Shin ah ca-uk ung Judah la Jerusalem ah mawng Khanpughi naw Amoz ah hta Isaiah am ng’thu am than cu guk ah kyak ci, cun cu Judah ghangpughang Uzziah, Jotham, Ahaz la Hezekiah gui ah khin ah kyak ci.
Babilonia cu khaw avan ung akiom pikbäih ah uknak khaw ah kiak; a cun ung chang gui awn ani cu khäghah ci. Cun ung phi kei, Bawipa naw Sodom la komorrah ah khan ah ka bi ah mäih ah Babilon cu ka m’di khai!
Kei uktu Bawipa naw ka pyen nak gui cu m’thein gui ä. Shinah ng’thu cu Jerusalem ung uk ciah mang hta la acun ung om ciah chang avan ah phäh ah kyak ci nei.
Cun ah a kyak law ung, htek ciah sing hmui cu längbang law ne kiuk khai. Cun cu a cun ung bah gui nü ah ang pyi nak ah kyak khai.” Ci ne Bawipa naw pyen ci.
Shin cu muimang khaw ng’nawi ah mawng thum khäh ah kyak ci. A i ang a kiak? A i ah kya sei, mang gaw ung chang gui ami van nau im gui ah akcih khan ung pawi ami bi ang?
Shin cu Arabia ah mawng thumkhäh ah kya ci. Sing ah kä ghing nak Arabia khaw ung phung tu ne sumlei ne ng’hle-zatha awn ng’düm ciah nangmi Dedan chang gui.
Shin cu Egypt ah mawng thum’khäh ah kyak ci. Bawipa cu khongmei akyäpah ng cun ne Egypt ah lawk ci nei. Egypt gui ah amiagup gui cu ama ah ng’hlet ci gui, Egypt chang gui ami thagui maih ci.
Shin cu Israel gui ah mawng Bawipa ah ng’thu ah kyak ci. Cun ah Bawipa cu khawmik küm ne, khomdek tüi sho ne, chang am ghin nak pek ciah kyak ci. Ani naw,
Akhnih nak ah khankho chang naw a hnu ah läk law netah, “Babilon gawnu di pyi ci nei! Di pyi ci nei! Ani naw ng’yaw ng’pawm nak ah kyak ciah yu cu chang ah hta avan-am tu pyi ci nei!” cine pyen ci.
Jehu naw bawm ciah Bikan am, “A pumsa cu la ne, Naboth khomdek ung yuk chah vä. Nang la kei naw k’se ni ng’cum ne ghangpughang Joram ah pa Ahab ah a hnu ah ni om yah ung Bawipa naw Ahab hnungtuk ne a pyen ah ng’thu gui cu na shüm vai nei:
Taigüim ah ma ah ami tha ah thei vawh goi cu Bawipa naw na m’hnuh ci. (Shin cu Babilonia ghangpughang Nebukhadnezzar naw Judah ghangpughang Jehoiakim ah hta Jehoiachin cu pha ne Jerusalem ah ka Babilonia ah, Judah ng’vai gui, shep pyang ci gui la bii k’bi gui mah ah a hteh püi gui kawn ah kyak ci.)
Caupui, ka la nangmi ah khin ah kä a kyak pha ung prophet gui naw ng’thu pyen ne ami ng’cäbang cu, ng’tuknak, ei cawi nak la gawpyam nak gui cu changpakhui akda la huham mak ciah uktu khaw gui al khan ah gawk lawk khai, ciah kyak ci.
Nangmi naw nami pyen khai, keimi cu kami thangshe sei kami thui ng’aa ci nei; keimi na bawm gui khai kä om sei kami yai ci nei, a i ah kyasei ci ung Taigüim kyong ah a Theingcim nak ah hmun cu a khohei chang gui naw la pyi ci gui nei.