ISAIAH 13:6 - Cho Bible Common Language 2016

⁶ M’neh m’awk ne ng’hlo ei vü! Bawipa ah kho hnüüp cu ng’et ci nei, m’gäi ci naw m’di nak a law püi nak ah hnüüp nei.

ISAIAH 13:6 Referans Kwoze

JOEL 1:15

Bawipa ah hnüüp cu ng’et ci nei, cun ah hnüüp ung m’gäi ci naw dishum nak law püi khai. Cun ah hnüüp ung a lawpüi vai cu kyih aih vai kyak ci nei!

ZEPHANIAH 1:7

Bawipa naw am khoicha nak vai ah hnüüp cu ng’et lawk ci nei. Cun ah kyasei ama ah kawp yawp vä. Bawipa naw ghutha nak vai ah a chang gui pawng püi ne, Judah gui tu gui khai ah ga gui khü gui ci.

AMOS 5:18

Bawipa ah hnüüp ngäng ciah nangmi ah phäh ah a i hlawk ah khüikha vai kyak khai aw! Cun ah hnüüp ung akni a i nami bik khai aw? Cun ah hnüüp cu nangmi ah phäh ah hmüp khui ah kyak khai, akdei ah kä kyak khai.

ISAIAH 13:9

Bawipa ah hnüüp cu law sang ci nei — cun cu ani ah am lungshe nak la amlungso nak ah hnüüp she ah kyak ci nei. Khomdek cu khaw käu ah kyak khai, shetkat nak bik ciah chang pang cu m’di khai nei.

THU PHLAAN 18:10

Ngami naw ani ah geinvai nak cu hmu u ne, ang htei ah kyikyawk u ne, asho nak ah ng’düi u netah, “Hlüngtai küikyang ciah mang gaw, Babilon! Cäi-aih vai thüi aih vai kyak ci nei. Nang cu nayi ät hta ah kyong ung m’shetkat nak na gah pyi ci nei” ci ne kiak khai gui nei.

JOEL 2:11

Bawipa naw khong hmum ah mäih ah agakap gui thumkhän gui ci. Ani ngai ciah ga-mo cu chün ne m’gäi ci. Bawipa ah hnüüp cu kyih aih vai kyak ci nei! A u pawih ba hning khai aw?

JEREMIAH 51:8

Babilonia cu ang ghit ah yung kyak ci, ami m’di ah kyak ci! Acun ah phäh ah thüisei vä! Aleim ah phäh sei shui vä, m’tui ung khan ei hman khai nei.

ISAIAH 34:8

Cun cu Bawipa naw Zion a gun nak la aga gui ah khan ah phu atuk nak ah akhin ah kyak khai.

ISAIAH 2:12

A cu hnüüp ung m’gäi ciah Bawipa naw huham mah ci phung. Chang ah ng’shei ne, chang klom ci phung yuk buh khai nei.

JAMES 5:1

Bühmang ciah chang gui kei ah thu cu na ngai vä! Nami khan ah gawk lawk khai ah geinvai nak vai ah hmawk ah thüi ne kyap vä!

MALAKHI 4:5

“Cun ung phi küikyang ci la kyihkyawk nak vai ah Bawipa ah law nak kä ak phaa law pha ung kei naw prophet Elijah cu ka ning tüih law pe gui khai.

ZEPHANIAH 1:14

Bawipa ah küikyang ciah hnüüp ng’et lawk ci, ng’et lawk cang ci, gawk law ge ci! Cun ah hnüüp cu khak ciah hnüüp ah kya ne, nget ciah gakap phi kyap ne yai khai gui!

JOEL 2:31

Khohni hmüp khai, cha cu si ah ng’hlat ne sen khai cun cu dämduh ne kyih vai kyak ciah Bawipa ah hnüüp kä a gawk law pha ung ah kyak khai.

JOEL 1:13

Sonkyang ung bii bik ciah taigü gui; ng’yu nak sui sui ne kyap vä! Taigüim ah hteit ne mü lüng ne kyap vä! Nami Khanpughi am nami douthak vai atheih, atui a i kä om ci nei.

JOEL 1:5

Awktat ciah chang gui, ng’shüm law ne kyap m’lau vä; yu awk ci gui kyap vä; yu tui ak thai ah pyan vai ah am theih gui cu di pyi ci nei.

ISAIAH 14:31

Philistin mang gaw gui avan, ning m’hteihtang gui khai, kyap ne khü vä! Nami van kyikyawk vä! Khameiah thawk ciah m’vut cu a siiptäng ah ka lawk ci nei — Cun cu chang kyi kä ng’caw ciah gakap ma ät ah kyak ci nei.

JOB 31:23

A i ah kyasei ciung kei naw Khanpughi ah m’kyuk nak cu ka kyih ci nei. A cun ah mäih cu kä ka bi phung khai nei.

JOEL 1:11

Cäi ng’ä vä, lo bik ci gui; sapyit m’htei ci gui kyap vä; a i ah kyasei ci ung atun, am guh, geit avan di pyi ci nei.

