ISAIAH 12:1 - Cho Bible Common Language 2016

¹ Chang gui naw ng’äi ami m’cu nak vai ah hnüüp cu gawk lawk ci nei, “Ka ning m’tam ci nei, BAWIPA! Nang cu kei ah khan ah na m’lungshe te ci, Cun ung phi tuhbäi, kei na na shungvong ci, nang kä na m’lungshe ba ci nei.

ISAIAH 12:1 Referans Kwoze

SAM 30:5

A m’lung she nak cu a shäng hta ah kya ci, ani nak cu ghin ah chuih khäng ci. Mü ah ng’phli tui li ci, cun ung phi kho ngawi ah yeikyai nak gawk law ba ci.

ISAIAH 25:1

Bawipa, Nang cu ka ning khanpughi nei; kei naw ning chang m’sui ne na ming ka m’taam khai nei. Nang naw cäi vai gui na bik ci nei; Nang naw cäupui na m’hnüthbäi gui cu bekhüt ne na bi pyi ci nei.

ISAIAH 54:8

Kei naw a shäng ung m’lungshe ne ka ning hlah tak ci, cun ung phi kei naw ka ning m’hni nak cu angtäi sei, ka m’dang khai nei,” cine ning hun ciah Bawipa naw pyen ci.

ZEKHARIAH 14:9

Cun kawn ah Bawipa cu khomdek khan avan ung ghangpughang ah kya lawk khai; chang päng naw Khanpughi ah kyak ci, cine khawihnah khai gui, acun ah ming cu hmat khai gui.

HOSEA 6:1

Chang gui naw pyen ci gui, “Bawipa ah mi ng’hlat ba khai nei. Ani naw na nat sak gui ci, cun ung phi ani naw akcang ah na gei ba sak gui khai nei. Ani naw na leim sak gui ci, cun ung phi mi leim cu na hlawp pe gui khai nei. Ani naw cun ah kä bik khai ang?

ISAIAH 51:3

“Kei naw Jerusalem la acun ung om ci gui avan am chihna nak ka m’dang khai. Ani ah kho cu khong’gau ah a kyak ung phi, Eden ung ka geit ah dum ah mäih ah, kei naw dumah ka pyang khai, Zeikianak la hüithaw nak aca ah om khai, cun kawn ah kei ung zeikianak ah ng’äi lah m’tamkhah nak kei ung om khai.

ISAIAH 35:10

Ngami cu yeikyai nak awn Jerusalem ah gawk khai gui, Ng’äi m’cu ne, yei ne m’lau khai gui. Ngami cu angtäi sei yeikyai khai gui, Thüisei omdam nak phiawn nak khai gui.

ISAIAH 14:3

Bawipa naw Israel chang gui cu ami m’neh m’awh nak la ami yaica nak, ling ne bi ami sak nak gui ung ka zu chang gui khai.

ISAIAH 49:13

Ng’äi m’cu vä, khankho gui! Zei ne m’lau ä, khomdek! Khomhtung gui naw yei ne ng’äi m’cu u sä! Bawipa naw a chang gui cu shungvong gui khai nei; Ani naw yaica ciah a chang gui cu m’gein gui khai nei.

ISAIAH 25:9

Cun ah a kyak law hnüüp ung chang nü naw pyen khai, “Ani cu keimi ah khawpnghi nei! Ani keimi kami ngaih gep ci nei, ani naw na gung gui ci nei. Ani cu Bawipa nei! Ani ung keimi kami ngaih gep ci nei, tuhbäi keimi kami yeikyai lün lawi ci nei, a i ah kyasei ci ung ani naw keimi nah un gui pyi ci nei.

ROMAN 11:15

Khanpughi naw ngami cu a nawng gui yah ung, hnicim chang gui cu, a gaa ah ami kyak nak ungka naw a teihpüi ah ng’thon sak gui yawp ci. Cun ah kya sei Jew chang gui cu Khanpughi naw a dou ba gui yah ung a i ah mäih ah kyak khai ang! Ak si gui ghin sak gui ah mäih ah cäicat vai ah kyak khai nei.

ZEKHARIAH 14:20

Cun sangung ng’se gui ah awi ah shele khing ung phi, “Bawipa am pek nei” cine guk vai nei. Taigüim kyong ah ei shon nak ah k’am gui cu tänghän pei ah hlüng ah mäih ah theing khai nei.

HOSEA 11:8

“A i hawkcha ah ka ning m’lungsi gui vai ang, Israel gui? A i hawkcha ah ka ning nawng gui vai ang? Kei naw admah ka m’di ah mäih ah, Zeboiim ah khan ah ka bi ah mäih ah? Ka m’lung naw cun ah kä na bi sak khai nei, Kei naw ka ning m’hni nak gui cu khüighat aih ci.

ISAIAH 66:13

Anu naw a hmaw akbüi ah mäih ah kei naw nangmi cu Jerusalem ung ka ning k’büi gui khai nei.

ISAIAH 26:1

Judah khaw ung chang gui naw shin ah ng’äi ami m’cu nak vai ah hnüüp gawk lawk ci nei: Kami mang gaw cu khäng htek ci nei! Khanpughi amät naw cun ah pang cu shungvong ci nei!

ISAIAH 11:16

Assiria ah akping ung tamu om kahi, cun cu a cu ah k’pawih ci gui ah a chang gui, Israel ah phäh ah kiah ci cun cu ngami naw Egypt khaw ami hteh tak yah ung ami pupa gni ah hmawk ah mäih ah kyak ci.

