ISAIAH 12:4 - Cho Bible Common Language 2016

⁴ Chang gui naw ng’äi ami mku nak vaiah hnüüp cu gawk lawk ci nei. “Bawipa cu m’hlüngtai vä! Na m’htei gui khai ah ani cu khü vä! Ani naw abilawh gui cu chang pakhui avan am m’thein vai! Ani a i hlawk ah a dämduh cu m’thein gui vä!

ISAIAH 12:4 Referans Kwoze

SAM 105:1

Bawipa cu m’hlüngtai vä, A dämduh nak cu ng’shäu vä; changpakhui van am ani ah bi cu m’thein ä.

1 SHONTÄP NAK 29:11

Nang cu dämduh ne, huham mah ne, bämang ne, chünla ne, m’gää ciah na kyak ci. Khankho la khomdek ung avan nünü cu nang ah ka ah kyak ci nei, nang cu ghangpughang, avan ah khan ah m’gääi ciah uktu ah na kyak ci.

ISAIAH 25:1

Bawipa, Nang cu ka ning khanpughi nei; kei naw ning chang m’sui ne na ming ka m’taam khai nei. Nang naw cäi vai gui na bik ci nei; Nang naw cäupui na m’hnüthbäi gui cu bekhüt ne na bi pyi ci nei.

JOHAN 17:26

Nang ah na peit ah m’hni nak cu ngami ung a om vai la kei cu ngami ah m’lung kyong ung ka om vai ah, nang ah na mawng cu ngami-am ka hmat sak gui pyi ci, a ngawi ah phi ka hmat sak ba gui lä khai nei” cik ci.

JEREMIAH 50:2

“Chang pakhui gui am ng’thu m’thein vä! Hmat sak gui vä! m’hnüt nak cu pe ne, ng’thu cu ng’shäu vä! Adüm ah kä nami gim vai nei! Babilon cu ng’kia pyi ci nei! A khanpughi Marduk cu ng’pyäuh pyi ci nei! Babilon ah agup gui cu thüi ng’aa ci gui nei, ani ah shemshai ciah agup gui cu deng pyi ci nei!

SAM 57:5

O Khanpughi, na dämduh nak cu khomik ung m’dang ä, na bäimang nak cu m’dek khan avan ung be sä.

SAM 18:46

Bawipa cu ghing ne om ci kyasei, kei ah ka ng’shung nak cu hlüngtai sä! Na hun ciah Khanpughi ah bämang nak cu ng’shäu vä.

NEHEMIAH 9:5

Shin ah Levit gui naw khawihnah vai ah ng’khü ci gui: Jeshua, Kadmiela, Bani, Hashabniah, Sherebiah, Hodiah, Shebaniah, la Pethahiah. Ngami naw: Ng’düi law ne, Bawipa nami Khanpughi cu m’hlümtai vä; Khonglän ung ani cu m’hlümtai vä! Hnicim chang naw m’hlümtai khin vai ah kä m’hlümtai hlawt ung phi, a bämang nak ah ming cu chang nü naw m’hlümtai sä.”

PHYAWN NAK 33:19

Bawipa naw, “Kei naw ka bäkhäk nak avan cu na ma ah ka hteh sak khai, ka ming theing cu na ma ah ka ng’shäu khai. Kei cu Bawipa nei, ka ghü ah chang am ka m’gein nak la ka m’hni nak cu ka m’dang khai nei.

PHYAWN NAK 15:2

Bawipa cu khäng ciah ka ng’yii nak, ani cu kei na hun ciah kyak ci; Ani cu ka Khanpughi, kei naw ka m’taam khai, Kapa ah Khanpughi, kei naw ani ah dämduh ah mawng ng’äi ka m’cu khai.

ISAIAH 66:19

Cun khawn ah ngami m’kyuk gui cicu kei ah kyak phi hmat khai gui nei. “Cun ung phi kei naw amshah k’pai gui ne, kei ah ka huham la ka dämduh nak kä hmu man i gui la keiah ka mingthang nak kä ng’ya man ci gui ah pakhui gui la asho nak kho gui ah ka gui cu ka tüi gui khai: cun gui cu Sapin, Libia, la lidia-li kap akni gui ah om nak, Tubal la Kreece ah kyak ci. Shin ah pakhni gui ah ng’lung ah ngami naw kei ah dämduh nak cu shän kahi gui.

ISAIAH 33:5

Bawipa a i hlawk ah dämduh ci ang! Ani naw apängnü ah khan ah uk ci nei. Ani naw Jerusalem cu taga nak la bekhe nak awn besak ne,

ISAIAH 24:15

Ak kyang tang ung om ci gui naw ani cu m’taam khai gui nei. Tuinu ah yung ung om ci gui naw Bawipa, Israel khanpughi cu m’taam khai gui nei.

