ISAIAH 13:18 - Cho Bible Common Language 2016

¹⁸ Ami li la ami m’la awn ngami naw chang nong gui cu ngawn khai gui. Ngami naw ami hta hta gui phi kä chihna khai gui, ak hmaw hta gui phi kä m’gein khai gui.

ISAIAH 13:18 Referans Kwoze

2 GHANGPUGHANG GUI 8:12

Elisha naw, “Saya aw, a i ah kyasei na kyah nei?” cik ci. Elisha naw, “Nang naw Israel chang gui hnungtuk püi ne kyih aih vai ah na bi law vai gui cu ka hmat ah phäh ah kyak ci nei” cik ci. Nang naw ami gaw pang gui cu m’khih ne, ami chang nong kyom pi gui cu ngawn ne, ami hmawhta gui cu m’dek teuh na ne ngawn gui ne, m’gäi ciah hnumi gui cu na yawih sak gui khai” cik ci.

2 SHONTÄP NAK 36:17

Cun ah kyasei Bawipa naw Babilonia ghangpughang khü ne a tuk sak ah kyak ci. Ghangpughang naw Judah chang nong gui ngawn gui ci, Taigüim ung phi ngawn gui ci. Ani naw, a hmaw, ang vai, hnumi pami, ak gaw ak gai, a u phi kä chimgein ci. Khanpughi naw ami van ani am a ap ah kyak ci.

HOSEA 13:16

Samaria cu kei ana hnungtuk püi ah phäh ah m’kyuk vai nei, a chang gui cu ng’tuk nak ung sik khai gui. Nausen hta gui m’dek vawih na gui khai gui, käumah ciah hnumi gui cu k’daai gui khai gui.”

EZEKIEL 9:10

Cun ung phi kei naw ngami kä ka m’gein gui khai: ngami naw chang hei gui ah khan ah ami bi ah mäih ah ngah mi ah khan ah kei naw ka bik khai.”

ISAIAH 13:16

Ngami naw am geinka ah kyasei ami hmuh gui ge ah ami hta hta gui cu sik khai ah m’hnoi gui khai gui, ami im gui cu gut gui khai gui, ami chu gui cu k’pyei gui khai gui.”

NAHUM 3:10

Cunung phi Thebes chang gui cu khaw ah Ak pung ah ami hteh püi gui nei. Lam m’hlawng päng ung ami hta gui cu sik khai ah ami thah gui nei. Ami ng’vai gui pha ne khit u sei Pha gui ci cui ah ng’lung ah püi pyang ci gui.

NAHUM 2:1

Nineveh, nang cu ning tu law pyi ci gui nei! Nang ning k’paai khai ah a huham cu gawk law pyi ci Ga k’täm nak vai pyang ä! Lam gui phi ngäng ä! Ng’tuk bi vai ah pawng ä!

SAM 127:3

Hta hmaw gui cu Khanpughi ah na m’cümhnah gui ah kyak ci; ngami cu hriham akcang ah kyak ci gui.

ISAIAH 5:28

Ami m’la gui cu ghat ne, ami li gui cu kah ghet vai kyak ci. Ami ng’se gui ah khopaw gui cu meikhatlung ah mäih ah liu ne, ami zatha-ping gui cu kuiphka ah mäih ah ng’tum ci.

ISAIAH 47:9

Cun ung phi, ashäng hta, hnüüp ät ung, cun gui avan cu kyak khai nei. Cecai nak gui avan na mang nak ah hnün ung Na cei la na hta gui cu maih khai gui nei.

JEREMIAH 5:16

Ngami ah likap gui cu m’gäi ciah gakap ah kya u ne, m’gei nak kä om sei ngawn phak ci gui.

JEREMIAH 6:23

Ngami naw ami lo gui la ami khim sem gui cu la ge ci gui; ngami cu m’ghämce u ne chingein nak kä om ci gui. Ngami cu ng’se gui ng’cum u ne tuinu ah ng’hmum ah mäih ah kyak ci gui. Ngami cu Jerusalem hnungtuk ne tuk ge vai ah kyak ci gui.”

JEREMIAH 18:21

Cun ung phi tuhbäi Bawipa ami hta nau gui cu ei ah cawi ne sih sak gui ä; ng’tuk nak ung ngawn sak gui ä. Hnumi gui ah ami cei gui la ami hta gui cu maih sak gui ä; pami gui cu natnak awn sih sak gui ä, chang nong gui cu ng’tuk nak ung ngaawn sak gui ä.

JEREMIAH 50:30

Cun ah kyasei ani ah chang hong gui cu mang gaw lam gui ung ngawn gui vai, ani ah gakap gui avan cu can ah hnüüpung m’di gui vai. Kei Bawipa naw ka pyen nei.

JEREMIAH 50:42

Ngami naw amili la khim cu lak ci gui; ngami m’ghämce ci gui, m’gein nak kä om ci. Tuinu ah ng’güüt ah mäih ah ami k’se gui ami ng’cum cu kyak ci. Ngami cu Babilonia hnungtuk ne ng’tuk ge vai ah om ci gui.

JEREMIAH 51:22

Pami gui la hnumi gui püi sak gui nak, aghi gui a hmaw gui hnim gui nak, pami htagui hnumi hta gui ngawn gui nak,

DANIEL 7:5

A hnih nak ah khiküi cu a hnu khaw awn ng’düi ciah khawm ah ma’ih ah kyak ci. Ani naw gangguh phe thum a haa ung m’kiam ci. K’aw tumat naw ani cu pyen nak ci, “Asa cu na ei hning hlawk ah na ei vai nei.”