ISAIAH 12:2 - Cho Bible Common Language 2016

² Khanpughi cu kei ah hunbawi nei, kei naw ani ka ngaih u khai, kä ka kyik khai, Bawipa naw huham la k’thagui na pek ci; Ani cu kei ah hunbawi nei.

ISAIAH 12:2 Referans Kwoze

PHYAWN NAK 15:2

Bawipa cu khäng ciah ka ng’yii nak, ani cu kei na hun ciah kyak ci; Ani cu ka Khanpughi, kei naw ka m’taam khai, Kapa ah Khanpughi, kei naw ani ah dämduh ah mawng ng’äi ka m’cu khai.

SAM 27:1

Bawipa cu kei ah kak dei la kei na hun ciah kyak ci; a i phi kä ka kyih khai. Bawipa naw kyihshe nak phung ung na shung vong ci, kei a i phi kä ka kyih phung khai.

SAM 118:14

Bawipa naw na huham mah sak ne, na k’thamah sak ci, Ani naw na hun ci.

THU PHLAAN 7:10

Ngami naw, “Hun nak cu mangkiaang ung gok ciah mi Khanpughi la Htomehta ungka lawk ci nei” cine m’lau ci gui.

JONAH 2:9

Cun ung phi kei naw ng’äi ne ka ning m’tam khai nei; Khawihnah nak ka ning douthak khai nei, ka shaitak ah mäih ah ka bik khai nei. Hun nak cu Bawipa ungka lawk ci nei!”

ISAIAH 45:17

Cun ung phi Israel cu Bawipa naw hun ci nei, ani ah näng nak cu ngawi yä om khai nei; ani ah chang gui cu kä thui hmai phung khai gui nei.”

JEREMIAH 23:6

Ani ghangpughang ah a kyak law ung Judah chang gui cu phyawng khai gui, Israel chang gui cu dimdeeih nak ung om khai gui. Ani cu “Ani cu Bawipa mi hun bawi” ah khü khai gui.”

JEREMIAH 3:23

Khomhtung khan ah khungzo kami khawihnah ah phäh ah keimi a i naw kä na m’htei gui ci nei. Israel gui m’htei gui cicu Bawipa kami khanpughi bäng ung ka lawk ci nei.

SAM 83:18

Nang bäng Bawipa ah na kyak la khomdek khan avan ung m’gäi ciah uktu ah na kyak cu hmat tu u sä.

1 TIMOTHI 3:16

Mikmi ah yum nak ah küikyang nak cu a u naw kä hüüngtaa hlawt khai nei, cun ah mawng cu: Bawipa cu chang ah müi ah ng’tüi ne kyum lawk ci nei, Ani ah theingciim nak cu Mumcha naw m’dang pyi ci nei, Khan chang gui naw phi hmu pyi ci gui nei, Ani ah mawng cu kho nüng ung shäu pyi ci gui nei, M’dek ah khan ung chang gui naw phi Ani cu yum pyi ci gui nei, Ani cu khankho ah hang kai ba pyi ci nei.

ROMAN 1:16

Kei cu Thu Ni ung kam lung üp ngaih gep ci; cun ah Thu Ni cu yum ci gui ah, Jew chang gui la changpakhui hei gui cu, a hun nak ah Khanpughi ah hlüngtai nak ah kya ci.

HOSEA 1:7

Cun ung phi Judah chang gui ah khan ah kei naw ka m’hni nak ka m’dang khai. Kei, Bawipa ami na Khanpughi naw, ka hun gui khai, cun ung phi ng’tuk nak — Khim, li, m’la la ng’se ng’cum ciah chang gui awn kä ka bik khai.”

ISAIAH 62:11

Bawipa naw khomdek khan avan ung ng’thu ng’shäu ci nei: “Bawipa naw ning hun gui khai ah lawk ci nei, cine Jerusalem chang gui am m’thein gui vä. Ani naw a gun ah chang gui cu, amät awn atäng ah law püi gui vä.”

ISAIAH 32:2

Ngami tumat ci cu, khokhi ung ng’shung nak, puikhokhi ung ng’thuh nak ah hmun ah kyak khai gui nei. Ngami cu khong gau kho ung long tui ah mäih, ng’kiangma kho ung om ciah lung k’pou nu ah ang hnim ah mäih ah kyak khai gui nei.

ISAIAH 7:14

Bä khai, Bawipa amät naw m’hnüt nak ning pek khai: hmumihta cu käu mah ne pamihta ah hta lawk khai, aming cu ‘Immanuel’ ah sui khai gui.

1 SAMUEL 2:1

Hannah taigü ci; “Bawipa naw ka m’lung cu yei nak awn be sak ci; Ani ah bi ah phäh ah ka yeikyai aih ci nei! Ka gaa gui cu ka gaih tu gui ci; Ka yei aih ci nei, Khanpughi naw na m’htei sei!

JOB 13:16

Ka ling m’gäi nak naw kei cu na hun nei hngaw khai nei. A u changshe naw phi Khanpughi cu kä ng’awt püi dat man ci nei.

