ISAIAH 10:9 - Cho Bible Common Language 2016

⁹ Kei naw Kalno la Karchemish mang gaw gui, Hamath la Arpad mang gaw gui, ka näng ci nei. Kei naw Samaria la Damaskas cu ka näng ci nei.

ISAIAH 10:9 Referans Kwoze

2 SHONTÄP NAK 35:20

Ghangpughang Josiah naw Taigüim ah phäh ah shin gui avan abi kawn ah Egypt Ghangpughang Neko naw Euphratis Tuinu khan nak om ciah Karchemish gawnu cu tuk khai ah gakap gui awn gawk lawk ci. Josiah naw ana maa nak khai ah tha nak ci.

2 GHANGPUGHANG GUI 16:9

Tiklath Pileser naw Ahaz ah khü cu k’cang na ne, a gakap gui awn law ne, Damaskas cu tu ne khäm ne, Ghangpughang Rezin cu ngawn ne, chang gui cu Kir ah hteh püi gui ne thawng chum gui ci.

JEREMIAH 46:2

Cun cu Egypt ung tün ci. Shin cu Egypt ghangpughang Neko ah gakap gui ah mawng ani naw a pyen ah kyak ci. Cun ah ghangpughang cu Babilonia ghangpughang Nebukhadnezzar naw, Jehoiakim Judah ghangpughang ah a kyak nak akum phli nak ung, Euphratis tuinu pei, kachemish ung a hnim ah kyak ci:

ATÜNNAK 10:10

Ani naw ak htük ung a uk cu Babilonia khaw ung Babilon gawnu, Erek gawnu la Akkat gawnu gui ah kyak ci.

JEREMIAH 49:23

Shin cu Damaskas ah amawng Bawipa naw a pyen ah kyak ci: “Hamath la Arpad mang gaw gui ung om ciah chang gui ng’ä ai ne khüi kha ci gui, a i ah kyasei ci ung ngami naw thushe ami ng’yak ah phäh ah kyak ci. Tuinu ah khan ah tui ang hnawh ah mäih ah ami khan ah kyasei ngami cu kä ng’düm hlawt ci gui.

ISAIAH 37:13

Hamath, Arpad, Sepharvaim, Hena la Ivvah mang gaw gui ah ami ghangpughang gui cu a hawi ang?” ciah kyak ci.

ISAIAH 36:19

Hamath la Arpad ah ami khawpughi gui cu tuhbäi a hawi ang? Sepharvaim gui ah khanpughi gui a hawi ang! Samaria mä a u naw baw hun man ne ang!

ISAIAH 17:3

Israel gui cu kä ng’shung vong hlawt khai gui, Damaskas naw ang päize nak cu shumshäuh sak khai. K’pawih ba ciah Sirian gui cu Israel gui ah mäih ah thangshe khai gui. Kei, m’gäi ciah Bawipa naw ka pyen nei.”

ISAIAH 7:8

kä kya hlawt phung khai: A i ah kyasei ci ung Siria cu amät ah mang gaw tung ah kya ciah Damaskas ah kä khüi ghat pi ci, Damaskas cu Ghangpughang Rezin ah ta kä khüi ghat pi ci. Israel gui cu khokum chuk-kip lei hma ah kyong ung, aktä ah ng’phye ne ng’gäi u ne pakhui khaw tumat ah kä kya ba khai gui.

2 GHANGPUGHANG GUI 17:24

Assirian uktubawi naw Babilon, Cuth, Ivvah, Hamath la Sepharvaim mang gaw gui ungka chang gui cu la gui neta, omktu ah om ci gui ah ami hnün, Samaria mang gaw gui ung ami om nak vai pe gui ci. Ngami naw cun ah mang gaw gui cu ka na u ne, a cun ung om ci gui.

2 SAMUEL 8:9

Hadadezer ah gakap gui avan David naw a hnim cu Hamath ghangpughang Toi naw ng’yak ci.

KHEI NAK 34:8

Cun ungka naw Hamath lam k’pha ci. Cun ungka naw Zedad

2 GHANGPUGHANG GUI 18:34

Hamath ah Arpad khanpughi gui cu tuhbäi a hawi ang? Sepharvaim, Hena la Ivvah khanpughi gui cu a hawi ang? Samaria cu hun hning khai om ne ang?

2 SHONTÄP NAK 32:14

A i sang ung ang, khopäng gui avan ah khanpughi gui naw ami khopäng cu keimi ah kut ungka ami hun man? Nami Khanpughi naw ning hun gui hning khai ah a i ah kyasei nami ngaih ang?

ISAIAH 10:8

Ani naw khähghah ne, “Kei ah ka gabawi päng cu ghangpughang ah kyak ci nei!

ISAIAH 17:1

Bawipa naw pyen ci, “Damaskas cu mang gaw ah kä kya ba khai; cun cu ng’phyek ci gui k’bum ah kyak khai.

ISAIAH 37:11

Assinian ghangpughang naw am di vai ah akbäi pyi ah khopäng gui ah khan ah a i ah a bi cu nang naw na ng’ya pyi ci. Nang na phiawang khai ah na ngai ne ma?

EZEKIEL 47:16

Berothah la Sibraim mang gaw (cun gui cu Damaskas uk nak khopäng la Hamath uknak khaw ah ang lak ung om ci), la Tikon mang gaw (Cun cu Hauran khopäng khogii ung om ci.)

HABAKKUK 1:10

Ngami naw ghangpughang täitawk u ne, bawi ng’vai gui phi gaih tuk khai gui. Ngami cu a i gawnu naw phi kä k’büüp gui hlawt khai — ngami naw khomdek kai nak vai ah piang ne khäm khai gui.

ISAIAH 33:8

Lam ng’shawng nm gui cu kyih vai kyasei cun ung a u kä hteit ba ci nei. Ami thukhän gui cu m’shat u ne, ami yum ätnak gui cu plawh pyi ci gui nei. A u naw a i phi kä changm’sui law ba ci nei.