ISAIAH 10:26 - Cho Bible Common Language 2016

²⁶ Kei, m’gäi ciah Bawipa naw, Oreb Lungnu ung Midian gui ka m’ghuih gui ah mäih ah kei naw ka htung awn ka m’ghuih gui khai, Kei naw Egypt ka m’kyuk ah mäih ah Assiria cu ka m’kyuk khai.

ISAIAH 10:26 Referans Kwoze

ISAIAH 9:4

A I ah kyasei ci ung ngami ung gih ciah kawh nak la Ngami ami k’phleing ung thah nak ah htung cu, Nang naw na cheiuh pyi ah kyakci. Nang naw cau pui Midian gakap gui na hnim gui ah mäih ah, Na Chang gui shedam na ne lei ei gai awk ciah pakhui cu, nang naw na hnim ci nei.

SUKI GUI 7:25

Ngami naw Midianit bawi chang hnih phak ci gui, Oreb la Zeeb; Oreb cu Oreb lung ung ngawn u ne, Zeeb cu Zeeb sapyit neen nak ung ngawn ci gui. Ngami naw Midianit gui cu gawt gäk gäk u neta, Oreb la Zeeb ah lu goi cu Jordan a kiangtäng ah gawk ciah Kideon ah om nak ah law püi ci gui.

2 GHANGPUGHANG GUI 19:35

A cu mü Bawipa ah khanchang cu Assirian phung ah hteit ne Assirian gakap 185, 000 cu ngawn gui ci. A ngawi khaw thaih ung a cun ung ami van si ne ng’yän ci gui!

PHYAWN NAK 14:16

Na ng’shopawng cu m’tho ne tuinu ah khan ah hei shäng ä. Tuinu ng’pai khai nei. Israel gui cu m’dek hu ung hteit ne, tui hei kaan khai gui nei.

THU PHLAAN 19:15

Khaw nüng chang päng a heem nak vai ah am gawng ung khim k’ghaat lut lawk ci. Ani naw chang gui cu m’si k’htei pawng awn uk gui khai. Ak hlüngtai pi k’bäih Khanpughi ah m’lungshe nak ah kyak ciah sapyit neen nak ah khui ung sapyit cu neen khai nei.

THU PHLAAN 11:18

Na m’lungshe nak ah a khin cu gawk law ne, Si pyi ci gui m’khoichaa nak ah akhin cun phi gawk law sei, m’dek chang gui cu m’lungshe ci gui nei. Bawipa ah akchangshäm gui, purofet gui, nak chang gui la ning kyih aa ci gui naw, a yaw a däm ah ciah, m’cümhnah nak ami gah nak vai ah khin gawk lawk ci nei. Khomdek shekat sak ciah chang gui, m’shet m’kat nak gui vai ah, a khin gawk lawk ci nei” ci ne Khanpughi ah maa ah ng’thu pyein ci gui.

ISAIAH 11:16

Assiria ah akping ung tamu om kahi, cun cu a cu ah k’pawih ci gui ah a chang gui, Israel ah phäh ah kiah ci cun cu ngami naw Egypt khaw ami hteh tak yah ung ami pupa gni ah hmawk ah mäih ah kyak ci.

ISAIAH 10:24

Uktu Bawipa m’gäi ci naw Zion ung om ciah a chang am a pyen nak cu, “Egypt chang gui ah mäih ah kya ne ami ning yoshe nak gui ung phi, Assirian gui cu kä nami kyih en gui vai.

SAM 83:11

Oreb la Zeeb ah khan ah na bi ah mäih ah ami ng’vai gui ah khan ah na bi ah mäih ah uk ci gui cu na tuk gui vai nei,

SAM 35:23

O Bawipa, tho law ne kei cu na shung ä; ka Khanpughi, ng’düi law ne, kei ah ka mawng cu na m’htei pe ä.

ISAIAH 30:31

Bawipa ah ak’aw ng’ya ne, ani naw aktut ah am kyuk nak cu ami gah ah akiah ung Assirian gui cu kyih ne ng’hlet khai gui.

ISAIAH 9:3

Nang naw dämduh ciah hüithaw nak na pe gui ci nei, BAWIPA; Nang naw na yeikyai sak gui ci. Chang gui naw ami geit ami khäm ung, kä cun ung ami guh tep ah khawh ami ng’pai ung ami yeikyai ah mäih ah, Ngami cu nang ah bi nak ung hüithaw ci gui nei.

ISAIAH 30:30

Bawipa naw m’gäi ciah ak’aw cu chang nü am ng’yak sak ne, am lungs he nak ah ng’tut nak cn gah sakgci khai meikdäi gui, khumei ng’baw, gäi nu gui la kyihshe ciah khok’aa cu kya lawk khai.

ISAIAH 30:32

Bawipa naw ngami cu leng ba ba ne a thah gui yah ung, ani ah achang gui cu tingtäng htikbei tum ne akhin pyi sak khai gui. Khanpughi amät naw Assirian gui cu ng’tuk püi gui khai.