ISAIAH 10:34 - Cho Bible Common Language 2016

³⁴ Bung puk ung sing ghing gui ghei awn chuk pit ah mäih ah, akni pi ah Lebanon sing gui ami kyuk ah mäih ah, Bawipa naw chu pit gui khai!

ISAIAH 10:34 Referans Kwoze

ISAIAH 37:24

Hlüng pibäih ciah Lebanon khomhtung gui, na yatha gui avan awn na näng ah mawng khähghah nak vai ah na chang-shäim gui na tüi lawk ci nei. Nang naw a ng’shäi pibäih ah ceda sing ghing gui, akni pibäih ah m’htai ghing gui cu chu pit yawp ne, ak thuk nak pikbäih ah bungpuk ah na gawk awn na khähghäh ci nei.

THU PHLAAN 18:21

Cun kawn ah k’thamah pi ciah khankho chang naw lungsum teih lawk ciah lungnu cu, la ne tuinu ung yuk shum netah “Babilon mang gaw cu a shin ah mäih ah tui ung yuk shum khai gui nei, a ngawi ah phi kä dang law ba khai nei.

THU PHLAAN 10:1

Cun kawn ah khankho ah kaa m’gääi ciah khankho chang tumat kyum law sei ka hmuk ci. Ani cu khongmei sui ne ng’hlawp ci, alu cu yapi naw koi ci, a hmai cu khohni ah mäih lawk ci, a khaw gui cu mei ah däi ciah k’tung gui ah mäih lawk ci.

2 PETER 2:11

Thuvi saya gui ah tah khüighaat pi ne hlüngtai pi pui ci gui ah khanchang gui hngaw naw Bawipa ah ma ah ngami cu kä päipih guici gui.

2 THESSALONIAN 1:7

Nami yaica ciah nangmi gui la keimi gui ah khan ah hüiyang nak na pe gui khai. Bawipa Jesuh Khrit cu bämang ciah khanchang gui awn,

NAHUM 1:12

Bawipa naw a chang gui, Israel gui cu, Shik cha ah ng’thu püi gui ci nei; “Assirian chang gui Cu k’thamah u ne, ami da pang ung phi, Ngami cu di ne maih khai gui nei. Ka chang gui aw ka ning yaica sak gui ci nei, Cun ung phi cän ah mäih ah kä ka bi ba khai nei.

DANIEL 4:23

Nang ghangpughang naw na ngäng yah ung khanchang kya law neta a pyen cu, “Sing ghing cu chu ne m’di vä, cun ung phi ak hmuicum’dek ung om sä. M’sii gui la kyei gui awn ven ne khit ne, loma m’ghaw hmu ah nawng vä. Cun ah chang ah khan ah khüi baw sä, ani cu khisa gui awn atäng ah kum chih ung om sak vä.’

JEREMIAH 48:2

Moab ah bämang nak cu maih pyi ci. Ga gui naw Heshbon cu tu ne khäm u ne, Moab khui khaw m’di vai ah pawng ci gui nei. Madmen gawnu cu kä shipdeep khai nei; gakap gui kai law ne tuk khai gui nei.

JEREMIAH 22:7

Cun m’di khai ah kei naw chang gui ka tüi lawk khai. Ngami ami van naw ghei gui law püi u ne kyom ciah a cedar sing gui cu chu pit u ne, mei ung m’khih khai gui nei.

ISAIAH 37:36

Bawipa ah khanchang cu Assirian gui ah phung ah hteit neta gakap 185, 000 cu ngawn gui ci. A ngani ung khaw thaih ung ngami cu ami van si ne ng’zän ci gui!

ISAIAH 31:8

Assiria cu ng’tuk nak ung di khai nei, cun ung phi cun cu chang ah huham awn ah kä kyak ci. Assirian gui cu ng’tuk nak ung dawng khai gui, ami changnong gui cu changshäm ah kyak sak khai gui.

ISAIAH 10:18

Bäimang ciah khaw bung gui la laima gui cu avan di yawp khai, a cun ah mäih ah sih nak hning ah gaw nak naw chang gui cu m’di khai.

SAM 103:20

Bawipa cu m’taam vä, nangmi khüighat ne m’gäi ciah khanchang gui, a thumkhän nami läk ci, a pyen phung nami ngai ci nei.

ISAIAH 2:13

Ani naw Lebanon ung cedar ghing nu gui la Ba shan khaw ung oak sing avan cu m’di khai nei.

ISAIAH 33:9

Khaw phi ngän ne ng’gau ci nei. Lebanon bung cu ng’zaai ne, ang lei nik ciah sharon khawng’noi cu khokäu ah kyak ci nei, Bashan khaw la karmela m’htung ung sing ghing gui ung ka sing hnah gui cu kiwi yawp ci gui nei.

EZEKIEL 31:3

Nang cu Lebanon ah Cedar sing ah mäih ah na kyak ci. Cun ah sing cu kyom ne ang ban gui awn hnim ci, Ng’ng’shäi aih ne khonmei han pha ci.