ISAIAH 11:10 - Cho Bible Common Language 2016

¹⁰ David ah uknak ng’shon ungka, pakhui gui m’hnüt nak vai ah ghangpughang akthai cu ani ah uknak mang gaw ung ng’bum u neta, ani cu m’tamkhah khai gui.

ISAIAH 11:10 Referans Kwoze

LUKA 2:32

Na ng’yak hlü dang sak ciah akdei cu chang hei gui ah hmawk ah ak khang vai la; na chang gui Israel chang gui ah bämang nak a gawk law ah hmawk ah kyak ci” cik ci.

ISAIAH 11:1

David ah uknak cu chuk pit ah sing ghing ah mäih ah kyak ci; cun ung phi sing hmui lim ne akthai ah a toi law ba ah mäih ah, David ah hta ng’shon ung ka, ghangpughang akthai tho law bakhai.

JOHAN 12:32

Kei cu m’dek ungka chang ne k’phäi nak ka gah kawn ah chang avan cu kei ah gawk lawk khai ah ka thäm khai nei” cik ci.

MATTHE 12:21

Chang pakhui avan naw phi ani cu ngaih u khai gui,” ciah kyak ci.

MATTHE 8:11

Kei naw akcang ka pyein cu, shin ah mäih yum nak cu Israel chang gui ung kä ka hmu man ci. Chang akda cu hni law lam la hni kiaak lam ah ka Law u ne, Abraham ni, Isaak ni, Jakob ni gui awn a täng ah vunvai ne ei auk khai gui.

LAMKTU 11:18

Cun ah thu ng’ya u netah cun ah chang gui cu, kä pyein m’shet ba u ne, “Khanpughi naw changpakhui hei gui am phi, ng’yuvat ba ne ghin nak gah vai ah mawng cu pe gui ci nei” cine Khanpughi cu m’hlüngtai ci gui.

THU PHLAAN 22:16

“Kei Jesuh naw nangmi Khrithabum gui-am shin ah a mawng gui cu shäu ne ning m’thein gui khai ah ka khankho chang cu ka tüi lawk ci nei. Kei cu David ah hta ng’shon ah ka kyak ci, ng’shü ne khang ciah thaihke aisi ah phi ka kyak ci.”

HAKKAI 2:9

Taigüim akthai cu ayan ak phyim ah ta ng’shü khang pi khai, acun ungka chang gui am bühmang nak la dimdeeih nak cu ka pe gui khai.” M’gäi ciah Bawipa naw pyen ci.

ISAIAH 49:22

Uktu Bawipa naw a chang gui pyen na gui ci, “Kei naw chang pakhui gui ka häi gui khai, cun ung ngami naw nami hta gui cu im ah law püi khai gui.

SAM 91:1

Phyawn vai ah Bawipa ah hteit ci phung, Am’gäi ah shung vong nak ung om ci phung naw, ama ah

ISAIAH 60:3

Chang pakhui gui cu nang ah akdei ung lut khai gui nei. Ghangpughong gui cu nang ah kho hnüüp thai, kho k’thai ung gawk lawk khai gui. Khai.

ATÜNNAK 49:10

Mang ah hteipawng cu Judah naw kawt khai. A hta ng’shon naw khonglän ung uk khai. Pakhui gui naw khawh pe lawk khai gui. Ani kyih aa ne ama ah kawp khai gui.

1 PETER 5:10

Cun ung phi nangmi cu cun ah geinvai nak a shänghta nami aut kawn ah, M’Gein nak ah Khanpughi, Bawi Khrit ung ning kawng ät sak gui ne, ng’täi ciah abämang nak ning k’pai tu gui khai ah ning khü gui ciah Bawipa naw, nangmi cu ning kümbe sak gui ne, ng’khäntaang nak, k’thamah nak la khüighaat nak ung ning khanhtek sak gui khai nei.

HEBRU 4:1

Khanpughi naw mikmi am ang thu ah shaitak cu mi gah vai ah na pe gui ci. Cun ah ng’düm nak vai ah shaitaak cu phlawi düt ci tumat phi kä om men khai ah nami geing nak vai nei.

LAMKTU 28:28

Paul naw a khüüp nak ah, “Cun ah kyasei hun phiawn nak ah mawng Khanpughi ah Thu Ni, changpakhui hei gui ah ma ah pyein khai ah chang cu tüih pyi ah kyasei, ngami naw ngai yak khai gui’ cicu nami hmat vai nei” cine m’thein gui ci.

ISAIAH 66:19

Cun khawn ah ngami m’kyuk gui cicu kei ah kyak phi hmat khai gui nei. “Cun ung phi kei naw amshah k’pai gui ne, kei ah ka huham la ka dämduh nak kä hmu man i gui la keiah ka mingthang nak kä ng’ya man ci gui ah pakhui gui la asho nak kho gui ah ka gui cu ka tüi gui khai: cun gui cu Sapin, Libia, la lidia-li kap akni gui ah om nak, Tubal la Kreece ah kyak ci. Shin ah pakhni gui ah ng’lung ah ngami naw kei ah dämduh nak cu shän kahi gui.

