ISAIAH 13:2 - Cho Bible Common Language 2016

² Tai ciah m’htung lai ung ng’tuk nak alan cu tai vä! Ng’shei ciah mang gaw m’kawt gui tuk vai ah, ngami ah hmawk ah m’hnüt nak ah gakap gui m’lau ne nami kut shäng vä.

ISAIAH 13:2 Referans Kwoze

JEREMIAH 51:58

M’gäi ciah Babilon ah k’paang gui cu m’dek ung gawk khai ah gäi khai gui, ami täng hän m’kawt gui cu m’khih khai gui. Chang pakhui gui ah bilawh avan cu akholä ah kyak ci; Ngami ah k’tha nak gui cu meidäi ung maih ci. Kei, m’gäi ciah Bawipa naw ka pyen nei.”

ISAIAH 5:26

Bawipa naw m’hnüt nak m’dang ne, khosang ah om ciah pakhni gui khü gui khai. Ani naw khocawi ah ka gui ami law vai ah m’shük ne khü gui ci. Ngami cu ang ghit, ak yä ah shin ung lawk ci gui!

JEREMIAH 50:2

“Chang pakhui gui am ng’thu m’thein vä! Hmat sak gui vä! m’hnüt nak cu pe ne, ng’thu cu ng’shäu vä! Adüm ah kä nami gim vai nei! Babilon cu ng’kia pyi ci nei! A khanpughi Marduk cu ng’pyäuh pyi ci nei! Babilon ah agup gui cu thüi ng’aa ci gui nei, ani ah shemshai ciah agup gui cu deng pyi ci nei!

JEREMIAH 51:25

Babilonian nang cu khomdek khan avan m’di ciah khomhtung awn na täng ci. Cun ung phi kei, Bawipa cu nang ah ga ah ka kyak ci. Kei naw nang cu ning k’pang ne m’dek awn ka ning pingtei sak khai, m’vut ah ka ning kyak sak khai.

ISAIAH 10:32

Tuhngawi ga gui cu Nob gawnu ung om ci gui. A cun ung ngami naw Zion M’htung, Jerusalem mang gaw ung ami kut m’hnüm ne k’thüng ci gui.

ISAIAH 18:3

Khomdek khan ung om ciah chang nü naw ngai vä! Khomhtung gui ah alai ung m’düih ah m’hnüt nak ah alan cu teng vä! Phyungpuuk tum cu ngai vä!

ISAIAH 11:15

Bawipa naw Suez tuikhep cu ket sak ne, ani naw khaw aling ah khi sak ne Euphratis tuinu ket sak khai, tukhta lawng chih bang on ba sei, cahngpäng naw kat hlawt khai.

ISAIAH 11:12

Püipyang ciah Israel la Judah chang gui, khomdek khan khawkit phli ung ka, a law püi ba gui, atäng ah akbum ba gui amdang nak ah, Bawipa naw m’hnüt nak alan cu m’tho khai nei.

SAM 60:4

Nang ning chang m’sui ci gui cu nang naw m’cäi gui ci sei, Ngami cu didap nak ung phyawng ci gui nei.

ISAIAH 19:16

Egypt chang gui hnumi ah mäih ah ami ng’aa ca nak vai ah akhin gawk lawk ci nei. M’gäi ciah Bawipa naw ngami m’kyuk nak gui vai ah a kut shäng sei ami hmuh ah a kyak ung, ngami cu kyi ne ng’hlet khai gui nei.

ISAIAH 31:9

Ami mangbawi cu kyi ne dawng khai, ami bawi gui cu kyih aih u’ne, ami ng’tuk nakung alan gui cu nawng shüt khai gui.” Bawipa naw ng’thu pyen ci — Bawipa, Jerusalem ung ami khawihnah, ani ah mei cu khawihnah m’khih nak vai ah di ci nei.

JEREMIAH 50:41

“Chang gui cu asiip täng khopäng ungka lawk ci gui, ashou nak ah ka m’gäi ciah pakhui ah kyak ci; Ghangpughang gui akda cu ng’tuk vai ah pawng ci gui nei.

JEREMIAH 51:12

Babilonia k’paang tuk vai ah alan cu pe vä. Gaw ngäng ci gui khüighat sak vä! Ng’mah ne ng tuk khai gui tha gui vä!” cik ci. Bawipa naw Babilonia chang gui ah khan ah abi vai a pyen cu bik ci nei.