ISAIAH 13:14 - Cho Bible Common Language 2016

¹⁴ “Babilon ung om ciah a khohei chang gui cu ami mät ah khaw ah dawng ba khai gui, sakap ah kut ung ka phyawng ne püi ciah kigang ah mäih, htoshäm kä om ciah htome ah mäih ah kyak khai gui.

ISAIAH 13:14 Referans Kwoze

1 GHANGPUGHANG GUI 22:17

Mikaiah naw, “Israel gakap gui cu khomhtung yung ah htoshäm kä om ciah htome gui ah mäih ah püi u sei kei naw ka hmuk ci nei. Cun ung Bawipa naw, “Shin ah chang gui cu ami ng’vai kä om ci nei, akding gei ah ami im ah hteh ba sak gui vä” cik ci.

JEREMIAH 50:16

Cun ah khaw ung m’shi kä phu en sak gui vä, geit phi kä khäm en sak ghi vä. Acun ung om tuk ciah akhawhei chang phung naw ng’tuk ciah gakap gui cu kyih u ne, ami im ah hteit ba khai gui nei.’

1 GHANGPUGHANG GUI 22:36

Khohni sip law hlü khäta Israel gakap phung ung ng’thu ng’shäu gawk lawk ci, “Achang päng cu amät ah kho la amät ah mang gaw ung hteit ba sä!”

JEREMIAH 51:9

Acu ah om tuk ciah akhohei changgui naw, “Kemi naw Babilonia cu bawm tu vai ah kami k’tha ci, cun ung phi ng’phlän pui ci nei. Tuhbäi nawng shüt ne mi im ah mi hteit ba khai nei. Khanpughi naw Babilonia cu ami gäi nak avan awn m’kyuk ne, m’di yawp ci nei.”

ISAIAH 47:15

Nang naw na ghin ah pum mung na täng pang sak gui ah ce cai gui ah m’cäi nak cu nang ah khan ah a cun ah kyak khai nei. Ngami ami van naw ning hteh ta u ne, ami hteh nak hlü phäh phäh ah htei khai gui nei, tumat phi nang ning hun khai kä pawih khai nei.”

ISAIAH 17:13

Chang pakhui gui cu tuinu ah ng’güüt ah mäih ah ma lam gawk lawk ci gui. Cun ung phi khanpughi naw k’ceet gui sei, ngami cu ng’hlat u ne, khokhi naw m’htung pem ung m’vut azon ah mäih ah, küiphak naw htang kou a zon ah mäih ah kyak ci gui.

MATTHE 9:36

Chang gui cu htoshäm kä om ciah htome gui ah mäih ah, ami ngaih u vai kä om sei, ami ng’ä ai cu hmuh gui netah, chang gui cu m’gein gui ci.

MAKUH 6:34

Bawipa Jesuh cu hleiko ung hang kai netah, chang khli cu hmu gui ci. Chang gui cu htoshäm kä om ciah hto gui ah mäih ah kia u sei m’gein gui netah, ng’Thu Ni akda cu pyein ne m’theithang gui ci.

1 PETER 2:25

Nangmi cu lam hma ne maih ciah htome ah mäih ah nami kyak ci, cun ung phi nami m’lung ning shum gui ciah Htoshäm ah ma ah nami gawk law ba pyi ci nei.

ISAIAH 21:15

Chang gui cu, ngawn gui ge khai ah khim ung ka, kaap gui ge khai ah lim’la ung ka, ng’tuk nak phung avan ung ka, phyawng khai gui ah dawng ci gui nei.

JEREMIAH 25:12

Cun khawn ah Babilonia la a ghangpughang cu ami kat ah phäh ah kei naw ka m’kyuk gui khai. Kei naw cun ah khopäng cu m’di ne angtäi ah di khai ah ka nawng khai.

NAHUM 3:18

Assirian ghangpughang, na bawi gui cu sik ci gui, na mang gui cu kä tho ba ne ip ci gui, na chang gui cu khomhtung ah püi yawp ci gui, ngami ami im ah law püi ba gui khai a u kä om ci.