Biblia Todo Logo
Bib sou entènèt

- Piblisite -




ISAIAH 10:3 - Cho Bible Common Language 2016

3 Khanpughi naw aning m’kyuk law gui ung a i ah nami kyak khai ang? Ani naw a khawshou ah ka leigai gui nami khan ah a law püi ung a i ah nami kyak khai ang? M’hteihtang nak hmuh vai ah a hawi nami dawng khai ang? Nami khawh cham gui a hawi nami thup khai ang?

Gade chapit la Kopi




ISAIAH 10:3
40 Referans Kwoze  

Cun ah gaa gui naw, nang la gaw kyong ah om ciah chang gui cu, avan ngawn ne m’dimdap yawp khai gui. Lung tumat ah khan ah tumat phi ng’taih ne kä om ba khai. A i ah kyasei ci ung nang cu ning hun khai ah Khanpughi a kyum law nak ah khin cu, kä na hmat ah hmawk ah kyak ci” cine pyein ci.


M’kyuk nak ah akhin cu gawk lawk ci nei. Chang gui naw ami gah vai cu gah khai gui. Cun gui a gawk law ung Israel gui naw hmat khai gui. Nangmi naw nami pyen ci, “Shin ah prophet cu ak gu nei. Shin ah mümcha naw akbe ah chang cu ak gu ah kyak ci nei.” A i ah kyasei ci ung nami kat nak cu dishum aih ci nei.


Cun ah kä ka bi ung kei naw a i hawkcha ah Khanpughi ka hmu thei khai aw? Khanpughi naw am khoicha khai ah a law ung a i ka pyen khai aw?


Bawipa kä yum ci gui naw nangmi cu ak she nami bik ciah ami ning k’bün gui ung phi, kä yum ciah chang gui ah lung ah akni ah nami om vai. Bawipa a kyum law ba hnüüp ung nangmi ah nikiom nak cu hmu u ne, Khanpughi ami m’hlüngtai vai ah cun ah nami bi vai nei.


Cun ah Bawipa ah m’lungshe nak hnüüp ung chang gui ah ghui ngui gui phi kä phyawng khai, khomdek avan cu Bawipa ah m’lungshe nak ah mei naw ui yawp khai. Ani naw khaw khüt sak khai — ang ghit ah khüt sak khai, khomdek khan ah om ciah chang nü ah khaw cu khüt sak khai.


Bawipa cu khankho a om nak ung ka, khomdek chang gui ami kmakat ah phäh ah m’kat gui khai ah kyum lawk ci nei. Khomdek khan ung m’zih ne chang ngawn nak phung cu ng’dang ling khai nei, ami ngawn ah chang cu khomdek naw kä m’zih ba khai nei.


Cun ah khim a gawk law ung, Philistia tui kam yung ah am ciah chang gui naw, ‘Assiria ghangpughang ah kut ung ka na shungvong gui khai ah mikmi naw mi ngaih u gui ah chang gui ah khan ah, a i ah kya lawk cicu teng tu vä! A i hawkcha ghing ne mi k’pawih ba khai aw?’” cik ci gui.


Bawipa naw m’hnüt nak m’dang ne, khosang ah om ciah pakhni gui khü gui khai. Ani naw khocawi ah ka gui ami law vai ah m’shük ne khü gui ci. Ngami cu ang ghit, ak yä ah shin ung lawk ci gui!


Bühmang nak naw sih nak na bui hnüüp ung kä akni ah ning kyak sak khai. Cun ung phi düng nak naw a hnun ning hun khai.


Khomdek ak cawi ah ka nang mi ning hnungtuk püi gui khai ah pakhui cu Bawipa naw law püi khai. Cun ah pakhui ah ng’thu cu nangmi naw kä nami hmat khai. Ngami naw hmu kiung ah m’tawn ah mäih ah ning m’tawn gui khai gui.


Prophet gui naw a i kä pyen ci gui, hleei hlak ci gui; taigü gui naw prophpet gui ah thum khän ah mäih ah uk ci gui, kei ah ka chang gui naw phi kä maa na gui ci gui. Cun ung phi shin gui avan ak hnu hnüüp ung a gawk law ung ngami naw ai bik khai gui ang?”


Cun kawn ah prophet Isaiah naw ghangpughang Hezekiah law neta ng’shik ci, “Shin ah Chang gui a hawi ka ang ami law, a i ang ami ning pyen nak?” Hezekiah naw am shan ba cu, “Ngami cu aktä ah athuuk nak ah khopäng, Babilonia ah ka lawk ci gui.”


Zion ung shekak ciah chang gui cu kyi ne ng’hlet u sä. Ngami naw, “Khanpughi ah ng’thumcha nak cu mei ah mäih ah kya ne angtäi sei ui ci nei. Acun ah mäih ah mei ung ka, mikmi mi k’pawih hning khai aw?”


