng’tuk nak ung sik ciah na chang gui cu, ng’tuk bi ne sik ci gui ah kä kyak ci.

JOB 21:26

Cung phi chang avan cu a cun ah mäih ah si ne a cun ah mäih ah ng’cim ci gui; ami van cu m’kyiit naw vun gui ci.

ISAIAH 5:14

M’gang khlam naw ei ah cani ne ei hlü gui ne, ani naw a shai m’an ne ang ci. A cun naw Jerusalem ah mang gui cu m’lau ng’pyang ciah chang pang gui awn atäng ah m’zaw gui ci.

ISAIAH 51:8

Ngami cu m’kyiit ah ei ah sui ah mäih ah akholä ah kyak khai gui nei! Cun ung phi kei naw ka law püi ah humhtei nak cu khong län ung om khai nei. Kei ah ka näng nak cu akhin avan ung om khai nei.”