ISAIAH 12:6 - Cho Bible Common Language 2016

⁶ Zion ung om ciah chang pang cu m’lau ne ng’ai sak vä! Israel ah theing cim ciah khanpughi cu dämduh ci nei, ani cu a chang gui ah ng’lung ah om ci nei.”

ISAIAH 12:6 Referans Kwoze

ZEKHARIAH 2:5

Bawipa amät naw shai ataak cu, ani a mät cu mei-k’paang ah kyak ci, mang gaw veing ne shungvong ciah kya ne, acun ung a bämang nak avan awn angtäi ah om khai, ciah kyak ci.”

SAM 9:11

Zion kho ung uk ciah Bawipa am ng’äi m’cu vä! Ani ah bi lawh ah mawng cu pakhui päng-am’thein vä!

ISAIAH 41:14

Bawipa naw pyen ci, “Israel gui, nangmi nami zaw ken pang ung phi, kä nami kyihkyawk vai nei, kaning m’htei gui khai nei. Kei, Theingcim ciah Israel khanpughi cu nangmi ning hun gui ciah ka kyak ci nei.

EZEKIEL 48:35

Mang gaw ah akit phli ah paang avan ah ng’dawn ang ng’shäi cu, metre phia kaw-kip lawk ci. Tuhbäi ungka naw ngawi yä mang gaw ah ming cu, “Shin ung Bawipa om ci” ciah kyak ci.

ISAIAH 54:1

Jerusalem, nang cu a hta kä om ciah hnumi ah mäih ah na kya te ci, cun ung phi tuhbäi ng’äi m’cu ne, yei ne na m’lau hning ci. Tuhbäi nang cu, a cei naw kä a hteh tak phung ah hnumi ah ta da pi ciah htanau na gah khai nei!

ISAIAH 41:16

Nangmi naw khokhi ung nami m’shon gui khai; khokhi naw zon gui khai, khokhinu naw k’püipawng gui khai. Cun kawn ah nangmi cu nami yeikyai khai, a i ah kyasei ci ung kei cu nami na khanpughi ah kyak ci; Israel gui ah theingcim ciah khanpughi, kei cu nami na m’tam khah khai.

ISAIAH 40:9

Jerusalem, m’htung hlüng ah hang kai ne, thuni cu ng’shäu ä! Zion, ak’aw ng’shan awn ng’khü ä; thuni cu ng’shäu ä! Ng’thu ä, kä kyi en ä. Judah khaw ung ami gawnu gui m’thein gui vä, ami khanpughi law sang ci nei!

SAM 71:22

Kei naw akcang ah tingtäng tum ne ka ning m’taam khai; ka Khanpughi, na bekhüt nak ka m’taam khai. Israel gui ah a theing pi, tingtäng tum ne, ng’äi m’cu ne ka ning m’taam khai.

ZEPHANIAH 2:5

Tuikem ah om ciah Philistin gui, nangmi cu nami ng’yiin ci. Bawipa naw ning m’kyuk gui ci. Ani naw ning m’di gui yawp khai, a u phi kä nami k’pawih ba khai.

EZEKIEL 43:7

“Hnicim chang, shin cu kei ah mangkiang nei. Kei cu shin ung Israel chang gui ah ng’lung ah ka om khai, angtäi sei ka uk gui khai. Israel chang gui, käcung ami ghangpughang gui naw a hei khanpughi gui ami khawihnah nak la shin ah hmun ung ami ghangpughang gui ah gook gui ami phuh nak awn, kei ah theingcim ciah ming cu ka thui aa ba sak khai gui.

ISAIAH 49:26

Nangmi ning zawshe na gui ci cu, ami mät ng’ngawn tuk khai gui ah ka ci gui khai nei; Ngami naw ami mät ah si cu zu ah mäih ah awk tat khai gui nei. Hnicim chang avan naw kei cu, ning hun gui ne, ning m’hlawt gui ciah Bawipa ah hmat khai nei. Ngami naw, kei cu Israel gui ah huham ah ciah khanpughi ah na hmat khai gui nei.”

ISAIAH 33:24

Mi khaw ung om ciah chang tumat naw phi, gawpyam ciah pyen ne ng’thu kä m’da ba phung khai, katnak avan cu m’gein sei nak om khai.

ISAIAH 30:19

Nangmi Jerusalem ung om ciah chang gui kä nami kyap ba khai. Bawipa naw ning geng khen gui ci, aning m’htei gui vai ah nami kyah ung ning m’shang gui khai nei.

ISAIAH 24:23

M’gäi ciah Bawipa cu ghangpughang ah kya lawk khai kya sei, cha cu hmüp ne, hni cu kä khang ba khai nei. Ani naw zim m’htungung ka naw Jerusalem cu uk khai, chang gui ah ami ng’vai naw a bämang nak cu hmuk khai gui.

ISAIAH 10:24

Uktu Bawipa m’gäi ci naw Zion ung om ciah a chang am a pyen nak cu, “Egypt chang gui ah mäih ah kya ne ami ning yoshe nak gui ung phi, Assirian gui cu kä nami kyih en gui vai.