ISAIAH 10:25

Nangmi ka ning m’kyuk nak gui ang pyi hta vai am, kei naw ngami cu ka m’di gui khai.

ISAIAH 2:11

Chang k’om nak ah khin ang pyi nak vai la chang ah ng’shei nak a dishum nak vai aha hnüüp cu gawk lawk ci nei. Bawipa amät bäng cu m’hlüngtai nak om khai net.

ISAIAH 10:4

Nangmi cu ng’tuk nak ung ning ngawn gui khai gui, käcung thawngkyum ah pha ne ning kaih gui khai gui. Cun ung phi Bawipa m’lungshe nak cu kä ng’pyi khai, ani naw a kut cu m’kyuk nak vai ah shäng lä khai.

JOB 13:16

Ka ling m’gäi nak naw kei cu na hun nei hngaw khai nei. A u changshe naw phi Khanpughi cu kä ng’awt püi dat man ci nei.

SAM 9:1

Ka m’lungkyong avan awn ka ning m’hlüngtai khai nei, Bawipa, Cäicat vai nabi gui avan cu ka pyen khai nei.

SAM 71:21

Nang naw angtäi sei na na hlüngtai sak pi khai; Nang naw na na shungvong ba mä khai.

ISAIAH 54:7

“Kei naw a shäng hta ka ning hteh tak ci cun ung phi m’hni nak ak thuk awn ka ning la ba ci.

ISAIAH 54:9

“Noah ah akhin ung kei naw shai ka tak ci, m’dek khan ah tuiyin kä mü ba khai ah. Tuhbäi nangmi ah khan ah kä ka m’lungshe ba khai ah shai ka tak ci.

ISAIAH 61:10

Bawipa naw bi a bi ah phäh ah Jerusalem cu yeikyai ci nei. Ani cu ceimah lawk khai ah ng’lami hta ng’sui ng’sak ciah mäih ah kyak ci nei. Khanpughi naw ani cu hun nak la näng nak suisak sak ci nei.

ISAIAH 64:5

Hman ci bi neta yeikyai ciah chang gui, a i hawkcha ah ngami ami ghin vai ah na ng’yak hlü cu shüm ba ciah chang gui cu nang keimi ah khan ah na m’lung she ci, cun ung phi keimi cu kami hma lä ci nei; nang cu dämduh ciah m’lungshe ci sei phi eimi cu kami cheishoh lä ci nei, cau tün ne a cun ah kami kyak ci nei.

ISAIAH 65:18

Kei naw ka tüisho ah mawng ung angtäi sei yeikyai vä. Kei naw ka tüisho ah Jerusalem k’thai cu zeikiak nak awn be khai, ani ah chang gui cu yei kiai khai gui.

JEREMIAH 30:19

A cun ung om ciah Chang gui naw m’hlüngtai nak ng’äi m’cu khai gui; Ngami cu yei ne m’lau khai gui. Kei ah hriham awn ngami cu da u ne, kei ah hriham naw ngami m’tam khak nak cu law püi khai.

ZEKHARIAH 8:11

Cun ung phi tuhbäi om ba ci gui ah pakhui ah khan ah a hnga ah kei naw ka bik ci.

ZEKHARIAH 8:19

“Acha phli nak, a cha hma nak, a cha chih nak la a cha gha nak ung ei hlawinak cu Judah chang gui ah hmawk ah yeikyai nak, hüithaw nak ah mang pawi ah kyak khai nei. Nangmi naw ng’düng nak la dimdeeih nak nami m’hni vai nei.”

NEHEMIAH 8:10

Tuhbäi nami im ah hteit ba ne ng’ei awk vä. A ei vai kä büh ciam nami buh nami sapyit tui cu teipai tu vä. Tuhngawi cu mi Bawipa ah ma ah theingcim ci nei, cun ah kyasei kä nami thüi vai nei. Bawipa naw aning pek gui ah yeikyai nak naw nangmi cu ning khüighat sak gui khai nei.”

JOB 11:16

Cun kawn ah na yaica nak gui avan cu na m’lunghnga kiong ungka kieim yawp khai nei. Cun cu tui k’hlaw kieim khäta a u naw kä a shüm ba ah mäih ah kyak khai nei.

SAM 85:4

O Khanpughi, kami hunbawi, na ng’hlah law püi ba gui ä! Kami khan ah kä na yei nak cu düm sak ä!

SAM 86:17

Bawipa, na ni nak cu saksi awn na m’dang ä; m’lung üp nak la m’hteihtang nak na na pek cu ami hmuh ah akyak ung, kei na thüi nak ci gui cu lü khai gui nei.

ISAIAH 60:10

Bawipa naw Jerusalem a pyen nak cu, “Akhohei chang gui naw nangmi ah pigaw k’pang co ba khai gui nei. Ami ghangpughang gui naw nami bi bik khai gui nei. Ka m’lunghse nak awn ka ning m’kyuk gui ci, cun ung phi tuhbäi ka chang m’sui nak la ka chimgein nak cu, ka ning m’dang gui khai.

JEREMIAH 31:13

Hnumi nong gui cu ng’tam ne yei khai gui, pami gui a ghi a hmaw cu yeikyai khai gui. Kei naw ngami cu ngäng m’bom gui ne, ami thuikyah nak cu yeikyai nak ah, ami ayä nak cu yeikyai nak ah ka m’hlah pe gui khai

ZEKHARIAH 1:16

Cun ah kyasei ka m’gein nak ka m’dang khai ah Jerusalem mang gaw ah ka lawk ci nei. Ka Taigüim cu m’thawh ba vai, ka mang gaw phi cawh ba vai nei.”