ISAIAH 14:1 - Cho Bible Common Language 2016

¹ Bawipa naw a chang Israel gui cu m’gein ba gui mä ne, amät ah chang ah ghü ba gui ci. Aui naw ami mät ah khaw ung om ba sat gui mä khai, akhawhei chang gui cu a cu ah law u ne ngami awn atäng ah om khai gui.

ISAIAH 14:1 Referans Kwoze

SAM 102:13

Nang cu tho ne, Zion mang gaw cu m’gein law ä; Ani na m’gein nak vai ah khin cu gawk lawk ci; shin cu a khin ni pi ah kyak ci nei.

ZEKHARIAH 1:17

Khanchang naw shäu vai ah kei am ana m’thein cu, “M’gäi ciah Bawipa naw a pyen cu, a mang gaw gui cu bühmang ba khai gui, ani naw Jerusalem cu m’htei ba khai, a mang gaw cu ka nab a khai” ciah kyak ci.

MALAKHI 1:11

Vang khaw cawi ungka naw vang khaw cawi ung khüt ciah chang gui naw na m’taam ci gui. A hmun päng ung ang ui gui m’khih u ne, dou thei vai ah khawihnah ci gui. Ami van naw na m’taam ci gui!

JEREMIAH 50:33

M’gäi ciah Bawipa naw pyen ci, “Israel la Judah chang gui cu Shedam nak gah ci gui nei. Ngami tu ne khäm gui ci ami van naw ngami cu ngäng gui u ne, kä hteh sak gui khai gui.

ISAIAH 49:13

Ng’äi m’cu vä, khankho gui! Zei ne m’lau ä, khomdek! Khomhtung gui naw yei ne ng’äi m’cu u sä! Bawipa naw a chang gui cu shungvong gui khai nei; Ani naw yaica ciah a chang gui cu m’gein gui khai nei.

JEREMIAH 29:14

Ä, kei naw ka pyen ci, nangmi naw nami na hmuk khai, kei naw nami khaw ung ka ning chah ba gui khai. Kei naw ka ning püi pyang sak nak gui ah khopäing nü, khohmun nü ungka ka ning bum ba sak gui khai, cun kawn ah kei naw omktu ah ak ning tüih nak gui ungka nami khaw ung ka ning law püi ba gui khai. Kei, Bawipa naw ka pyen ci.’

ISAIAH 66:20

Ngami naw chang pakhui gui ung ka, nami khochang avan cu m’cümhnak nak ah kei ah law püi ba khai gui. Israel gui naw htang-douthak nak cu theingcim nak vai Taigüim ah ami law püi ah mäih ah, ngami naw cun gui cu ng’se gui, la gui, kala uk gui la yatha gui la ng’hle gui aw thingcim ciah kei m’htung Jerusalem ung law püi khai gui.

ISAIAH 49:7

Israel ah theingcim ciah Khanpughi la hunbawi naw, chang gui naw ak nui ah ami päipih, chang pakhui gui naw ami thüi gen, uktu gui ah changshäm am a pyen nak cu; “Ghangpughang gui naw ning laut sak u ne, tho ne ami ning chang m’sui nak cu m’dang khai gui; Manghta gui naw phi cun cu hmu u neta, kawp ne ning chang m’sui khai gui.” Shin cu kya lawk khai, a i ah kyasei ci ung Bawipa naw a changshäm cu ghü pyi ci; Israel ah Theingcim ciah khanpughi naw a shaitak cu k’pank khek ci.

ISAIAH 44:1

Bawipa naw pyen ci, “Tuhbäi ngai vä, Israel gui, ka changshäm gui, ka ghü ah chang gui, Jakob ah hta ng’shon gui.

ISAIAH 41:8

“Cun ung phi, Nangmi, Israel ka changshäm gui, Nangmi cu ka ning ghü gui ah chang, ka teihpüi, Abraham ah htangshon ah nami kya ci.

ISAIAH 27:6

Lawk ciah hnüüp gui ung, Jakob ah hta ng’shon, Israel chang gui cu sing ah mäih ah ng’yung pya u ne, khomdek cu küm khai nei.