ISAIAH 12:1

Chang gui naw ng’äi ami m’cu nak vai ah hnüüp cu gawk lawk ci nei, “Ka ning m’tam ci nei, BAWIPA! Nang cu kei ah khan ah na m’lungshe te ci, Cun ung phi tuhbäi, kei na na shungvong ci, nang kä na m’lungshe ba ci nei.

ISAIAH 2:17

Chang k’am nak gui cu ng’pyi ne, chang ah ng’shei nak gui cu di yawp khai. A cu hnüüp ung a gup gui cu api ah phi kä ng’dang ba khai gui, Bawipa amät bäng m’hlüng tai nak om khai.

ISAIAH 2:11

Chang k’om nak ah khin ang pyi nak vai la chang ah ng’shei nak a dishum nak vai aha hnüüp cu gawk lawk ci nei. Bawipa amät bäng cu m’hlüngtai nak om khai net.

SAM 113:5

Mi Khanpughi, Bawipa ah mäih ah a u kä om ci. Ani cu a hlüngtai gui ah khan ah om ci,

SAM 107:22

Ngami naw yeikyai ne vawih peh u ne, ani ah bi gui avan cu yei nak ng’äi awn pyen u sä.

SAM 97:9

M’gäi ciah Bawipa, nang cu khomdek avan uktu ah na kyak ci; Nang cu khanpughi gui avan nata, akdäm na hlüngtai pi ci nei.

SAM 96:3

Abäimang nak cu pakhui van am m’thein ne, m’gäi ne a hnün thawh nak cu chang van ung ng’shäu vä.

SAM 73:28

Cun ung phi kei ah hmawk läi ah, Khanpughi awn ng’et ne, uk ciah Bawipa shungvong nak hmu ne, ani ah bi phung ng’shäu cu cäcat vai ah kyak ci nei!

SAM 46:10

Ani naw, “Ng’tuk nak ung düm vä, kei cu Khanpughi ah na hmat vä, changpakhui gui ah khan ah ka hlüngtai ci, khomdek khan nüng ung ka hlüngtai ci.

SAM 40:5

O Bawipa, kami Khanpughi, Nang naw keimi ah khan ah akda na bi ci nei; Nang ah mäih a u kä om ci nei; Kei naw khei ne kä ka pyen hlawk yawp vai ah, cun gui cu da aih ci nei.

SAM 34:3

Kei awn atäng ah Bawipa ah küi kyang nak cu ng’shäu vä; Aming cu atäng ah mi m’tam khai ne.

SAM 22:31

“Bawipa naw ak chang gui hun gui ci” ci cu, kä ng’tüi phak ci gui-am phi m’thein gui khai gui.

SAM 21:13

Bawipa, ghaa ciah na thagui ah hmawk ah kami ning m’hlüngtai ci nei! Keimi naw ng’äi m’cu ne, na hlüngtai nak cu kami m’taam ci.

SAM 9:11

Zion kho ung uk ciah Bawipa am ng’äi m’cu vä! Ani ah bi lawh ah mawng cu pakhui päng-am’thein vä!

1 SHONTÄP NAK 16:8

Bawipa cu yei na vä, a dämduh nak cu ng’shäu vä, Ani ah bilawh gui cu chang pakhui gui am m’thein vä.

SAM 148:13

Bawipa ah ming cu avan naw m’tam u sä! Ani ah ming cu avan ah däm pi ci nei; A bäimang nak cu khomdek la khankho ah khan ung ah khan ungom ci nei.

ISAIAH 26:8

Nang ah ng’yak hlü cu kami läk ci nei, nang ung ngaih u nak kami tak ci nei; keimi ah ng’yak hlü avan cu nang ah kyak ci nei.

ISAIAH 42:12

A khawsho nak ah khaw ungom ci gui Bawipa cu m’tam vä, abäi mang m’dang vä!

ISAIAH 48:20

Babilon ung ka hteit vä, phyawng vä! “Bawipa naw a changshäm Israel cu hun pyi ci nei” ci ne, yei ne m’lau vä, kho ng’nü ung hmat sak vä!”

MALAKHI 1:11

Vang khaw cawi ungka naw vang khaw cawi ung khüt ciah chang gui naw na m’taam ci gui. A hmun päng ung ang ui gui m’khih u ne, dou thei vai ah khawihnah ci gui. Ami van naw na m’taam ci gui!

SAM 68:5

Theingcim ciah Taigüim ung om ciah Khanpughi naw hmei hta gui cu tengkhen gui ne, hmeinu gui cu m’hteihtang gui ci.