EZEKIEL 21:12

Hnicim chang, thüi ne kyap ä; shin ah khimsem cu ka chang gui ah phäh ah kyak ci, Israel ang vai gui avan ah phäh ah kyak ci. Ngami cu k’pawih ba ciah ka chang gui avan awn atäng ah ngawn gui vai nei. Thüi kyap ne na ng’kyang cu k’beeih ä!

JEREMIAH 49:3

Heshbon chang gui, kyap vä! a ih cu m’di pyi ci gui nei! Rabbah hnumi gui thüikyap vä! Sui she sui ne thüisei vä. Ng’gogan ne dawng vä. Nami khanpughi molek cu ak taigü gui la amang hta gui awn atäng ah om ktu ah hteh püi ci gui nei.

ISAIAH 65:14

Ngami naw yei ne ng’äi m’cu khai gui, cun ung phi nangmi nami m’lung thüi sei nami kyap khai.

ISAIAH 52:5

Tuhbäi Babilon ung phi acun bä ah kya law ba ci; nangmi ning pha gui ci gui, nang mi ah phäh ah a u naw a i kä pek ci. Ning uk gui cicu khä hghah u ne, chang ah ng’shei u ne, ang däih ah kei a i ah kä ami na sui nak cu m’dang ci gi.

ISAIAH 23:1

Shin cu Tire gawnu ah mawng thumkhäh ah kyak ci. Thuinu ah khan ung gawk ciah htinpawkläk gui! Thüisei vä! Nami im gawnu Tire cu dipyi ci nei; a cun ung im gui la tukkem im gui cu she pyi ci nei. Nami htinpaw Caiprus ah ka a law ba ung nangmi naw cun ah mawng nami hmat ci nei.

JEREMIAH 25:34

Kyap vä, nangmi angvai gui, ka chang gui htome sham gui, m’lau ne kyap vä! Thüisei ne m’vut ung ng’tah vä. Ami ning ngawn nak gui vai ah akhin gawk lawk ci nei, nangmi cu htome khla ah mäih ah ning ngawn gui khai gui nei.

ISAIAH 10:3

Khanpughi naw aning m’kyuk law gui ung a i ah nami kyak khai ang? Ani naw a khawshou ah ka leigai gui nami khan ah a law püi ung a i ah nami kyak khai ang? M’hteihtang nak hmuh vai ah a hawi nami dawng khai ang? Nami khawh cham gui a hawi nami thup khai ang?

ISAIAH 10:25

Nangmi ka ning m’kyuk nak gui ang pyi hta vai am, kei naw ngami cu ka m’di gui khai.

ISAIAH 14:23

Kei naw Babilon cu cüihnai ah ka lat khan, a cun ung pangpät gui om khai gui. Kei naw Babilon cu phaipheh awn ka pheik khai, cun naw avan phai yawp khai. Kei, m’gäi ciah Bawipa naw thu kä pyen nei.”

ISAIAH 34:2

Bawipa cu chang pakhui avan la ami gakap gui avan ah khan ah m’lungshe ci nei. Ani naw m’di gui vai ah m’kyuk gui ci nei.

ISAIAH 47:11

Leigai cu na khan ah gawk lawk khai, a i na ce cai nak naw phi kä ng’düm sak hlawt khai. Dishum nak cu ang ghit ah na khan ah gawk lawk khai — cun cu ng’mang ah phi kä na mang nak man ah kyak khai!

ISAIAH 61:2

Bawipa naw a chang gui a hun nak vai la Ami ga gui a tuk hnim nak gui vai ah akhin cu gawk law pyi ci nei, cine ng’thu ka shäu vai ah kei cu na tüi ci. Thüi kyap ci gui ami van k’büi gui vai ah kei cu na tüi ci,

EZEKIEL 13:5

Ngami naw ng’äi ciah gaw pang gui kä teng khen ci gui, gaw pang gui phi kä co ba ci gui, cun ah kyasei Bawipa ah hnüüp ung ng’tuk nak a gawk law ung Israel cu kä shungvong hlawt khai gui.

DANIEL 5:9

Ghangpughang Belshazzar cu cäi aih ne a hmai m’kyum ne ng’haam ci, a bawi ng’vai gui phi a i ami bi vai kä hmat cii gui.

DANIEL 5:26

Cun ah amawng cu; Khei, Khanpughi naw nang ah uknak gui hnüüp gui cu khei ci, ng’pyi law sak ci;

ZEKHARIAH 14:1

M’khoicha nak ung Bawipa ah ngoh nak vai ah hnüüp cu ng’et lawk ci. Jerusalem cu gut tep khai gui, ami guh ah khawh cu na mik ah hmuh ah ng’tei ng’pai khai gui.

ISAIAH 63:4

Kei ah ka chang gui hun nak gui vai ah akhin cu gawk lawk ci nei, ciah kei naw ka k’bäi ci: cun cu ami ga gui m’kyuk nak gui vai ah akhin ah kyak ci —

JOEL 2:1

Khanpughi ah theing ciah khomhtung Zion ah khan ah phyungheng tum vä, khingyan khawng vä. Judah chang gui ng’hlet vä! Bawipa ah hnüüp cu gawk law ge ci nei.