SAM 112:8

Ani cu kä ng’ä ci, kä kyik ci; Ani naw a ga gui ah dimaih cu hmu gui ci.

ISAIAH 10:24

Uktu Bawipa m’gäi ci naw Zion ung om ciah a chang am a pyen nak cu, “Egypt chang gui ah mäih ah kya ne ami ning yoshe nak gui ung phi, Assirian gui cu kä nami kyih en gui vai.

ISAIAH 17:10

Israel, nang ning guang ne, lung k’pou nu ah mäih ah kya ne ning shungvong ciah khanpughi cu na m’hnih ci nei. Cun nak vaisü ung a khohei chang gui ah khanpughi khawihnah nak vai ah sing ghing theing na geit ci nei.

ISAIAH 27:5

Cun ung phi ka chang gui ah ami ga gui naw, kei ah shungvong nak ami m’hni al a kyak ung, kei awn dimdeeih nak bi sak gui vä. Ä, kei awn dimdeeih nak bi sak gui vä.”

ISAIAH 49:5

Kei kä ka ng’tüi pha ung Bawipa naw na m’düih pyi ci; A chang gui ka law püi ba khai ah ani naw a changshäm ah na pyang ci, püi pyang ciah Israel chang gui ka law püi ba gui khai. Bawipa naw m’tamkhah nak na pek ci; Ani cu ka thamah nak ah ang yung ah kyak ci.

ISAIAH 50:10

Bawipa m’tamkhah ci gui, a changshäm ah ng’thu läk ci gui avan, nami hteh nak ah lam cu akcang ah hmüp khai nei. Cun ung phi Bawipa ung ng’ap vä, khanpughi ung khäng hteh vä.

ISAIAH 61:10

Bawipa naw bi a bi ah phäh ah Jerusalem cu yeikyai ci nei. Ani cu ceimah lawk khai ah ng’lami hta ng’sui ng’sak ciah mäih ah kyak ci nei. Khanpughi naw ani cu hun nak la näng nak suisak sak ci nei.

ISAIAH 65:18

Kei naw ka tüisho ah mawng ung angtäi sei yeikyai vä. Kei naw ka tüisho ah Jerusalem k’thai cu zeikiak nak awn be khai, ani ah chang gui cu yei kiai khai gui.

DANIEL 3:28

Ghangpughang naw, “Shadrak, Meshak la Abedneko ah Khanpughi cu m’hlüngtai vai ani naw a khanchang tüi law ne, ani ah bii bi ne, ani ung ng’ap ciah shin ah chang gui cu gung gui ci nei. Ngami naw kei ah thu ka ngai u ne, ami mät ah Khanpughi ah kawn ah, ahei khanpughi khawihnah ne ami m’khuk dong nak vaisü ung, ami ghin nak pek ci gui nei.

JOEL 2:23

Zion chang gui, yeikyai vä, Bawipa, nami Khanpughi naw nangmi ah phäh ah abi ah hmawk ah yei vä. Ani naw bä ciah khawtui akni ning pe gui ci; ani naw hting kho aa phi yuk chah lawk ci, kä cun pha ung htui khaw aa phi aa sak ci.

HABAKKUK 3:18

Kei cu ka yeikyai lä khai nei, a i ah kyasei ci ung Bawipa Khanpughi cu ka Hunbawi ah kyak ci.

2 SAMUEL 7:24

Nang naw Israel gui cu ngawi yä na chang ah na pyang gui ci nei, Nang, Bawipa cu ami Khanpughi ah na kyak ci nei.

SAM 65:6

Nang naw na thagui awn khomhtung gui cu k’süm ne, na hlüngtai nak cu na dang sak ci.

SAM 68:20

Mi Khanpughi cu na hun gui ciah Khanpughi; Ani cu sih nak ung ka nak phyawn gui ciah Bawipa mi Bawipa ah kyak ci.

SAM 68:21

Cheishoh nak ung khäng ne hteit ciah a gaa gui ah lu cu Khanpughi naw cheiuh khai.

SAM 118:21

Bawipa ka ning m’taam ci, a i ah kyasei ci ung, nang naw na na ng’yak ci, nang naw näng nak na na pek ci.

ISAIAH 33:22

Cun ah htinpaw ung gui gui avan cu akholä ah kyak ci; yih dung gui cu kä ng’phiaat hlawt ci! Mikmi naw ga gui ah khawhcham avan cu mi gut khai, cun gui cu da aih sei, shumng’kem ci gui naw phi gah tuk khai gui Bawipa amät cu mi ghangpughang ah kyak khai; ani naw mikhan ah na uk gui ne, na shungvong gui khai.

ISAIAH 38:20

Bawipa, nang naw na na gai sak pyi ci nei. Keimi naw tingtäng tum ne, ning m’tam nak ngäi kami m’cu khai nei. Keimi kami ghinah chuih, na Taigüim ung Ning m’tam nak ngäi kami m’cu khai nei.

ISAIAH 51:12

Bawipa naw pyen ci, “Thagui ning k’be gui ci cu kei ah ka kyak ci. Khumghaw hlawk düt ah ghing hning ne, si thei ciahchang cu, a i vai nami kyih ang?