ISAIAH 11:15 - Cho Bible Common Language 2016

¹⁵ Bawipa naw Suez tuikhep cu ket sak ne, ani naw khaw aling ah khi sak ne Euphratis tuinu ket sak khai, tukhta lawng chih bang on ba sei, cahngpäng naw kat hlawt khai.

ISAIAH 11:15 Referans Kwoze

ZEKHARIAH 10:11

Tuinu kat ne ami yaica yah ung, Kei Bawipa naw tui ng’hnawk cu ka k’shedam nak khai. Thuuk ciah Nile tuinu cu kawi ne ket khai. Chang ah ng’shei ciah Assiria gui cu, ami m’lung neim khai. M’gäi ciah Egypt cu a huham maih khai.

THU PHLAAN 16:12

Akchuk nak ah khankho chang naw a eikbei ungka cu Euphratis tuinu ah khan ah yuk huk khätah cun ah tuinu cu kawi ne ket sei, hnii law lam ah kaa ghangpughang gui ah law nak vai ah lam cu ng’hmawng lawk ci.

ISAIAH 50:2

“Kei naw ngami ka hun gui khai ah ka hteh shi gui yah ung, a i ah kyasei kä ami na m’shan ang? Kei naw ka khü gui yah ung a i ah kyasei kä ami äi ang? Ngami ka hun nak gui vai ah kei ung thai gui ken aih ne ang? Kei naw ka thumkhän awn tuinu cu ka kawi sak hning ci, tuinu lawng cu khong’gau ah ka kyak sak hning ci, cun ah kya ne tui lawng ung tui kä om sei nga gui sik ci gui.

ISAIAH 19:16

Egypt chang gui hnumi ah mäih ah ami ng’aa ca nak vai ah akhin gawk lawk ci nei. M’gäi ciah Bawipa naw ngami m’kyuk nak gui vai ah a kut shäng sei ami hmuh ah a kyak ung, ngami cu kyi ne ng’hlet khai gui nei.

EZEKIEL 30:12

Kei naw Nile tuinu cu ket sak ne, Egypt cu chang shekha gui ah huham ka ah ka tha khai. Khohei chang gui naw cun ah khaw avan cu m’dishum khai gui. Kei Bawipa naw ka pyen nei.”

EZEKIEL 29:10

Kei cu nang ah ga, Nile tuinu ah ga ah ka kyak ci. Kei naw Egypt khaw avan cu a kholä k’auh ah ka cik khai, Asiip täng Mikdola mang gaw ungka naw, a htum täng Aswan mang gaw ung khüt ci, Sudanese khogii ah hteh nak lam avan ah kyak ci.

ISAIAH 7:20

Cun ah khin a gawk law ung, Bawipa naw luk’teiu ciah kyak ciah Euphratis kan ne Assiria ghangpughang — cu ng’vat lawk khai! Ani naw nami m’khamu, nami lumu la nami pum ung mu avan cu ning teiu pe gui khai.

PHYAWN NAK 14:21

Moses naw tuinu khan ah a kut shäng khäta, Bawipa naw ng’hüüt ciah ng’kiang khokhi awn tuinu cu m’hlat ci. Khaw cu thai ne khi ne tuinu cu ket sak ci, tuinu cu ng’pai ci.

PHYAWN NAK 14:29

Cun ung phi Israel gui cu m’dek hu ung hteit ne tuinu kaan ci gui, vang ah vei ah tui k’paang om ci.

ISAIAH 8:7

kei, Bawipa naw, Assiria ghangpughang la a gakap avan cu Judah tuk khai ah ka law püi gui khai. Ngami cu tuikam avan ung ng’güt ne lawk ciah Euphratis tuinu ah mäih ah gawk kawk khai gui.

ISAIAH 43:16

Caupui Bawipa naw tuinu kan ne lam pyang man ci. Tui ng’phiui kan ne lam man ci.

ISAIAH 44:27

Kei naw thumkhäm m’kha ät awn tuinu ka kawi sak ci.

ISAIAH 51:11

Nang naw na gun gui ah chang gui cu yeikyai u ne, ng’äi m’cu u ne, yei ne m’lau u ne, Jerasalem ung gawk lawk ci gui nei. Ngami cu angtäi sei yei kiai khai gui nei. Azä nak la thüi sei nak ung angtäi sei luat khai gui nei.

ISAIAH 63:12

am pek ciah Bawipa cu a hawi ang? A huham awn, Moses ung ka naw, dämduh ci gui bik ciah Bawipa cu a hawi ang? Ani naw tuinu ng’bou sak ne, thuk ciah tui ung matawn ne a chang gui kan sak gui ci, cemna kya ne, amät naw amät khonglän ung ming thang sak ci nei.” Bawipa ah lam shüm nak awn, ngami cu k’pyase ah ng’leh ah mäih ah htek sei ng’leh u ne kä ng’täng phung ci gui.

PHYAWN NAK 14:22

Israel gui cu m’dek hu ung hteit ne, tui kaan ci gui, vang ah vei cu tui k’paang ah kyak ci.