ISAIAH 10:29 - Cho Bible Common Language 2016

²⁹ Ngami cu k’hteng kau law une, Keba ung mü ip ci gui! Ramah gawnu ung om ciah chang gui cu kyih aih ci gui, Gangpughang Saul ah gawnu Kibeah ung om ciah chang gui cu a hei ah dawng ci gui.

ISAIAH 10:29 Referans Kwoze

1 SAMUEL 13:23

Philistin gui naw gakap ng’bum ät cu shungvong gui khai gui ah Michmash gaw m’lawi ung tüi ci gui.

1 SAMUEL 7:17

Ani cu Ramah a im ah hteit ba ci, acun cu taga suki ah bi abi nak ah kyak ci. Ramah ah ani naw Bawipa ah hmawk ah mangkiang co ci.

1 SAMUEL 11:4

Ami chang tüih gui cu Saul ah om nak Gibeah ah gawk law u ne, a mawng cu m’thein gui u khäta chang gui cu om k’she ne kya ci gui.

JOSHUA 21:17

Benjamin khopäng ungka mang gaw phli ami pek gui; cun gui cu Kibeon, Keba,

HOSEA 10:9

Bawipa naw pyen ci, “Israel chang gui naw kei na hnungtuk püi u ne, ami kat nak cu kibeah ung tün ne ami kat nak cu kä ng’düm ci. Cun ah kyasei ngami cu ami ng’tuk nak naw pha law gui khai.

HOSEA 9:9

Ngami cu kibeah ung ami om ah mäih ah ami bi nak phung ung ngaih u vai kä om khai ah shekat ci gui nei. Khanpughi naw ngami ah kat nak cu shüm gui ne, a cun ah phäh ah m’kyuk gui ci. Israel gui ah kat nak la A cun ah aphu gui.

HOSEA 5:8

Kibeah ung ng’tuk nak phyungheng tum vä, Ramah ung thüngkyüng nak khiing tum vä! Bethaven ung ng’tuk nak m’tho ne ng’hawh vä. Benjamin chang gui ng’tuk nak ah hteit vä.

JEREMIAH 31:15

Bawipa naw pyen ci, “Ramah ung k’aw tumat cu ka ng’yak ci nei. Cun cu akshe ah kyah ah k’aw ah kyak ci. Rachela cu a hta nau gui ah phäh ah kyap ci; Ngami cu hteit pyi ci gui kya sei, ani cu ami k’büi vai phi kä ng’ya hlük ci.

1 GHANGPUGHANG GUI 15:23

Asa ghangpughang ah bi phung phung, am gäi nak gui la gawnu gui ang vongpang nak gui avan cu Judah ghangpughang gui ah mawng ca-uk ung guk ah kyak ci. Cun ung phi ani ghi law ne a khaw na sei ng’dääk ci.

1 SAMUEL 15:34

Cun kawn ah Samuela cu Ramah ah hteit ba ci, Saul ghangpughang cu Gibeah a im ah hteit ba ci.

1 SAMUEL 14:4

Michmash sun pah nak, Jonathan naw Philistin gui ah phung ah a hteh nak lam ah, lungsong m’shum akdäm hnih om ci, lam ah vng täng ung tumat ciah om ci. Tumat cu Boaz ah khü ne, tumat cu Seneh ah ami khü ah kyak ci.

1 SAMUEL 13:16

Saul la a hta Jonathan la akchang gui cu Benjamin khaw Geba ung phung tu ne om ci gui; Philistin gui ah phung cu Michmash ung om ci.

1 SAMUEL 13:2

Saul naw chang phia thum kip ghü ci, phia m’ku cu amät ah om nak, Bethela kho gui, Macmash ah om püi gui ne, phia gha cu Benjamin pakhui ah om nak Gibeah ah a hta Jonathan awn a täng ah om sak gui ci. Ak pawih ba gui cu Saul naw ami im ah tüi ba gui ci.

1 SAMUEL 10:26

Saul cun phih Gibeah a im ah hteit ba ci. Huham ah ciah chang amshah gui cu Khanpughi naw ami m’lung tawn pe gui sei, ani awn atänga hteit tuk ci gui.

1 SAMUEL 14:2

Apa cu Migron ah htale-ghing ka ah phung tu ne om ci, cun cu Gibeah awn kä ng’shawng ci; ani ung ak chang phia chuk om ci.

1 SAMUEL 14:5

Tumat cu lam ah ak khan lam ah om ne, Michmash täng ah mang ci, tumat ah a htumtäng ah om ne, Geba lam ah mang ci.