SAM 143:12

Kei na na m’hni nak awn, ka ga gui cu ngawn gui ä, Na shedam nak ci gui avan cu m’di gui ä, kei cu na changshäm ah ka kyak ci nei.

SAM 98:3

Ani naw a bekhüt nak la ng’täi ciah am hni nak gui awn, Israel chang gui ah mi Khanpughi ah näng nak cu kho päng ung om ciah chang van naw hmu pyi ci nei.

ESTA 8:17

Mang gaw la khopäng avan ung, ghangpughang ah thu ng’shäu ami phat nak päng ung, ei awk nak la yeikyai nak awn lünlawi ne, ng’chiin nak cu Jew chang gui naw bik ci gui. Ahei chang gui akda naw Jew chang gui cu kyih law gui u ne, Judah gui ah yum nak cu yum law tuk ci gui.

LUKA 2:32

Na ng’yak hlü dang sak ciah akdei cu chang hei gui ah hmawk ah ak khang vai la; na chang gui Israel chang gui ah bämang nak a gawk law ah hmawk ah kyak ci” cik ci.

LUKA 1:54

Pupa gui ah ma ah a shaitaak cu kümbe sak ne, ak chang shäm Israel chang gui cu m’htei gui khai ah law pyi ci nei.

ISAIAH 41:9

Kei naw khocawi ah ka, ka ning lawpüi gui ci; kei naw shou pikbäih ciah khokem ung ka, ning khü gui ne ka ning pyen nak gui cu, ‘Nangmi cu kei ah ning changshäm gui nei.’ Kei naw kä ka ning hnungtuk püi gui ci, ka ning ghü gui ci.

ISAIAH 45:14

Bawipa naw Israel gui pyen ah gui ci, “Egypt la Sudan gui ah ami khawh cu, nangmi ah kaa ah kyak khai nei, däm ng’sau ciah Seba gui cu nami Khleiktein ah kyak khai gui nei; ngami naw m’sigui awi ne ning läk gui khai gui nei. Ngami naw nami ma ah m’khukdong u neta, ng’kiaa ne pyen khai gui, khanpughi cu nangmi awn atäng ah om ci, ani bäng nei khanpughi.

ISAIAH 49:10

ngami cu kä cawi phung, kä gha phung khai gui. Ngami m’hni gui ci naw lamshüm gui ci kya sei, khohni ling la khong’gau kholing naw kä nat sak gui khai. Ani naw tuilawng gui ah om nak ah hteh pui gui khai.

ISAIAH 49:15

Cun ah kyasei Bawipa naw m’shang gui ci, “Hnumi tumat naw amät ah hta hta cu m’hnih hning khai aw? A hta nak ah a hmaw cu kä m’hni ah om khai aw?

ISAIAH 49:25

Bawipa naw m’shang ci, “Tuhbäi kya lawk ci gui cu a cun ah mäih ah kyak ci nei. Gakap ah chang pha gui cu lak pek vai nei, Mangmghämce ah guttep ah khawh cu guh pek vai nei. Nangmi ning tu gui ci phung cu kei naw ka tuk khai nei, Nami htanau gui cu ka gung khai nei.

ISAIAH 54:3

Nang naw na khogi cu amawng avan ung, na ng’shawng sak vai nei; Tuhbäi khuihei gui naw ami khäm ah khaw cu, na chang gui naw gah ba khai gui nei.

ISAIAH 55:7

Chang omshe gui naw ami ghin om nak ah lam cu nawng u sä, ami ngaih-tüh nak cu m’thawng u sä. Ngami cu Bawipa, mi Khanpughi ah ma ah ng’hlah sak gui vä; ani cu chimgein ne, ang ghit ah m’geinsei ci nei.

ISAIAH 56:3

Akhohei chang, Bawipa ah chang ung ng’dawn tuk ci naw kä a pyen vai gui cu, “Bawipa naw a chang gui awn atäng ah kä na khawihnah sak khai” ciah kyak ci. Amia phyet ah chang tumat kä hta nau hning khai naw phi, ani cu khanpughi ah chang ah kä kya hlawt khai ah kä ang ngaih vai.

