ISAIAH 13:16 - Cho Bible Common Language 2016

¹⁶ Ngami naw am geinka ah kyasei ami hmuh gui ge ah ami hta hta gui cu sik khai ah m’hnoi gui khai gui, ami im gui cu gut gui khai gui, ami chu gui cu k’pyei gui khai gui.”

ISAIAH 13:16 Referans Kwoze

NAHUM 3:10

Cunung phi Thebes chang gui cu khaw ah Ak pung ah ami hteh püi gui nei. Lam m’hlawng päng ung ami hta gui cu sik khai ah ami thah gui nei. Ami ng’vai gui pha ne khit u sei Pha gui ci cui ah ng’lung ah püi pyang ci gui.

HOSEA 10:14

ng’tuk nak cu nami chang gui ah gawk law khai, Nami pigaw khäng gui avan cu di khai gui. Cun ah hnüüp cu ghangpughang shalman naw ng’tuk nak ung betharbel a mang gaw cu m’di ne, hnumi gui la ami hta nau gui güüt ne a ngawn gui ah mäih ah kyak ci.

ZEKHARIAH 14:2

Bawipa naw pakhui avan cu Jerusalem ung ng’tuk khai gui ah atäng ah law püi gui khai. Mang gaw cu khäm u ne, im gui cu gut tep u ne, hnumi gui cu phye k’pyei khai gui. Chang a cukchü cu pha ne dawng püi khai gui, a cuchü cu mang gaw ah k’pawih shüt khai gui.

NG’ÄI KYAH 5:11

Kami chu gui cu Zion m’htung a mät ung ami k’pyei gui nei. Judean pigaw päng ung kami hta hnumi gui cu, ami ng’kia vai ah ami k’tut gui nei.

ISAIAH 13:18

Ami li la ami m’la awn ngami naw chang nong gui cu ngawn khai gui. Ngami naw ami hta hta gui phi kä chihna khai gui, ak hmaw hta gui phi kä m’gein khai gui.

ISAIAH 14:21

Ngawn sih nak tuhbäi ng’tün sä! Ami pupa gui ah shekat ah phäh ah shin ah ghangpughang ah hta gui si u sä. A u naw phi khomdek kä uk khai gui, mang gaw kä uk khai gui.

ISAIAH 47:9

Cun ung phi, ashäng hta, hnüüp ät ung, cun gui avan cu kyak khai nei. Cecai nak gui avan na mang nak ah hnün ung Na cei la na hta gui cu maih khai gui nei.

JEREMIAH 51:22

Pami gui la hnumi gui püi sak gui nak, aghi gui a hmaw gui hnim gui nak, pami htagui hnumi hta gui ngawn gui nak,