ISAIAH 13:22 - Cho Bible Common Language 2016

²² Tänghän gui la mang im gui cu saui gui la ui gui ah ng’naak awn shalawng ci. Babilon ah shum nak vai ah khin cu gawk lawk ci nei! Ani ah hnüüp ng’pyi law vai ci nei.”

ISAIAH 13:22 Referans Kwoze

JEREMIAH 51:33

Kä shou pha sei ga gui naw k’shawm gui ne, khlang ung htang leh ah mäih ah leh gui khai gui. Kei, m’gäi ciah Bawipa, Israel Khanpughi naw ka pyen nei.”

ISAIAH 35:7

mei ah ui ciah salai cu tui ah li khai, ket ne chawng ciah khaw cu tuihta gui awn be khai. Sa ui gui ah om nak man ung m’long kyai gui phung ghing khai.

ISAIAH 25:2

Nangmi naw mang gaw gui cu di khai ah nami m’hlat ci, ami vongpang gui cu nami m’di ci. Kami ga gui naw ami cawh ah mang im gui cu khaw ng’län ung om ci nei.

2 PETER 2:3

Cun ah thuvi ciah saya gui cu ng’yak nak hlü aih awn khän ne düng ciah thu pyein u ne, ami mät ung tang khai ah bik khai gui nei. Cäu ä tün ne ngami ng’thumcha gui khai cu om pyi ci nei, ngahmi m’di gui khai phi tho pyi ci nei!

HABAKKUK 2:3

Gu ne na gim vai, aküm nak ah khin kä gawk law phak ci. Cun ung phi ka ning m’dang aküm nak vai ah akhin cu ang ghit ah gawk lawk khai. A law nak ung api ah a shokshü ung phi, na gin vai, akcang ah gawk lawk khai, kä hleei khai.

ISAIAH 34:13

Mang im kyong gui avan la gawnu k’pang gui ung hlingbung, hlingcam gui tho khai, cun gui ah ng’lung ah

THULÄÄN NAK 32:35

Bawipa naw phu tu ne ngami cu m’kyuk gui khai, Ngami ami yung kyak nak ah khin gawk lawk khai. Ami ng’yiin nak vai ah hnüüp cu ng’et lawk ci.

SAM 44:19

Cun ung phi nang naw sa hnget ah ng’lung ah am gein ka ah na na nawng gui ci; a hmüp nak pi bäih ung phi na na nawng gui ci.

ISAIAH 32:14

Mang im phi kei ne, mangkho leigaw phi apum ah shiu khai nei lm gui la k’pang gui ami ngäng gui cu ang’täi sei di maih khai nei Hwn cu k’pya ng’se gui naw lum na u ne, htome gui ah khu ei nak ah kyak khai nei.

ISAIAH 43:20

Ng’kiang ma ah tui long khai ah bi ne ka ghü ah chang gui am tui ka pek law ung; khisa gui naw kei cu na m’tam khai gui, sa ui gui la ngamzawk gui naw phi na m’tam khai gui.

JEREMIAH 9:11

Bawipa naw pyen ci, “kei naw Jerusalem cu, im ng’phrek ciah ng’awt ng’bum, sa ui gui ah om nak ah hmun ah ka pyang khai; Judah mang gaw gui cu chang ah kä om nak bung ah kyak khai gui.”

JEREMIAH 48:16

Moab ah ng’ziin nak cu ng’et lawk ci nei; adi nak cu gawk lawk ci nei,

NG’ÄI KYAH 4:3

Saui anu hngaw naw a hta cu tengkhen ci, Cun ung phi kei ah chang gui cu khamyawk ah mäih ah ami hta gui ah khan ah m’ghämce ci gui nei.

MIKHAH 1:8

Cun kawn ah Mikhah naw, “A cun ah hmawk ah kei cu kyap ne ka m’lau khai, ka thüi ka m’dang nak ah ka khaw m’dawng awn ka ng’vaak khai. Kei cu sa ui ah mäih ah m’ou ne kha ah mäih ah ka ng’ging khai.

ISAIAH 14:23

Kei naw Babilon cu cüihnai ah ka lat khan, a cun ung pangpät gui om khai gui. Kei naw Babilon cu phaipheh awn ka pheik khai, cun naw avan phai yawp khai. Kei, m’gäi ciah Bawipa naw thu kä pyen nei.”

ISAIAH 34:14

ui gui la päng pät gui om khai gui. Khisa gui cu a cun ung Tula khai gui, khoshe gui phi ami mät ng’khükou tuk khai gui. Kwüpnule gui cu law u ne ami m’dünnak vai shui khai gui.

ZEPHANIAH 2:14

Cun ah hmun cu htawme gui, sei gui, khisa gui pang naw ng’baw nak khai gui. Pängpät kha gui cu a shet nak ung om u ne, khashe gui cu m’kawt ung m’lau khai gui. Cachit gui phi hlaak ung kai lawk khai gui. Im ami cawh nak ah k’peen gui phi hoce khai gui.