ISAIAH 10:4 - Cho Bible Common Language 2016

⁴ Nangmi cu ng’tuk nak ung ning ngawn gui khai gui, käcung thawngkyum ah pha ne ning kaih gui khai gui. Cun ung phi Bawipa m’lungshe nak cu kä ng’pyi khai, ani naw a kut cu m’kyuk nak vai ah shäng lä khai.

ISAIAH 10:4 Referans Kwoze

ISAIAH 5:25

Bawipa naw achang gui ah khan ah m’lungshe neta, ngami m’kyuk nak gui vai ah a kut shäng ci. Khaw m’htung gui thüng khai, sik ciah pumsa gui cu lam ung ng’ant ah mäih ah ng’zän shüt khai gui cun güt ung Bawipa ah m’lunghse nak cu kä ng’yi khai, cun ung ngami m’kyuk gui vai ah ani naw a kut cu shäng lä khai.

JEREMIAH 37:10

Nangmi naw Babilonian gakap avan nami hnim ah a kyak ung phi leim ci gui bäng om ba ne phung kyong ah ami ng’zän ung phi, cun ah chang gui cu tho law ba u ne shin ah mang gaw cu m’dek ah khüt khai ah m’khih khai gui nei.”

ISAIAH 9:12

Akyang täng ung Siria, akhei täng ung Philistia gui naw Israel cu läm ge vai ah ami shai m’an ci gui. Cun ung phi Bawipa ah m’lungshe nak cu kä ng’pyi phak ci; ani naw ngami m’kyuk gui vai ah a kut cu shäng lä ci.

THULÄÄN NAK 32:30

A i ah kyasei chang tumat naw chang phia gha a hnim gui ang? A i ah kyasei chang hnih naw chang phia phia a hnim gui ang? Bawipa nami Khanpughi naw ngami nawng gui ci. M’gäi ciah ami Khanpughi naw ngami mlungsi sak gui ci.

HOSEA 9:12

Ami hta nau om sei ami däm ng’vai sak ung phi, kei na ka lak pe gui khai. Tumat phi ghing ne kä om khai gui. Kei naw shin ah chang gui ka nawng gui ah akiak ung ngami ah khan ah kyihkyawk vai gui gawk lawk khai.”

ISAIAH 66:16

Ani naw cheishoh u sei a hmuh ah khomdek khon chang avan cu mei la khim awn m’kyuk gui khai-chang akdaa cu ski khai gui.

ISAIAH 34:3

Ngami ah gook gui cu a u naw kä phuh gui khai, awn ung ng’zäu ne thu ne ng’eng khai gui, khomhtung gui cu si bäng ah sen khai gui.

ISAIAH 24:22

Khanpughi naw ghang pughang gui cu thawngkium gui ah mäih ah khui tumatung m’tawk gui khai. Ani naw ngami cu, ngami m’kyuk nak gui vai ah akhin a gawk law güt ung khai gui khai.

ISAIAH 22:2

Mang gaw avan cu üng eang ne pamcai la cäicat nak awn be ci. Shin ah ng’tuk nak ung sik ciah na chang gui cu, ng’tuk bi ne sik ci gui ah kä kyak ci.

ISAIAH 9:21

Manasseh chang gui la Ephraim chang gui cu ami mät ng’tuk khai gui, cun kawn ah atäng ah Judah cu tuk khai gui. Cun ung phi Bawipa ah m’lungshe nak cu kä ng’pyi khai; ani naw a kut cu ngami m’kyuk nak gui vai ah shäng lä khai.

ISAIAH 9:17

Cun ah kyasei Bawipa naw ak hmaw chang a u phi kä luat sak khai, a u hmeinu hmeihta ah khan ah phi m’gein nak kä m’dang khai, a I ah kyasei ci ung chang avan cu khanpughi kaa ah kya ne cheishoh u ne ami ng’thu phung cu akshe ah kyak ci. Cun ah kyasei Bawipa ah m’lungshe nak cu kä ng’pyi khai, ngami m’kyuk nak gui vaiah a kut cu ani naw shäng lä khai.

TAIGÜTHUM 26:17

Kei naw ng’hlat ne ka ning hnungtuk püi gui khai, cun ung ning hnim gui khai gui, nangmi ning thüi na gui ci naw ning uk gui khai, nangmi cu nami kyikyawk aih khai, a u naw kä a ning gawt gui ung phi nami dawng khai.

JEREMIAH 4:8

Cun ah kyasei sui k’she sui ne, kyap ne m’lau vä, a i ah kyasei ci ung Bawipa ah m’lungshe nak naw Judah cu kä ng’hlah tak ci nei.

ISAIAH 9:11

Bawipa naw ngami tu gyi khai ah ami ga gui cu thawh let sak gui ci.

ISAIAH 9:16

Shin ah chang gui matawn ci gui naw lam hma sak gui ne, apum ah ng’cawn kan sak gui ci.

ISAIAH 9:20

Khaw avan ung chang gui naw ami hmuh hning ah ei apihta cu ng’gut ne ei khai gui cun ung phi kä phü khai gui. Ami mät ah hta gui hngaw ei khai gui.

JEREMIAH 15:2

Ngami ahawi ami hteh vai ami ning shi law ah a kyak ung kei naw ka pyen cu m’thein gui ä: amshah gui cu nat nak awn ng’ziin ne sik khai gui. Cun cu ngami ah hteh nak vai ah kyak ci! Am shah gui cu ng’ziin u ne ng’tuk nak ung sik khai gui — Cun cu ngami ah hteh nak vai ah kyak ci! Amshah cu ei ah cawi ne sik khai gui Cun cu ngami ah hteh nak vai ah kyak ci! Amshah cu pha ne hteh püi khai gui Cun cu ngami ah hteh nak vai ah kyak ci!