ISAIAH 10:22 - Cho Bible Common Language 2016

²² Cun ung phi tuhbäi, Israel chang gui cu tuinu kem ah laigin ah mäih ah da ci gui nei, cun ungka apihta bäng nei law ba khai, Dishum nak cu chang gui ah phäh ah m’küm ci nei, cun cu akbe tucang ah kyak ci nei.

ISAIAH 10:22 Referans Kwoze

ISAIAH 6:13

Shin ah khaw ung chang gha ung ka tumat akpawih ba ung phi, ani cu m’di vai; ani cu chuk pyi ah oak sing ghing ah ak hmui ah mäih ah kyak khai.” (Sing hmui cicu khanpughi ah chang gui ami ng’tün nak ba thai ah kyak ci.)

THU PHLAAN 20:8

m’dek ah khan ung chang avan cu cheishoh sak ne, kok la Makok ah ming ciah ng’tuk bi vai ah ng’cut sak gui khai. Ngami cu tuinu kem ah laigin chü ah da ci gui.

DANIEL 9:27

Cun ah uktu naw chang akda gui awn yumnak ät cu kum chih khän sak khai, kum thum la avang a lüng ung ani naw khawihnah nak la douthak nak cu ng’pyi sak khai. Kyihkyawk shemshai vai kyak cicu Taigüim ah a hlüng nak pikbäih ung tha khai gui. Cun cu acun tha ci am Khanpughi naw a pawng püi pek ang pyi nak a bui awt güt ung om khai.”

ROMAN 2:5

Cun ung phi nang cu lingkeng ciah nam lung om ci, Cun ah kya sei, Khanpughi ah m’lung she nak la düng ciah m’khoichaa nak a gawk law hnüüp ung, nang cu nuipai ciah shet m’kat nak na gah khai.

LAMKTU 17:31

A i ah kyasei ci ung khomdek chang avan, ghü ne am düih pyi ah Bawipa awn, ng’düng ciah ng’thumcha nak vai ah hnüüp cu, ak bäi pyi ah hmawk ah kya ci. Cun ah abi law vai ah mawng cu, cun ah Bawipa sih nak ungka a thawh ba sak nak awn, khäng htek ciah saksi m’dang pyi ci” cine pyein ci.

ISAIAH 8:8

Ngami naw Judah khaw avan cu kui ne küm u ne, phleing ung khüt sei k’plüm ne apäng avan küm khai gui” cik ci. Khanpughi naw na om püi gui ci! Ak phyaat ah ang phya naw mi khaw cu shungvong ci.

ISAIAH 6:11

Kei naw, “Bawipa shin ah mäih cu ai güt lüng khai ang?” cine ka ng’shik ci. Ani naw, “Shin gui cu mang gaw gui di ne a maih güt-im gui a u kä a om ba güt-khaw ung chang kä a om ba güt ah kyak khai.

1 GHANGPUGHANG GUI 4:20

Judah la Israel chang gui cu tuinu kem ah laigin chü ah da lawk ci gui: ngami cu ei ne aw ne yeikyai ci gui.

ATÜNNAK 18:25

Chang ni gui cu changshe gui awn a täng ah kä na ngawn en gui vai nei. Cun ah na bi ung chang ni gui naw changshe gui ah mäih ah m’katnak cu gah lawk khai gui nei. Cun ung kä bä khai nei, khomdek m’khoichak ciah Bawipa cu düng ciah kä kya ne ang” cine ng’paa nak ci.

HOSEA 1:10

Israel chang gui cu tuinu kem ah laigin ah mäih ah kyak khai gui, kä khei tai vai, kä nüt tai vai ah kyak khai gui, Tuhbäi Khanpughi naw pyen ah gui ci, “Nangmi cu kei ah kä ning chang gui nei,” Cun ung phi ani naw shi cha ah a pyen nak vai ah hnüüp cu gawk lawk khai nei “Nangmi cu ghing ciah Khanpughi ah hta nau gui nei!”

ISAIAH 46:3

Na ngai vä, Jakob ah hta ng’shon gui, k’pawih ciah kei ah ka chang gui. Nangmi nami hmi law ung tün ne kei naw ka ning m’htei htang gui ci nei.

ISAIAH 48:19

Nang ah hta ng’shon gui cu laigin chü ah da khai gui, kei naw ngami cu a i yah ung phi kä ka dishum sak gui khai.”

ISAIAH 60:22

Ak zaw pikboüh la angneim pikbäih ah na kyong chang pang phi, Huham mah ciah pakhui hlawk ah dämduh lawk khai nei. Akhin a gawk law ah a kyak ung, shin gui ang ghit ah kya lawk khai ah ka bik khai nei. Kei cu Bawipa nei!”

ISAIAH 65:8

Bawipa naw pyen ci, “Sapyit theih ak ni cu a u naw kä m’di man ci, a cun awn sapyit tui vah piangman ci gui. Kei naw ka chang gui avan cu kä m’di gui khai-kei ah bi bik ci gui cu ka hun gui khai.

2 GHANGPUGHANG GUI 19:31

Jerusalem la Zion ung k’pawih ba ciah chang gui cu om khai gui, a i ah kyasei ci ung a cun ah kyak khai ah Bawipa naw ak bäi pyi ah kyak ci.

ISAIAH 37:31

Cun ung phi Judah ung k’pawih ci gui läi cu m’dek ung thauk sei ng’yung pya ne, m’theih pai ciah mäih ah kyak khai gui nei.

ISAIAH 59:20

Bawipa naw a chang gui pyen ah gui ci, “Kei cu Jerusalem ah ka lawk khai, ning shungvong gui ne, katnak ung n’hlat ci gui nami van ka ning hun gui khai.

JEREMIAH 3:14

“Kä bekhüt ciah chang gui, law ba vä, kei cu nami na ka nak ci nei. Kei naw gawnun päng ungka, tumat ci, pahta päng ung ka hnih ci ning la gui neta kei naw Zion m’htung ah ka ning hteit püi ba gui khai nei.

JEREMIAH 44:28

Cun ung phi nangmi ungka chang api cu sih nak ungka laut ne Egypt ah ka Judah ah nami law ba khai. Cun kawn ah k’pawih ba ci gui naw kei ah ng’thu ang, ahei ah ng’thu ang abä ah hmat khai gui.