ISAIAH 13:5 - Cho Bible Common Language 2016

⁵ Ngami cu khomdek ah ak cawi, shounn ciah-khopäng gui ah ka lawk ci gui nei. Bawipa naw am lungshe nak awn khaw avan cu m’dishum vai ah lawk ci nei.

ISAIAH 13:5 Referans Kwoze

MATTHE 24:31

Cun kawn ah chang ah Htapa naw chünla ciah phyungheng tum sak gui netah, ak khankho chang gui cu hnilaw hnikiaak, a htum asiip ah tüi gui ne, khomdek vang kem ah kaa naw vang kem ah khüt khai ah a ghü ah chang gui cu m’cut sak gui khai nei.

JEREMIAH 51:11

Bawipa naw Media ghangpughang gui cu thawh let sak gui ci, a i ah kyasei ci ung ani naw Babilonia cu m’di vai ah angbü ah phäh ah kyak ci. Cun cu ani naw a Taigüim ami m’di ah phäh phu atuk ah kyak ci. Ng’tuk ciah bawi gui naw Thum’khän u ne, “Nami m’la gui k’tah vä! Nami shawi gui m’hnüt ge vä!

JEREMIAH 50:9

Kei naw a siiptäng ah thamah ciah pakhui bum gui cu thawh let sak gui ne, Babilonia cu ka tuk sak gui khai nei. Ngami naw ng’tuk bi u ne cun ah khopäng cu khan khai gui. Ngami cu thei ciah sakap gui ah kyak ci, m’la ami ka hung, ami bü nak ka ng’chei ci.

JEREMIAH 50:3

Asiip täng ah ka pakhui cu law ne Babilonia cu tu lawk ci nei, ani naw cun cu bung ah pyang khai nei. Chang gui la khisa gui cu dawng khai gui, acu ah a i phi kä om ba khai” cik ci.

ISAIAH 24:1

Bawipa naw khomdek cu m’shiü ne m’gämugang khai ah nawng khai. Ani naw khomdek ah hmai cn ng’phiui sak ne, a chang gui cu püi pyang sak gui khai.

ISAIAH 13:17

Bawipa naw pyen ci, “Kei naw medes chang gui cu Babilon ami tuk vai am ka m’thum tho gui ci. Ngami naw ngui phi a i ah kä ngai ci gui, ghui phi a i ak kä ngai ci gui.

ISAIAH 5:26

Bawipa naw m’hnüt nak m’dang ne, khosang ah om ciah pakhni gui khü gui khai. Ani naw khocawi ah ka gui ami law vai ah m’shük ne khü gui ci. Ngami cu ang ghit, ak yä ah shin ung lawk ci gui!

2 SAMUEL 1:27

“M’gäi ciah gakap gui cu kyuk ci gui, ami li khim cu nawng shüt u sei, akholä ah kyak ci nei.

ISAIAH 7:18

Cun ah khin a gawk law ung, Bawipa naw m’hnüt nak ah tum ne, Nile tuinu ah sho pik bäih ciah tuihta gui ung ka, Egypt chang gui cu k’pi gui ah mäih ah ami law vai la, Assirian gui cu ami khaw ung ka khoi gui ah mäih ah ami law vai ah k’bäi gui khai.

ISAIAH 10:5

Bawipa naw, “Assiria gui! Kei naw Assiria gui cu, kei naw ka m’lungshe nak gui m’kyuk nak gui vai ah thah htung ah ka mang gui ci nei.

ISAIAH 26:20

Ka chang gui aw, nami im kyong ah lut ba vä, nami shoh khai vä. Khanpughi ah m’lungshe nak ang pyi güt akhäng hta nami ng’thuh cang vai nei.

ISAIAH 30:27

Bawipa ah huham la bämang nak cu asang ah ka naw phi hmuh hning vai nei. Mei kdäi la meikhu naw ani ah m’lungshe nak cu m’dang ci nei. Ani ang thu ung, aniah thulung naw mei ah mäih ah ui ci nei.

ISAIAH 34:2

Bawipa cu chang pakhui avan la ami gakap gui avan ah khan ah m’lungshe ci nei. Ani naw m’di gui vai ah m’kyuk gui ci nei.

ISAIAH 48:14

“Nami van, ng’bum ne ngai law vä! Kei naw ka ghü ah chang naw Babilon cu tuk khai, Ani naw kei ah ng’yak hlü ah bik khai, ciah a i khanpughi phi kä ng’cängbang man ci nei.

ISAIAH 66:14

A cun nangmi naw nami hmuh ung nangmi cu nami yei khai; a cun naw nang mi ning khüi ghat, ning gai gawng sak gui khai. Cun kawn ah nangmi naw nami hmat khai, kei cu Bawipa nei, na ngai ciah chang ka m’htei ci, ka ga gui hnung’tuk püi ne ka m’lungshe nak ka m’dang ci.”

JEREMIAH 8:19

Ngai vä! Kho avan ung ka chang gui kyap u sei ka ng’yak ci nei. “Zion ung Bawipa kä om ba ne ma? Zion ghangpughang cun ung kä om ba ne ma?” 2 Bawipa, ami ghangpughang naw m’shang gui ci, “Nami agup gui khawihnah u ne, akholä ah kyak ciah akho hei khanpughi gui ah ma ah kawp u ne, a i ah kyasei kei cu nami na m’lungshe sak ang?

JEREMIAH 50:25

Kei naw likhim gui ka gim nak ah hmun cu ka hmawng pyi ci nei, kei kamlung she nak awn cun gui cu ka k’plawk ci nei, a i ah kyasei ci ung kei, m’gäi ciah uktu Bawipa naw Babilonia ung ka bi vai a om ah phäh ah kyak ci nei.

EZEKIEL 22:31

Cun ah kyasei kei naw ngami ah khan ah ka m’lungshe nak zuh lawn ne, ngami ah ami bi phung cu mei ah mäih ah kya ne ka m’di khai.” Uktu Bawipa naw a pyen nei.