ISAIAH 60:5

Nang naw cun cu hmu neta, na yeikyai khai nei; Nang cu cäicat ne na ng’thüng khai nei. Chang pakhui gui ah khawh cham cu nang ah law püi khai gui nei; Ami bühmang nak cu tuinu kan law ne, gawk lawk khai nei.

ISAIAH 59:19

Akhei ung ka naw ak kyang ung khüt khai ah chang päng naw ani la a huham cu kyih kyawk khai. Ani cu ng’güüt ciah tuilawng mäih, ng’pheet ciah khokhi ah mäih ah lawk khai.

ISAIAH 28:12

Ani naw düm nak ning pe gui ne, nami van ning shungvawng gui sei phi, ani nami ngaih vai ah nami mak ci nei.

ISAIAH 2:11

Chang k’om nak ah khin ang pyi nak vai la chang ah ng’shei nak a dishum nak vai aha hnüüp cu gawk lawk ci nei. Bawipa amät bäng cu m’hlüngtai nak om khai net.

SAM 149:5

Khanpughi ah chang gui cu ami näng nak ung yeikyai u sä, mü pum yei ne ng’äi m’cu u sä.

SAM 116:7

Ka mumcha, m’lung üp ä, kei ah khan ah Bawipa cu bä pyi ci nei.

SAM 91:4

Ani naw ang phiaa awn ning küm gui sei, ani ah m’htei nak ung, nangmi cu nami phyawng khai; Ani ah bekhüt nak naw ning shung ne ning vong gui khai.

JEREMIAH 6:16

Bawipa naw a chang gui pyen ah gui ci, “Lam kyum gui ung ng’düi neta teng vä. Cau lam phyim gui la lam akni pi a hawi a om cu ng’shi gui vä. A cun ung hteit vä, dim deeih nak awn nami om khai.” Cun ung phi ngami naw, “Kaa, kä ka mi hteit khai!” cine pyen ba ci gui.

ISAIAH 14:3

Bawipa naw Israel chang gui cu ami m’neh m’awh nak la ami yaica nak, ling ne bi ami sak nak gui ung ka zu chang gui khai.

THU PHLAAN 5:5

Cun kawn ah aghaampa gui ungka tumat naw, “Kä kyap ne teng ä, Judah pakhui ungka phongkawng ah mäih ah kyak ciah David ah hta ng’shon cu näng nak gah pyi ci nei, ani naw m’hnüt nak chih cu khawk ne, ca k’chaw cu k’phian hning ci nei,” cine pyein ci.

KHEI NAK 10:33

Chang gui naw khomhtung theing Sinai ami hteh tak awn ah hnüüp thum ung hteit ci gui. Bawipa ah Thumkhän M’küm cu ma ne hteit ne shaum pigaw ami cawh nak vai ah hmun cu hmuk ci gui.

ISAIAH 11:12

Püipyang ciah Israel la Judah chang gui, khomdek khan khawkit phli ung ka, a law püi ba gui, atäng ah akbum ba gui amdang nak ah, Bawipa naw m’hnüt nak alan cu m’tho khai nei.

ISAIAH 62:10

Jerusalem chang gui, mang gaw ah k’pung ah hteit u ne, law ba khai gui ah nami chang gui ah phäh ah lam co ne pyang vä! Lam k’cawh nu pyang vä; lung gui nawt heng vä! M’hnüt nak ah alan cu hleek vä, cun ung chang pakhui gui naw hmat khai gui,

ZEKHARIAH 6:13

Ani cu Taigüim co ne, ghangpughang ah m’taam nak gah ne, ak chang gui cu uk gui khai. Taigü cu amang kiang pei ah ng’düi khai, ngani cu dimdeeih kyäp nep nak awn atäng ah bik khai goi.’

1 SHONTÄP NAK 2:12

Obed, la Jesse,

SAM 145:11

Ngami naw na bämang nak ah na huham cu pyen u ne, Na m’gäi nak cu ngak khai gui nei.

ISAIAH 2:2

Ngawi ah lawk ciah khaw hnüüp ung Taigüim ah ng’düih nak ah khawmhtung cu avan ah hlüngtai pikbäih khai, khawgui gui avan hlüng ne hnim khai. Chang pakhui gui cu a cun ung long ne lawk khai gui,

ISAIAH 2:3

ami chang gui naw, “Bawipa ah khawmhtung Israel khanpughi ah Taigüim ah mi kya khai nei. Ani naw ana bi sak gui hlü cu na m’theithang gui khai nei; mikmi cu ani ah ghü ah lam ung mi hteit khai nei. Bawipa ah m’theithang nak cu Jerusalem ung ka gawk lawk ci; Ani naw Zion ung ka naw ak chang gui ng’thu püi gui ci.”

ISAIAH 42:4

Ani ung ngaih u nak la thamah nak kä maih khai; Ani naw khomdek khan ung taga nak cu khänhtek sak khai. Akhoshou nak ah ka gui naw ani ah m’theithang nak cu ng’ya hlü leng ne ngäng khai gui.”