Cun nak vaisü ung, nami ga gui phiawn nak vai ah zangkhai ciah ng’se ng’cum vai ah nami k’bäi ci. Nangmi nami hman ci-ai ah kyasei ci ung nangmi cu nami dawng tukcang khai kyak ci! Nangmi naw nami ne’se gui zangkhai ciah nami ngai ci, cun ung phi nangmi ning gawt law gui cicu zangkhai pi khai nei!


M’gang khlam naw ei ah cani ne ei hlü gui ne, ani naw a shai m’an ne ang ci. A cun naw Jerusalem ah mang gui cu m’lau ng’pyang ciah chang pang gui awn atäng ah m’zaw gui ci.


Cun ah chang gui cu Jordan tui güt ah hteit ci gui, lam pum ung suisak gui la a i bawi gui cu Sirian gui naw ami dawng nak ung m’chu shüt u sei hmuk ci gui. Cun kawn ah ngami cu hteit ba ne ghangpughang am m’thein ba ci gui.


Laban ah hta gui ah ami ng’thu Jakob naw ang yak ba cu, “Mi pa ah khawh gui nü cu Jakob naw la yawp ci nei. Ani ah khawh chaam gui avan cu mi pa ah kaa ungka ah kyak ci nei” ciah kyak ci.


“Israel naw a i hlawk ah a gawpyam cu hmu ne, Judah naw amät ah leim cu ahmuh ah a kyak ung Israel naw Assiria ah hteit ne dämduh ciah uktu bawi naw am htei tu gui vai ah thäh khai gui. Cun ung phi ani naw kä m’gai gui hlawt khai, ami leim kä khan sak gui hlawt khai.


M’neh m’awk ne ng’hlo ei vü! Bawipa ah kho hnüüp cu ng’et ci nei, m’gäi ci naw m’di nak a law püi nak ah hnüüp nei.


Bawipa naw pyen ci, “Israel gui ah däinduh nak ang pyi nak vai ah hnüüp cu gawk lawk ci nei. Ani ah bühmang nak ah hnün ung du khaih nak gawk lawk khai nei.


Tuhbäi, ngami cu sik ci gui, kä ghing ba khai gui nei; Ngami ah m’cha cu kä tho ba khai nei, nang naw m’kyuk gui ne, na m’di gui ah phäh ah kyak ci nei. A u naw phi ngami kä shüm ba gui khai nei.


m’gäi ciah Bawipa naw ng’pheet ciah hmumkyeek la shihpi thüng awn ning gung gui khai nei. Ani naw puikhokhi la meikdäi ng’lam cu tüi lawk khai nei;


Kä ngaih gep vaiah pakhui, ami ngaih u yah ung zu ng’kiak sakgui ciah pakhui, ami ngaih u ah phäh Judah chang gui cu ng’yu ba khai gui.”


Egypt naw a pek ah m’htei htang nak cu a kholä nei. Cun ah kyasei kei naw Egypt ming m’hlawt awn ka khü cu, “Am’äm kä om ciah phyu ng’hlui” ah kya ci.


Jerusalem, nang cu na ng’ziin ci! A i ah kyasei nang naw asen na sui ang? A i ah kyasei pyülung gui sui awi ne, nami mik phi nami cüi che ang? Nang naw akholä ah phäh ah na mät naw na mät na kyom sak ci nei! Na m’hni gui ah chang naw ning hnungtuk püi ne, ning ngawn hlük ci gui nei.


Shin gui ah phäh ah kei naw kä m’kyuk gui ne ka om khai ma? Shin ah mäih pakhui ah khan ah kei naw phu kä tuk ah ka om khai ma? Kei, Bawipa naw ka pyen ci.


Cun m’di khai ah kei naw chang gui ka tüi lawk khai. Ngami ami van naw ghei gui law püi u ne kyom ciah a cedar sing gui cu chu pit u ne, mei ung m’khih khai gui nei.


Bawipa m’tamkhah nak vai ah pawi bi nak vai ah akhin a gawk law ung ngami naw a i bik khai gui ang?


Akni pi la akbä pi gui cu ng’hling ah mäih ah akholä ah kyak ci gui. Khanpughi naw ngäng ci gui ah prophet gui am thu a pyen nak ah mäih ah chang gui am kyuk nak gui vah ah hnüüp gawk lawk ci nei. Ngami cu ng’thääk yawp ci gui nei.


Nangmi cu ng’thu thuk ung om ciah chang ah mäih ah nami kyak khai, ani cu akhaw azäih ung kä cun ciah phak ung, kä kyuup ciah yih ng’khuih ne ip ciah kyak ci.


Cun cu kawng kyih ne dawng neta khawm awn ng’awt ciah chang ah mäih ah kyak khai. Im ah lut ba ne paang ung akut taih khäta phyu naw akdawh ah mäih ah kyak khai.


Swiv nou:

Piblisite


Piblisite