ISAIAH 13:19 - Cho Bible Common Language 2016

¹⁹ Babilonia cu khaw avan ung akiom pikbäih ah uknak khaw ah kiak; a cun ung chang gui awn ani cu khäghah ci. Cun ung phi kei, Bawipa naw Sodom la komorrah ah khan ah ka bi ah mäih ah Babilon cu ka m’di khai!

ISAIAH 13:19 Referans Kwoze

DANIEL 4:30

Ani naw, “Teng vä, Babilon cu a i hlawk ah dämduh ci ang! Ka huham, ka hlüngtai nak, ka bämang nak, ka m’gäi nak ka dang sak nak vai ah ka cawh ah mang gaw ne.”

ATÜNNAK 19:24

Bawipa naw Sodom la Komorrah ah khan ah yam mei k’däi cu khaw ah yuk aa sak ci.

ZEPHANIAH 2:9

Kei cu akcang ah ghing ciah Bawipa, Israel ah Khanpughi ah ka kyak ci, Moab la Ammon cu Sodom la Komorrah ah mäih ah kei naw ka m’di khai ah ka k’bäi ci. Ngami cu m’shi tui ah li nak, angtäi sei shekat nak la ng’hling ah phung nak ah kyak khai gui. Pawih ba cih ka chang gui naw ngami cu näng gui ne ami khaw phi khäm khai gui.”

AMOS 4:11

“Kei naw nangmi am shah gui cu ka ning m’di gui khai, Sodom la Komorrah ah mäih ah nangmi ungka pawih ba cicu mei k’däi ungka lak ah htung ciuh ah mäih ah kyak khai. Cun ung phi nangmi kei ah kä nami law ba ci” cine Bawipa naw pyen ci.

JEREMIAH 51:41

Babilon naw amawng Bawipa naw pyen ci: “Khomdek khan avan naw amtaan ah mang gaw cu tu ne khäm ci gui nei! Babilon cu changpakhui gui ah phäh ah kyihkyawk vai ah kya lawk ci nei.”

JEREMIAH 50:40

Kei naw ngami la apei yung ah gawnu gui ka m’di gui yah ung Sodom la komorrah khan ah kyak ciah mäih ah Babilon ah khan ah kyak khai nei. A cun ung angawi ah phi a u kä om ba khai nei. Kei, Bawipa naw ka pyen nei.

JEREMIAH 49:18

Cun gui la a pei ah gaw nu gui ami m’di law yah ung Sodom la Komorrah ah khan ah a kyak ah mäih ah Edom ah khan ah kya lawk khai nei. Cun ung a ngawi ah phi a u kä om ba khai nei. Kei, Bawipa naw ka pyen nei.

THULÄÄN NAK 29:23

Khaw lo gui cu käu ne maih khai la m’shi naw küm khai. A i geit na kä gah vai. Khumghaw phi cun ung kä pyou hlawt khai. Nami khaw cu Bawipa naw aknui ah amlungshe yah ung amdi ah Sodom la komorrah, Admah la Zeboiim mang gaw gui ah mäih ah kyak khai.

ROMAN 9:29

Cun kawn ah Isaiah naw, “Hlüngtai pi k’bäih ciah Khanpughi naw, mi pakhui kä a maih vai ah mi hta ng’shon gui cu kä a nam gein gui vaisü ung, mikmi cu Sodom la Komorrah ah mäih ah mi kyak khai süte,” cine a pyein ah mäih ah kyak ci.

THU PHLAAN 18:11

Sumlei ciah chang gui cun phi ami khawh khleih khai a u phi kä om ba sei, kyap ne thüi khai gui nei.

THU PHLAAN 18:19

Ngami cu m’vut kaw ne ami lu khan ah phyang u netah, “Cäicat aih vai, thüi sei aih vai kyak ci nei, hteihpaw k’ta, sumlei chang phung bämang sak ciah mang gaw cu nayi ät hta ah kyong ung di ne maih ci nei” cine kyap ne m’lau ci gui.

ATÜNNAK 19:25

Mang gaw goi la khaw ng’nawi avan, pigaw ung chang avan, la m’dek ung phung ghing ci phung avan di yawp ci.

ISAIAH 13:1

Shin cu Babilon ah amawng thu ah kyak ci, Cun cu Amoz ah hta Isaiah naw khanpughi ung ka a gah ah kyak ci.

ISAIAH 21:9

Ang ghit ah shin ung lawk ci gui nei! Se cun ciah chang gui, hnih ci hnih ci ah. Ngäng ci naw pyen lawkci, “Babilon cu zu ng’kia pyi ci nei! Ami khawihnah ah a gup gui avan cu hnget ne ng’kiam ne m’dek ung ng’zän ci gui nei.”

ISAIAH 47:5

Bawipa naw Babilon cu pyen nak ci, “Adüm ah a hmüp nak ung ngo ä; Ngami naw pakhui gui ah ghangpughang nu ah kä ning khü ba khai gui nei?

ISAIAH 48:14

“Nami van, ng’bum ne ngai law vä! Kei naw ka ghü ah chang naw Babilon cu tuk khai, Ani naw kei ah ng’yak hlü ah bik khai, ciah a i khanpughi phi kä ng’cängbang man ci nei.

JEREMIAH 25:12

Cun khawn ah Babilonia la a ghangpughang cu ami kat ah phäh ah kei naw ka m’kyuk gui khai. Kei naw cun ah khopäng cu m’di ne angtäi ah di khai ah ka nawng khai.

JEREMIAH 51:26

Na di nak ungka lung gui cu a i cawh kyan nak ung phi kä mang ba vai. Nang cu ngawu yä loung khong ah na kyak khai. Kei Bawipa naw ka pyen ci.

JEREMIAH 51:29

Khomdek cu ng’tum ne thüng ci, a i ah kyasei ci ung Bawipa naw Babilonia cu bung hmu, a u ah kä om nak ah kyak khai ah abi nak vai a law püi ah phäh ah kyak ci nei.

JEREMIAH 51:62

Cun kawn ah na taigü vai, ‘BAWIPA nang naw shin ah hmun na m’di khai ah na pyen ci, cun ah kyasei shin ah kyong ung a i ak ghingsei phi kä om ba sä, chang phi, khisa phi, cun cu ngawi yä bung ah kya sä.’