ISAIAH 10:27 - Cho Bible Common Language 2016

²⁷ Cun ah khin a gawk law ung, kei naw nangmi cu Assiria ah huham ungka, ka ning m’hlawt gui khai, ngami ah phuih gih cu nangmi ah phleing ung kä ng’taih ba khai.”

ISAIAH 10:27 Referans Kwoze

ISAIAH 9:4

A I ah kyasei ci ung ngami ung gih ciah kawh nak la Ngami ami k’phleing ung thah nak ah htung cu, Nang naw na cheiuh pyi ah kyakci. Nang naw cau pui Midian gakap gui na hnim gui ah mäih ah, Na Chang gui shedam na ne lei ei gai awk ciah pakhui cu, nang naw na hnim ci nei.

LUKA 4:18

“Khanpughi ah Mumcha cu kei khan ah gawk law pyi ci, Geinvai ci gui-am Thu Ni m’thein gui vai ah Kei cu na ghü pyi ci, Thawng ung kium ci gui ah phiawn nak vai, A mik m’dauh ci gui ah m’dei ba nak vai la Shedam nak gah ci gui ah phiawn nak vai ah mawng shäu ne pyein vai ah kei cu ghü ne na tüi pyi ci

ISAIAH 14:25

Kei naw ka khaw Israel ung Assirian gui cu ka m’di gui khai, ka khomhtung gui ah khan ah ngamicu ka kai na gui khai. Kei naw ka chang gui cu phuih gih ah kyak ciah Assirian la phuih la phuih gih gui ung ka, ka k’phiawn gui khai.

SAM 105:15

“Ka ghü ah ka changshäm gui cu kä nami hnim gui vai; ka prophet gui cu kä nami tawn en vai.”

1 JOHAN 2:20

Cun ung phi Bawi Khrit naw nangmi ah khan ah Mumcha Theing cu ning m’kyum gui pyi ci kyasei, nangmi naw thu thuuk cu nami hmat pyi ci nei.

SAM 45:7

Nang naw düng nak cu na m’hni ci, akshe cu na gen ci. Cun cu Khanpughi, na Khanpughi naw a ning ghü ah kyak ci, Ani naw a hei ghangpughang gui ah mä, bä pi ciah yeikyai nak awn ning shawi ci.

SAM 20:6

A ghü ah ghangpughang am Bawipa naw näng nak a pek cu tuhbäi kei naw ka hmat ci nei; Ak khankho theing ah om ne, ani cu m’shang ne, a huham awn näng nak küi cu pek ci nei.

1 JOHAN 2:27

Cun ung phi nangmi läi cu Bawi Khrit naw ang Mumcha ning m’kyum gui pyi ci nei. Nangmi ung Mumcha cu ghing ne om pyi ci kyasei, nangmi cu a u naw a ning m’theithang ba gui vai kä hlü ci nei. Cun ah Mumcha naw a päng avan ning m’thei gui ci, ani ah ning m’thei gui cu düng nakcang nak ah kyak ci, thuvi hleeihlak ah kä kyak ci. Cun ah kyasei Mumcha ah m’theithang cu nami läk vai, Bawi Khrit awn kawng ät ne nami om vai.

2 SAMUEL 1:21

Kilboa khaw m’htung gui ah khaw kä aa en sä, khlüitui kä baw en sä; ami lou ung angtäi ah khaw käu sä! A i ah kyasei ci ung chang m’gäi ah shawi gui cu acun ung thüi ne yung kyak ci; Saul ah shawi phih situi awn kä hluk ba nei.

SAM 84:9

O Khanpughi, na ghü ah ghangpughang, kami ghangpughang cu hriham pe ä.

LAMKTU 4:27

A cun ah mäih ah Herod lah Pontius Pilate cu, chang pa hei gui lah Israel chang gui awn a täng ah Messiah ah nam düih, na chang shäm ah Bawipa Jesuh cu hnu ng’tuk püi vai ah ng’bum man ci gui nei.

ISAIAH 37:35

Kei naw shin ah mang gaw cu shungvong ne ka ngäng khai, cun cu kamät m’tamkhah vai ah hmawk la ka chang shäin David ung shaika tak ah hmawk ah kyak ci.”

SAM 132:10

Na changshäm David ung shaitaak na bik ci; Na ghü ah ghangpughang cu kä hnu ng’tuk en püi ä, Bawipa.

SAM 2:6

Ani naw, “Zion, ka khomhtung theing khan ah, kei naw ka ghangpughang cu ka m’düih ci nei” cik ci.

JOHAN 1:41

Andrew naw anau Simon hmu netah, “Messiah ni hmu pyi ci nei” cik ci. (Messiah cu Chrit ah kyak ci.)

SAM 81:6

“Kei naw nami phuih gih cu ka ning lak pe gui ci; Nami kawh ah lung phi ka ning chah pe gui ci; Nami kawh ah lung phi ka ning chah pe gui ci.

ISAIAH 30:23

A i sang ung phi m’shi nami phu ah a kyak ung, ang lih ngon nak vai ah Bawipa naw kho aa sak khai, akda ah ning khäm sak gui khai, nami vuhchah gui ah phäh ah khulim khaw akda om khai.

ISAIAH 52:2

Jerusalem, na phyawn vai ah ng’kia ä! M’vut ung ka tho ne na mang kiang ung ngo ä! Ami pha ah Zion chang gui, ning khit gui ciah m’si gui cu k’phian vä!

ISAIAH 55:2

Phü m’ghüm vai ah kä kyak ci ung, a i ah kyasei ngui na mang ang? Na ng’cheng chuh cu mang neta, a i ah kyasei, ei na cawi lä ang? Kei cu na ngai ä, kei ah pyen ah bilo ä, cun ung ei ak ni pi ei ne na yeikyai khai nei.

EZEKIEL 30:18

Kei naw Egypt ah huham ka m’shet law ung Tahpanhes ah khan ah kho hmüp nak gawk lawk khai, ngami naw ami khähghah nak aih ah k’thagui cu ng’pyi khai. Egypt cu khongmei naw shung khai, mang gaw avan ung chang gui cu thanwg ung kium khai gui.

TAIGÜTHUM 7:35

Shin cu Aaron la a hta gui taigü gui ah kyak khai gui ah phyuhtheh gui hnüüp ung Bawipa am ei-douthak amshah ah kyak ci.

JEREMIAH 30:8

M’gäi ciah Bawipa naw pyen ci; “Cun ah hnüüp a gawk law ung ami hnü ung ami phuih nak ah sing cu cheiuh ne, gui gui cu ka heen pe gui khai, ngami cu Khohei Chang gui ah Khlei htein ah kä kya ba khai gui.