ISAIAH 13:10 - Cho Bible Common Language 2016

¹⁰ Aisi gui la aba hta phlu gui kä ng’shü ba khai gui, hni a luh law ung hnüüp khai, cha phi kä dei ba khai.

ISAIAH 13:10 Referans Kwoze

MATTHE 24:29

“Cun ah yaica nak ah khin a gawk law kawn ah, acun vai-am hni mü ne hmüp khai, chaa phi kä khang ba khai, aisi gui phi khankho ah kaa kiawi ne kya law yawp khai gui. Khankho ah kumkü aisi gui ah lam cu ng’thawng yawp khai.

MAKUH 13:24

Zaica nak gui a gawk law kawn ah khohni cu mü ne hmüp khai, Cha phi kä vai ba khai.

JOEL 2:31

Khohni hmüp khai, cha cu si ah ng’hlat ne sen khai cun cu dämduh ne kyih vai kyak ciah Bawipa ah hnüüp kä a gawk law pha ung ah kyak khai.

THU PHLAAN 8:12

Akphli nak ah khankho chang naw ak phyungheng cu tum khätah, hni ah bumthum bum ät, chaa ah bumthum bum ät, aisi gui ah bumthum bum ät, cu ng’yiin yawp sei, ami dei nak ah bumthum bum ät cu ng’heiu yawp ci. Mü ah bumthum bum ät, hnüüp ah bumthum bum ät ung akdei kä om ba ci.

LUKA 21:25

“Hni cha aisi gui ung cäicat vai gui dang lawk khai. Khomdek khan ah chang gui cu tuinu ah ng’hnawk ng’ya ne cäicat khai gui.

JOEL 3:15

Hni la cha hmüp yawp ci, aisi gui kä khang ba ci.

ISAIAH 5:30

Cun ah hnüüp a gawk law ung, ngami cu Israel ah khan ah tuinu ah ng’güüt hlawk ah m’lau khai gui. Shinah khaw cu teng vä! Mü hmüp la geinvai nak ah kya ci! Akdei cu mü hmüp naw m’zaw ci nei.

JOEL 2:10

Ngami ah ma ung khomdek thüng ne, khomik ng’tum ci. Hni la cha mü ne hmüp ci, aisi gui kä khang ba ci gui.

ISAIAH 24:23

M’gäi ciah Bawipa cu ghangpughang ah kya lawk khai kya sei, cha cu hmüp ne, hni cu kä khang ba khai nei. Ani naw zim m’htungung ka naw Jerusalem cu uk khai, chang gui ah ami ng’vai naw a bämang nak cu hmuk khai gui.

ISAIAH 24:21

Akhan ung huham gui la khomdek uktu gui Bawipa naw am kyuk nak gui vai ah akhin cu gawk lawk ci nei.

LAMKTU 2:20

Hngi yin mü seih kho hnüüp khai, cha si ng’hlui ah ng’lat neh sen khai, Hlüng tai neh bä khäk ciah Bawipa ah kyum law nak vai ah hnüüp kä ah gawk law pha ung cun gui cu küm lawk khai.

JOB 9:7

Ani naw khohni cu kä a luh law vai la, aisi gui cu khomü ah kä mi khang vai ah m’khit näng ci.

THUSHÄUTU 12:2

Cun yah ung nangmi ah hmawk ah ng’hni ci, cha ni, aisi gui ni ah akdei cu hmüüp lawk khai, khongmei gui phi kä maih hlawt khai.

ISAIAH 47:5

Bawipa naw Babilon cu pyen nak ci, “Adüm ah a hmüp nak ung ngo ä; Ngami naw pakhui gui ah ghangpughang nu ah kä ning khü ba khai gui nei?

ISAIAH 50:3

Sik ciah phäh ah chang athüi ah mäih ah khomik cu hmüp khai ah ka bi hning ci. Bawipa ah changshäm naw ng’thu ang ngaih nak.

AMOS 5:20

Bawipa ah hnüüp naw hmüp khui law püi khai, akdei kä law püi khai. Cun cu m’thaan nu ah kyak khai, api ah phi kä dei khai.

NAHUM 1:8

Tuinu ng’güüt ne khaw akhi ah mäih ah aga gui cu m’di gui yawp ci. Ani hnungtuk püi ci gui ah khan ah ami sih nak vai yuk chah lawk ci.

ZEKHARIAH 14:6

Cun yah ung khaw akhiing nak, khüi ah toi nak kä om ba khai.