ISAIAH 11:9 - Cho Bible Common Language 2016

⁹ Zion ah khan, khanpughi ah m’htung theing ung, nat nak la akshe a i pi kä om khai. Tuinu cu tui awn abe ah mäih ah khaw cu Bawipa ah hmuh hmat nak awn be khai.

ISAIAH 11:9 Referans Kwoze

HABAKKUK 2:14

Cun ung phi tuinu ung tui abe ah mäih ah khomdek cu Bawipa ah bämang nak ah hmuhmat nak awn be khai.

ISAIAH 52:10

Bawipa naw thingcim ciah a huham cu m’dong khai; Ani naw a chang gui cu hun gui khai, khomdek khan avan naw cun cu hmuk khai.

SAM 72:19

Ang täi sei aming küi cu m’taam vä! Abämang nak cu m’dek khan avan ung be sä. Amen! Amen!

JOB 5:23

Nang naw na bi ah lolai gui ung lungnu gui kä om khai, khisa gui naw kä ning plawh sheh khai gui.

ZEKHARIAH 14:9

Cun kawn ah Bawipa cu khomdek khan avan ung ghangpughang ah kya lawk khai; chang päng naw Khanpughi ah kyak ci, cine khawihnah khai gui, acun ah ming cu hmat khai gui.

ISAIAH 59:19

Akhei ung ka naw ak kyang ung khüt khai ah chang päng naw ani la a huham cu kyih kyawk khai. Ani cu ng’güüt ciah tuilawng mäih, ng’pheet ciah khokhi ah mäih ah lawk khai.

ISAIAH 49:6

Bawipa naw na pyen nak ci, “Ka changshäm aw, kei naw dainduh pi ci cu ka ning bi sak khai nei. K’pawih ba ciah Israel chang gui ah tholet ne ami dämduh nak bäng vai ah kä kyak ciah, kei naw nangmi cu chang pakhui avan ah akdei ah ka ning pyang gi khai Cun ung khomdek khan avan naw hun nak gah khai.”

ISAIAH 45:6

Kei naw shin ah ka bi ah phäh ah vang khocawi ah ka naw, vang khocawi ung khüt sei, chang nü naw, kei Bawipa ah ka kyak la a hei khanpughi kä om ci, ci cu hmat lawk khai gui.

THU PHLAAN 21:27

Cun ung phi kä theingcim ci phung api ah phi, cun ah mang gaw ah kä lut tuk khai. Thui ng’aa nak vai bik ci la hleeihlak ciah chang gui phi kä lut tuk khai gui. Htomehta ah ghin nak ca-uk ung angming guk ah chang gui bäng vah cun ah mang gaw ung lut tuk khai gui.

ISAIAH 35:9

A i phongkawng phi cun ung kä om khai; a i sa nget naw phi cun ah lam kä kan khai. Bawipa naw a gun gui ah chang bäng cun ah lam ung hteit ne, ami un ah hteit ba khai gui.

ISAIAH 30:26

Cha cu hni ah mäih ah ng’shü khai, hni cu ang shü man ah ak chih ah pyü ne ng’shü khai, hnüüp chih ung ang shü vaisü hnüüp ät ung ang shü ah mäih ah kyak khai. Bawipa naw achang gui am a pek gui ah hmaleim gui halwp ne, am tui pek gui kawn ah shin gui avan cu kya lawk khai nei.

ISAIAH 11:13

Israel uknak khaw cu Judah khaw ah khan ah vamneng nak kä om ba khai, Judah cu Israel ah ga ah kä kya ba khai.

ISAIAH 2:4

Chang pakhui küi kyang gui ah ng’cuh can gui cu ani naw m’khoi chak khai, ngami naw ami khüm cu lai thawn nak vai ah kawt u ne, ami k’htei cu sangsawn ah kyak sak khai gui. Chaung pakhui gui cu ng’tuk nak ah kä hteit ba khai gui. Ng’tuk vai ah kä pawng ba khai gui.

1 THESSALONIAN 5:15

Akshe cu akshe awn kä nami thung ba vai nei, nami mät gui ah ni kiom nak vai ah, chang avan ah ni kyom nak vai cu, angtäi sei shui ne nami tha nak vai nei.

SAM 78:54

Ani naw theingcim ciah a kho, amät ah näng nak ah m’htung ah hteh püi gui ci.

ISAIAH 11:8

A hmowhta cu phyu m’äm mah ah pei ah a gü ung phi, Phyu naw kä k’dawk khai.

ISAIAH 33:6

Chang pakhui am khänghtek nak cu pek ci. Ani naw angtäi sei a chang gui cu shungvong gui ci, cüivai nak hmuhmat nak cu pe gui ci. Ngami ah dämduh pi ciah m’küm cu Bawipa (khanpughi) kyih aa nak ah kyak ci.

ISAIAH 54:5

Nang ning tüisho ci naw na cei ah mäih ah ning m’htei khai nei Aming cu m’gäi ciah Bawipa ah kyak ci nei. Theingcim ciah Israel Khanpughi naw ning hun khai. Ani cu khomdek uk ciah kyak ci.