ISAIAH 60:10

Bawipa naw Jerusalem a pyen nak cu, “Akhohei chang gui naw nangmi ah pigaw k’pang co ba khai gui nei. Ami ghangpughang gui naw nami bi bik khai gui nei. Ka m’lunghse nak awn ka ning m’kyuk gui ci, cun ung phi tuhbäi ka chang m’sui nak la ka chimgein nak cu, ka ning m’dang gui khai.

ISAIAH 60:14

Nangmi ning shedam na gui ciah ami hta gui cu law u ne, kawp u ne ami ning changsui nak m’dang khai gui nei. Acau ning päipih man ci gui ami van naw na khaw peiah law ne ning khawihnah khai gui nei. Ngami naw nang cu, ‘Bawipa ah mang Gaw’ ah ning khü khai gui nei. ‘Zion, Theingcim ciah Israel khanpughi ah mang gaw’ cik khai gui nei.

EZEKIEL 47:22

Shin cu ngawi yä nami kaa nak vai nei. Nami ng’lung ah om tuk ciah a khohei chang gui la ashi ah ami hta nak gui naw phi, khaw nami ng’pai law ung gah tu u sä. Ngami cu Israel pakhui chang gui ah mäih ah nami om püi gui vai, Israel pakhui gui ah ng’lung ah khaw ami gah tu vai ah m’shüih ami tawk tu vai nei.

SAM 102:14

Na changshäm gui naw ani cu m’hni ci gui, cun ung phi ani cu di pyi ci; Ngami naw ani cu m’gein ci gui, cun ung phi ani she pyi ci.

ISAIAH 19:18

Cun ah khim a gawk law ung Egypt mang gaw hma cu Hebrew ng’thu ah ng’thu khai gui. A cun ung om ciah bik khai gui. Mang gaw gui ung ka, mang gaw tumat cu, “Khohni mang gaw” ah khü khai gui.

ISAIAH 21:1

Shin cu Babilonia ah mawng thumkhäh ah kyak ci. Khawng gau khaw kan ne ng’pheet lawk ciah kuiphak ah mäih ah. Leigai cu kyih vai kyak ciah khaw ung ka gawk lawk khai nei.

ISAIAH 47:1

Bawipa naw pyen ci, “Babilon, na mang kiang ung ka kyum law ne, m’dek khan ah m’vut ung ngo ä. Ayanä nang cu ng’lami hta ah mäih ah a u naw kä a tuk man ah mang gaw ah na kyak ci, Cun ung phi nang cu kä na awigi hniphnoi ba ci! Tuhbäi nang cu khlei-htein ah na kyak ci!

JEREMIAH 16:15

Acun nak vaisü ung Israel chang gui cu a siiptäng khaw la kei naw ka püi pyang sak nak gui ah akhopäng hei gui ung ka ka law püi ba gui ciah ghing ciah khanpughi ah ka kyak nak ung guntaan khai gui nei. Kei naw ami pupa gui am ka pek gui ah ami mät ah khaw ung kei naw ka hteh püi ba gui khai. Kei, Bawipa naw ka pyen ci nei.

JEREMIAH 30:8

M’gäi ciah Bawipa naw pyen ci; “Cun ah hnüüp a gawk law ung ami hnü ung ami phuih nak ah sing cu cheiuh ne, gui gui cu ka heen pe gui khai, ngami cu Khohei Chang gui ah Khlei htein ah kä kya ba khai gui.

JEREMIAH 31:4

Hnü ät mä kei naw ka ning cokyang ba gui mä khai. Hnü ät mä nangmi naw nami thing sheei tum ne yeikyai ne nami ng’lamba mä khai.

JEREMIAH 51:51

Nangmi naw nami pyen khai, keimi cu kami thangshe sei kami thui ng’aa ci nei; keimi na bawm gui khai kä om sei kami yai ci nei, a i ah kyasei ci ung Taigüim kyong ah a Theingcim nak ah hmun cu a khohei chang gui naw la pyi ci gui nei.

EZEKIEL 16:60

Cun ung phi nangmi name hmaw yah nangmi awn ka bi ah thukhän cu kei naw ka m’taam khai, kho ng’län ung khäng ciah thukhän cu kei naw nangmi ung ka bik khai.