ISAIAH 8:18

Shin ung kei cu Bawipa naw ana pek ah ak hmaw gui awn atäng ah ka om ci nei. M’gäi ciah Bawipa, Zien m’htung ung among kyang om ci naw, Israel chang gui am, ghing ciah thu.

SAM 132:14

“Shin cu kei naw ka om nak lä vai ah kyak ci; Shin cu kei naw ka uk nak hlü ah kyak ci.

SAM 89:18

O Bawipa, nang naw kami ng’shung nak na na ghü pe gui ci; Nang, Theingcim ciah Israel Khanpughi naw kami ghangpughang na na pe gui ci.

SAM 68:16

Nami hlüngtai nak awn a i ah kyasei, Khanpughi naw a om nak vai ah a ghü ah m’htung cu nami gheet taap ang? Bawipa cu acun ung angtäi ah om khai nei!

SAM 46:5

Khanpughi cu cun ah mang gaw ung om ci, cun ah gaw cu kä di phung khai; kho ngawi hta ung, ani naw law ne m’htei gui khai.

SAM 99:2

Bawipa cu Zion m’htung ung hang tai ne, pakhui van ah khan ah hlüngtai ci nei.

ISAIAH 1:24

Cun ah kya tuhbäi, m’gai ciah Bawipa, huham mah ciah Israel khanpughi ah a pyen cu ngai vä: “Nangmi ah khan ah phu ka tuk khai nei, ka ga gui ta nangmi naw, kei a i ah kä nami na ci tuba hlawt khai.

ISAIAH 24:14

K’pawih ci gui naw yei nak ng’äi m’cu khai gui. Akhei tang ah om ci gui naw Bawipa a i hlawk ah adämduh cu pyen khai gui nei.

ISAIAH 60:16

Anu naw a hta am htei ah mäih ah chang pakhui gui la ghangpughang gui naw ning m’htei khai gui. Kei, Bawipa naw ka ning hun la Israel gui ah m’gäi ah m’gäi ciah khanpughi naw aning m’hlawt cu, nang naw na hmat khai.

JEREMIAH 10:6

Bawipa, nang ah mäih a u phi kä om ci; nang cu na m’gäi ci, nang ah ming cu dämduh ne huham mah ci.

EZEKIEL 35:10

“Kei, Bawipa cu ngami ah Khanpughi ah kya lang ngäsei, nang naw pakhui gui Judah la Israel cu ami khaw mah ah na kaa ah na pyen ci, na khäm gui khai ah na pyen ci.

EZEKIEL 39:7

Ka chang gui Israel gui naw ka ming theing ami hmat vai ah akcang ah ka bik khai, kei naw ka ming cu kä ka lü ng’aa ba sak khai. Cun ung, chang pakhui gui naw kei cu Bawipa, Israel ah Theingcim ciah Khanpughi ah na hmat khai gui.”

EZEKIEL 48:8

Shin tawi lawk ciah khobung cu aktung pi ah mang vai ah kyak ci. Cun cu asiip ung ka naw a htum ah kilometre gha lei goi la avang ng’shawng ci, ak kyang täng ungka naw akhei täng cu pakhui gui am peit gui güt lawk ci. Taigüim cu shin ah khobung ung om khai.

HOSEA 11:9

Kei naw ka m’lungshe nak awn kä ka ning m’kyuk gui khai. Kei naw Israel gui cu kä ka m’di ba gui khai. Kei cu Khanpughi ah ka kyak ci, chang ah kä ka kyak ci. Kei, theingcim ci naw ka ning om püi gui ci. Kei naw m’lungshe nak awn nangmi ah kä ka law ba khai.

KHEI NAK 23:21

Kei naw Israel gui ah ma lam mawngma cu ka hmu pyi ci. Ani naw thang she nak la khüikha nak kä pe gui khai. Bawipa ami Khanpughi cu ngami awn om ci. Ani cu ami ghangpughang ah a kyak ah mawng ngami naw ng’shäu ci gui.

THULÄÄN NAK 23:15

“Changshäm tumat cu chang nak ci ungka dawng ne nami shungvong vai ah a law ah a kyak ung, kä nami hlawt ba vai.

SAM 135:21

Zion m’htung la Jerusalem mang gaw a im ung, Bawipa cu m’tam vä. Haleluyah. Bawipa cu m’tam vä!

ISAIAH 33:21

Bawipa naw a bäimang nak cu na m’hnuh gui khai nei mikmi cu tuinu ng’shawng tuihta gui ah pein ung mi om khai, cun ung phi ga gui ah htinpaw cu cun ung kä hteit khai

JOEL 2:27

Israel chang gui, nami lung ah ka om cu, nangmi naw nami hmat khai kei cu Bawipa nami Khanpughi ah ka kyak ci, ahei Khanpughi kä om ci. Ka chang gui cu a u naw kä päipih ba gui khai nei.

ZEKHARIAH 2:9

“Bawipa amät naw nangmi cu ning ng’tuk püi gui khai, nami changshäm man naw nangmi cu ning m’di gui khai.” Shin gui a kyak awn ah, M’gäi ciah Bawipa naw, kei cu ana tüih law ah chang päng naw hmat lawk khai nei.