ISAIAH 13:8 - Cho Bible Common Language 2016

⁸ Ngami cu ami van kyikyawk u ne, hta law khai ah hnumi ah mäih ah m’neh khai gui nei. Ngami kyin nak ann ng’teng tu u ne, ngami ah hmai cu ng’aa nak naw ui khai nei.

ISAIAH 13:8 Referans Kwoze

1 THESSALONIAN 5:3

“Chang gui naw a päng avan cu ding gei ne, om phyak ci nei,” ci ne pyein khai gui. Cun yah ung käü-mah ciah hnumi cu ang ghit ah anau poi am neh law ah mäih ah geinvai nak cu ang hgit ah gawk lawk khai nei. Cun cu chang gui naw kä phiawn ah hlawt khai gui.

NAHUM 2:10

Nineveh cu di ci, shum ci, shiu ci! M’lung avan kyi ne ng’tum ci, M’khuuk phi ng’hlet ci, Thagui avan maih ci, Hmai phi thui ne ng’aa ci.

ISAIAH 26:17

Nang, Bawipa naw keimi cu, anau poi m’neh ciah hnumi ah mäih ah na na kyah m’lau sak gui ci nei.

JOHAN 16:21

Hnumi tumat cu a hta law vai ung a nau poi m’neh ne ang htei ah yaica ci, cun ung phi a hta kawn ah m’dek khan ah chang tumat ng’tüi lawk ci kyasei, anat nak cu kä shüm ba ci.

JOEL 2:6

Ngami ami ng’et law ung chang päng cu kyik ci, chang päng a hmai m’sa ci.

JEREMIAH 50:43

Babilonia ghangpughang naw cun ah mawng ng’ya neta, a kut phi kä hnün hlawt ci. Ani cu amlung nat sak sei, anau poi m’neh ciah hnumi ah mäih ah m’neh ci.

JEREMIAH 30:6

Tuhbäi ng’düm ne ngai vä! Pami cu hta hning khai ang? A i ah kyasei pami gui päng naw anau poi m’nek ciah hnumi ah mäih ah ami poi ah khan ah ami kut taih u sei, ka hmuh gui ang? A i ah kyasei Chang nü ami ng’hum aih ang?

JEREMIAH 4:31

A nau poi m’neh ciah hnumi ah kyah k’aw, hta htük ciah hnumi ah m’lau ah k’aw ah mäih ah k’aw cu kei naw ka ng’yak ci. Cun cu bawng ne ng’khlet ciah Jerusalem ah k’aw ah kyak ci, ani naw a kut shäng neta a pyen cu, “Kei ka ng’ziin ci nei! Ngami naw law ne na ngawn khai gui nei!”

2 GHANGPUGHANG GUI 19:26

A cun ung om ciah chang gui cu ami huham kä om ci; ngami cu kyikyawk ne ngümngoi ci gui. Ngami cu ak kyangtäng ah ka khokhi ling akhi law ung ng’yai ciah loma ung m’ghaw, m’di ciah khan ah pyo ciah k’taa ah mäih ah kyak ci gui.

JEREMIAH 13:21

Nang naw na teihpüi ah na ngaih ah chang gui naw ning tu u ne ami ning uk ah a kyak ung a i ah na pyen khai aw? Nang cu the lawk khai ah hnumi ah m’neh ah mäih ah na m’neh khai nei.

JEREMIAH 46:5

“Cun ung phi a i ang ka hmuh?” cine Bawipa ka ng’shik ci. “Ngami cu kyih nak vai täng ah ng’hlat ci gui nei. Ami gakap gui ami m’ghuih gui nei; kyih nak awn ami näng gui nei, ngami cu ami dawng hningah dawng ci gui nei. Ami hnu ah kä mang ba ci gui nei.

JEREMIAH 48:41

gawn gui la mang pang gui cu tu ne khäm khai gui. Cun ah hnüüp ung Moab gakap gui cu anau poi m’neh ciah hnumi ah mäih ah kyi kyawk khai gui nei.

JEREMIAH 49:22

Hmu naw angphia k’phiant ne amtawn ah mäih ah ga gui naw Bozrah cu tuk khai gui. Cun ah hnüüp ung Edom gakap gui cu anau poi m’hneh ciah hnumi ah mäih ah kyi kyawk khai gui.”

JEREMIAH 49:24

Damaskas ung chang gui cu ami k’tha ken sei kyi ne dawng ci gui. Ngami cu anau poi m’neh ciah hnumi ah mäih ah na sei m’neh ci gui.

JEREMIAH 51:30

Babilonian gakap gui cu kä ng’tu ba u ne, ami ng’tuk im kyong ah om ci gui. Ngami cu ami thagui maih sei hnumi ah mäih ah kya lawk ci gui. Mang gaw m’kawt gui cu ng’gäi yawp ci, ami im gui cu mei naw ui ci.

EZEKIEL 20:47

Uktu Bawipa naw a pyen cu a htum täng ah bung naw ang yak vai ah m’thein ä: Teng ä! Kei naw mei ka m’khih ci nei, acun ah mei naw nang ung om ciah sing nü ak chiing ak chawng ui yawp khai nei. Cun cu a i naw kä m’shih hlawt ci. Cun cu a htum ah ka naw a siip ah khüt sei ng’phiah ne ui ci, cun ah mei m’lei ah angliing cu apäng ung gawk khai.

HOSEA 13:13

Israel gui cu ghin nak vai chaw nak ci gui. Cun ung phi cun ami lak vai ah ang aih ci gui — Hta nak vai ah akhin ah kyasei phi puk ungka aluh law vai ah mak ciah a hmaw awn täng ci gui.

SAM 48:7

Khinu awt ciah htinpaw im ah mäih ah kyak ci gui.