ISAIAH 56:7

“Kei naw theing cim ciah ka m’htung Zion ung ka ning law püi gui khai, taigü nak ah ka cn ung yeikyai nak ka ning pe gui khai, ka mang kiang ung nami douthak law ah khawihnah nak cu kei naw ka dou khai. Kei ah Tigü lm cu chang pakhui avan ung chang gui ah taigü nak ah lm ah khü khai gui.”

ISAIAH 65:25

Hnei la htome gui ei vun ne ei khai gui; Seipat ah aräih ah phongkawng naw m’gahw ei khai, k’phyn ung am äm kä om ba khai. Kei ah theingcim ciah Zion m’htung khan ah, nat nak la shetkat nak ai phi kä om ba khai.”

ISAIAH 66:18

Ngami ah m’lung ngaih, om ih cu kei naw ka hmat ci nei. Pakhui avan ung chang gui m’cut gui vai ah kei ka lawk ci nei. Ngami a täng ah ami gawk law ung kei ah huham naw a i a bi hning cu hmuk khai gui nei,

ISAIAH 66:20

Ngami naw chang pakhui gui ung ka, nami khochang avan cu m’cümhnak nak ah kei ah law püi ba khai gui. Israel gui naw htang-douthak nak cu theingcim nak vai Taigüim ah ami law püi ah mäih ah, ngami naw cun gui cu ng’se gui, la gui, kala uk gui la yatha gui la ng’hle gui aw thingcim ciah kei m’htung Jerusalem ung law püi khai gui.

JEREMIAH 31:34

A u naw phi Bawipa hmat vai ah mawng apigaw-chang kä theithang khai, a i ah kyasei ci ung a hmaw pikbäih ungka naw ang vaipikbäih ung khüt sei, chang avan naw kei nah mat khai, kei naw ami katnak ka m’geinsei gui khai, ami cheishah nak kä ka shüm ba khai. Kei, Bawipa naw ka pyen nei.”

EZEKIEL 34:25

Kei naw ngami awn thukhän ka bik khai, acun naw ami ngaih gep nak vai ah ng’kham pe gui khai. Kei naw kyihkyawk vai kyak ciah khisa gui avan khaw ungka ka k’täm gui khai, cun ung kei ah ka htome gui cu phyawng m’htein ne lolai ung lum u ne, bung hmu ah ip khai gui.

EZEKIEL 47:5

Ani naw metre phi hma nüt ba mä khata, tui cu thuuk law aih sei, kei naw kä ka kat hlawt ci. Cun cu kä ng’väk ka khoi ung kä kah hlawt vai ah thuuk ci.

DANIEL 11:45

Ani naw tuinu la Taigüim ah om nak ah khomhtung ah ng’lak ung mang im gui co khai. Cun ung phi ani cu m’htei tuk khai a u kä om sei, a cun ung sik khai.

DANIEL 12:4

Ani naw na pyen nak ci, “Tuhbäi, Daniela, ca-uk na m’khüp vai. Khaw kä a khüt pha ah chuih cun ah khan ah m’hnüt nak na k’daih vai. Cun yah ung a i ah kya lawk ci, cicu ami hmat vai ah chang akda naw a kholä ah tha nak khai gui.

HOSEA 2:18

A cunah akhin ung kei naw khisa gui la kha gui avan awn thukhän ka bik khai. Cun ah kyasei ngami naw kei ah chang gui cu kä nat sak khai gui. Kei naw khaw ungka likhim gui avan, ka heng khai — khim gui avan. Li gui avan maih khai. Ka chang gui cu dimdeeih ne phiawng htein sei ka om sak gui khai.

JOEL 3:17

“Israel gui, nangmi naw nami hmat khai, Kei cu Bawipa nami Khanpughi nei. Kei cu ka khomhtung theing Zion ah khan ah ka om ci. Jerusalem cu mang gaw theing ah kyak khai; Akho hei chang gui naw kä näng ba phung khai gui.

ISAIAH 32:16

Khaw avan apäng ung düngnak la taga nak cu bik khai gui.

JEREMIAH 31:23

M’gäi ciah Bawipa, Israel khanpughi naw pyen ci, “kei naw chang gui cu ami khaw ung ka m’thawh ba gui ung, Judah khaw la gaw nu gui ung ngami naw pyen bam ä khai gui, ‘Theingthap ciah khomhtung Jerusalem, Theingcim ciah hmun a om nak cu Bawipa naw hriham pe sä!’

ZEKHARIAH 8:3

Kei cu theing ciah ka mang gaw Jerusalem ah ka hteit ba khai, a cu ah ka om khai nei. Cun ah mang gaw cu bekhüt ciah mang gaw ah hmat khai gui, hlüngtai ciah Bawipa ah khawgui gui cu, theingthap ciah khawgui ah khü khai gui nei.